San Lucas 21:12 - LEQUIL ACH' C'OP

¹² »C'alal mu to'ox xc'ot li c'usi lacalbeique, li vo'oxuque chatsaqueic, chavich'ic crontainel. Cha'iq'ueic ech'el ta stojol jmeltsanejc'opetic ta bic'tal temploetic, chatiq'ueic ta chuquel xchi'uc cha'iq'ueic ech'el ta stojol reyetic xchi'uc ta stojol coviernoetic ta scoj ti avich'ojicon ta muq'ue.

Tzotzil Zinacantan

¹² ’Cꞌalal mu toꞌox xcꞌot li cꞌusi lacalbeique, chatsaqueic, chamajeic, chaꞌiqꞌueic echꞌel ta stojol jmeltsanejcꞌopetic ta bicꞌtal temploetic, chatiqꞌueic ta chuquel. Chaꞌiqꞌueic echꞌel ta stojol preserenteetic xchiꞌuc ta stojol coviernoetic ta scoj ti avichꞌojicon ta muqꞌue.

Bible in Tzotzil de Chamula

¹² C'alal mu'yuc ta xc'ot ta pasel taje, ba'yel ta xavich'ic nutsel, ta xavich'ic aq'uel ta chapanel ta jujun ch'ul na, ta xatiq'ueic ta chuquel. Ic'bil ta xabatic ta stojol ti banquilal ajvaliletique xchi'uc ta stojol ti its'inal ajvaliletic ti vu'un ta jventae.

Bible in Tzotzil de Chenalhó with Deuterocanon

¹² “C'alal muc to chc'ot ta pasel jeche, ba'yuc chavich'ic tsaquel, chavich'ic uts'intael. Chavich'ic aq'uel ta sc'ob boch'otic oy yabtelic ta nail tsobobbailetic, xchi'uc chavich'ic chuquel. Chavich'ic iq'uel batel ta stojol muc'tic ajvaliletic, xchi'uc ta stojol its'inal ajvaliletic, pero vu'un ta jcoj.

Tzotzil San Andres

¹² ’Cꞌalal muc toꞌox bu chcꞌot ta pasele, chastsaquic, chasmajic, chayaqꞌuic ta scꞌob li buchꞌutic oy yabtelic ta chꞌulnaetique, chastiqꞌuic ta chuquel. Ta sventa ti avichꞌojicun ta muqꞌue, chayiqꞌuic batel ta stojol li ajvaliletique.

Tzotzil de Huixtán

¹² ’C'alal mu to chc'ot ti pasel, jbael chastsacoxuc, chayilbajinoxuc, cha'ochic ti chuquel ti templo yu'unique xchi'uc ti chuquele. Chayic'oxuc ti stojol ajvaliletic xchi'uc gobernadoretic ho'on ti jventa.

San Lucas 21:12 Iomraidhean Croise

San Mateo 22:6

Li jlome istsacbeic smozotac li reye, ilbaj iyilic, ismilic ta jmoj.

San Mateo 24:8

Scotol taje sliqueb to vocol.

San Lucas 21:11

Oy bu ch-ech' tsots niquel, oy bu ch-ech' vi'nal, oy bu ch-ech' chamel ta buyuc no'ox, chavilic ep seña ta vinajel ti xi'el sba tajmeque.

San Juan 15:20

Na'ic me ti ja' onox yech lacalbeique: “Mi junuc ti much'u chtun no'oxe ti más tsots yabtel chac c'u cha'al li yajvale.” Xa cutic ono'ox. Mi chquich' ilbajinel li vo'one, ja' no'ox yech chavich'ic ilbajinel uc; ti mi chich'ic ta muc' li c'usi icale, ja' no'ox yech ta xich'ic ta muc' ti c'usitic chavalic uque.

San Juan 15:21

Ja' yech cha pasbatic uc lavi avich'ojicon ta muq'ue, yu'un mu xojtiquinic ti much'u li stac tale.