San Lucas 2:51 - LEQUIL ACH' C'OP

⁵¹ Tsobol xa isut xchi'uquic ta Nazaret ti Jesuse, ti c'u sjalil tey tsobol xchi'uquique, lec ixch'un mantal. Ti sme'e isnac' ta yo'on scotol ti c'usitic ispas ti Jesuse.

Tzotzil Zinacantan

⁵¹ Tsobol xa la isut xchiꞌuquic ta Nazaret ti Jesuse. Ti cꞌu sjalil tey tsobol xchiꞌuquique, lec la ixchꞌun mantal. Ti smeꞌe muc la xchꞌay xaꞌi ti cꞌu xꞌelan itacꞌav cꞌalal tey ta temploe, xchiꞌuc ti lec ixchꞌun mantal cꞌalal tey ta snae.

Bible in Tzotzil de Chamula

⁵¹ Va'i un, jmoj sutic batel ta Nazaret, ti lec ta xch'unbe smantal ti stot sme'e. Ja'uc ti sme'e, mu xch'ay ta yo'nton ti c'u s'elan albate.

Bible in Tzotzil de Chenalhó with Deuterocanon

⁵¹ Li Jesuse la xchi'in sutel ta Nazaret li stot sme'e; lec la xch'unbe smantal li stot sme'e. Li Mariae la xchabi lec ta yo'nton scotol.

Tzotzil San Andres

⁵¹ Li Jesuse schiꞌuc sutel ta Nazaret li stot smeꞌe. Ti jayib jabil te schiꞌuc li stot smeꞌe la schꞌunbe scotol li smantalique. Li Maríae muc xchꞌay ta yoꞌon li cꞌu sba itacꞌav li te ta mucꞌta chꞌulna li yole, schiꞌuc ti lec ichꞌunbat li smantalique.

Tzotzil de Huixtán

⁵¹ Ti Jesuse laj xchi'in batel ti Nazaret ti stot sme'e. Te laj xch'umbe smantalic. Scotol ti c'utic laj spas ti Jesuse icom ti yo'nton ti sme'e, tsnopilan ti yo'nton.

San Lucas 2:51 Iomraidhean Croise

San Mateo 12:46

C'alal tey chlo'ilaj xchi'uc crixchanoetic ti Jesuse, ja'o ic'otic ta ti'na sme' xchi'uc yits'intac ti Jesuse, yu'un chac sc'opon ya'iic,

San Mateo 3:15

Itac'av ti Jesuse: —Taje mu to c'u jtu'untic, lavie ja' jts'acubtastic scotol ti c'usi tsc'an ti Rioxe. ―Xi ti Jesuse. Yech'o un ti Juane ixch'un.

Marcos 1:9

Ti c'alal yolel chac' ich'vo' ti Juane, ja'o iloc' tal ta jteclum Nazaret ta yosilal Galilea ti Jesuse. Tey ic'ot ta uc'um Jordán, i'ac'bat yich' vo' yu'un ti Juane.

Marcos 6:3

¿Mi mu ja'uc li carpintero le'e li screm Mariae, li sbanquilic li Jacoboe xchi'uc li Josee, xchi'uc li Judase, xchi'uc li Simone? ¿Mi mu li'uc jchi'uctic ta naclej li yixleltaque? ―Xut sbaic. Yech'o ti muc' xich'ic ta muc' ti Jesuse.

San Lucas 18:37

I'albat ti ja' ti Jesus Nazaret tey i'ech'e,

San Lucas 2:19

Ti Maríae isnac' ta yo'on scotol ti c'usitic iya'ie, muc'bu ixch'ay ta sjol, tey isnopilan c'usi smelol.

San Lucas 2:39

Ti c'alal laj spasic scotol ti c'usitic yaloj ta smantaltac ti Rioxe, li Josee xchi'uc ti Mariae isutic ta slumalic ta Nazaret ta yosilal Galilea.

San Lucas 4:16

Ti Jesuse ibat ta steclumal ta Nazaret yo' bu ich'ie. Ti c'alal ja' o sc'ac'alil ta xcuxic li j'israeletique, ibat ta templo teyo'e yu'un nopem onox xa'i ti chc'otilane. Iva'i, yu'un ja' chapta li sc'op Rioxe.

San Lucas 4:23

Itac'av ti Jesuse: —Li vo'oxuque ja' nan yech chavalbecon chac li'i: “Mi yech xaval ti jpoxtavanejote, poxta aba atuc ba'yuc” Xa chiic nan. Xi chavalbecon noxtoque: “Ti c'usi ica'iticotic apas ta capernaume, paso yech li ta alumal atuque.” Xachiic nan —x'utatic yu'un ti Jesuse.