San Lucas 13:16 - LEQUIL ACH' C'OP

¹⁶ Yan li ants li'i, ti ja' smom ti Abrahame, svaxaclajunebal xa jabil chucbil yu'un ti pucuje, abol sba tajmec ta chamel, ¿mi mu stac' ya'el ti ta xich' coltael ta sc'ac'alil ta jcuxtique? ―X'utat yu'un ti Jesuse.

Tzotzil Zinacantan

¹⁶ Li jmemeꞌtic liꞌi ti coꞌol smomotic Abraam jchiꞌuctique, ti oy xa svaxaclajunebal jabil abol sba xchaꞌleat yuꞌun ti pucuje, jaꞌ noꞌox yech uc, xuꞌ jtuqꞌuibtasbe spat lavi ta scꞌacꞌalil ta jcuxtique ―xꞌutatic la yuꞌun ti Jesuse.

Bible in Tzotzil de Chamula

¹⁶ Ti ants li'e, ti ja' jun snitilul ti Abrahame, oy xa ta svaxaclajunebal (18) jabil oy xchamel ti chucbil pech'bil yu'un ti pucuje. ¿Mi mu stac' colesel ta sc'ac'alil ti cuxob o'ntonale?

Bible in Tzotzil de Chenalhó with Deuterocanon

¹⁶ Li ants li'i ti ja' smomnich'on Abrahame, xvaxaclajunebal (18) xa jabil tsacbil ta chamel yu'un li pucuje, ¿me mu stac' ta jcolta ta sc'ac'alil ta jcux co'ntontic? —x'utatic yu'un li Jesuse.

Tzotzil San Andres

¹⁶ Li ants liꞌi ti svaxaclajunebal xa jabil tsacbil ta chamel yuꞌun li Satanase, jaꞌ jchiꞌiltic, pero chopol avaꞌiic ti ijcolta ta scꞌacꞌalil ta jcuxtique ―xꞌutatic yuꞌun li Jesuse.

Tzotzil de Huixtán

¹⁶ Ja'uc ti ants li'to ti ja' yelnich'on uc ti antiguo jtotic Abrahame, ti oy xa vaxaclajuneb habil ti chucbil yu'un ti Satanase, mu'yuc tsots sc'opilal ti avo'ntonic ti ac'o coluc manchuc mi ti sc'ac'alil ti jcux co'ntontic ―x'utatic yu'un ti Jesuse.

San Lucas 13:16 Iomraidhean Croise

San Mateo 4:10

Itac'av ti Jesuse: —Batan, Satanás. Ts'ibabil ta sc'op Riox: “Stuc no'ox xavich'ic ta muc' ti Riox avu'unique, ja' no'ox xapasic li c'usi tsc'ane.” Xi.

Marcos 2:27

Iyal noxtoc ti Jesuse: ―Li sc'ac'alil ta jcuxtique iyich' aq'uel ta scuenta slequilal li crixchanoe, pero ma'uc scuenta tspas ta mantal crixchano li c'ac'ale.

San Lucas 16:24

Ti jc'uleje i'avan: “¡Jtotic Abraam, c'uxubinon! Taco tal li Lázaroe, ac'u sts'aj tal sni' sc'ob ta vo', ac'u tal st'uxubtasbon li coq'ue, yu'un abol jba tajmec li' ta c'oq'ue.” Xi.

San Lucas 19:9

Ti Jesuse ja' yech iyalbe chac li'i: —Lavie iyul xa tal li coltael li' ta jp'ej nae, yu'un li vinic li'i ja' smom ti Abraham uque.

San Lucas 3:8

Aq'uic ta ilel ta acuxlejalic ti mi ta melel cha sutic tal ta stojol ti Rioxe, pero mu me xavalic yech chac li'i: “¡Li vo'oticotique ja' smomoticotic ti Abrahame!”; mu me xa chiic, yu'un ta melel chacalbeic, ti Rioxe xu' tsc'atajes ta smom Abraham li tonetic li'i.

San Juan 8:44

La totic li vo'oxuque, ja' ti pucuje; yu'un ja' yu'unoxuc, ja' chapasbeic ti c'usi tsc'ane. Ti pucuje jmilvanej onox ta spasel balamil, mu ono'ox sc'an li c'usitic melele, mu ono'ox meleluc sna' xc'opoj. Ti c'alal tsnop c'ope, yu'un ja' yech tspas ti c'u ono'ox x'elan li stalele; yu'un jnop c'op, ja' totil jnopc'op.