San Juan 8:18 - LEQUIL ACH' C'OP

¹⁸ Li vo'one chcal jc'oplal jtuc, ja' no'ox yech ti jtot ti li stactale, ja' chal jc'oplal uc. ―Xut.

Tzotzil Zinacantan

¹⁸ Li voꞌone chcal jcꞌoplal. Jaꞌ chal jcꞌoplal ti Jtot uque, yuꞌun jaꞌ listac tal ―xut.

Bible in Tzotzil de Chamula

¹⁸ Ti jun cajrextico oy ta jtojole, vu'un jtuc. Ti yan rextico xtoque, ja' ti Jtot ti Buch'u laj stacun talele.

Bible in Tzotzil de Chenalhó with Deuterocanon

¹⁸ Vu'un ta xcal jc'oplal jtuc, xchi'uc jech ta xalbun jc'oplal ec li Jtot ti la stacun tale —xi li Jesuse.

Tzotzil San Andres

¹⁸ Li joꞌone ta xcal jcꞌoplal jtuc. Pero jaꞌ jech ta xal jcꞌoplal eꞌuc li Jtote, jaꞌ ti listac talele ―xi li Jesuse.

Tzotzil de Huixtán

¹⁸ Ho'oni ti jchol jc'opilal. Co'ol chixcholbun jc'opilal uc ti Jtote, ja' ti laj stacun talele ―xchi ti Jesuse.

San Juan 8:18 Iomraidhean Croise

San Juan 10:11

Vo'on li lequil jchabichijone. Li lequil jchabichije chac' xcuxlejal ta scoj li xchijtaque;

San Juan 10:14

»Vo'on li lequil jchabichijone. Ja' c'ucha'al li Jtot ti xiyojtiquine, ja' no'ox yech xcojtiquin li Jtot uque, li vo'on uque, xcojtiquin li jchijtaque, li jchijtaque, xi yojtiquinic uc. Ta xcac' jba ta milel scoj li chijetique.

San Juan 10:30

Li vo'one junoticotic xchi'uc ti Jtote ―x'utatic yu'un ti Jesuse.

San Juan 10:9

Vo'on li ti'corralone: ti much'u ch-och ta jtojole, ta xcol. Co'ol c'u cha'al chij ti jun no'ox yo'on xloc' x'oche, ti tsta sve'ele.

San Juan 11:25

Ti Jesuse ja' yech iyalbe chac li'i: ―Vo'on jcha'cuxesvanejon xchi'uc vo'on j'ac'cuxlejalon. Ti much'u chixch'une ac'u mi xcham, pero ta xcuxiic;

San Juan 14:6

Itac'av ti Jesuse: —Vo'on li beone, vo'on li melelone, vo'on li cuxlejalone. Ja no'ox ta jcuenta vo'on xu' chac'otic yo' bu ti Jtotic Rioxe.

San Juan 8:12

Ti Jesuse isc'opon noxtoc ti crixchanoetique, ja' yech iyalbe chac li'i: ―Vo'on luzon li' ta balamile; ti much'u chi snap'letaone ta sta li luz scuenta cuxlejale, mu xa bu chanav o ta ic'al osil. ―Xi.

San Juan 8:25

Isjac'beic noxtoc ti Jesuse: —¿Much'uot che'e? ―Xutic. ―Itac'batic yu'un ti Jesuse: —¿C'u xa x'elan chacalbeic smelol?

San Juan 8:38

Li vo'one ja' chacalbeic ti c'usi yac'oj quil ti Jtote; ja' no'ox yech li vo'oxuque, ja'uc pasic ti c'u x'elan xchanubtasojoxuc la Totique. ―X'utatic yu'un ti Jesuse.

San Juan 8:51

Ta melel chacalbeic, ti much'utic ta xch'unic li jc'ope, mu xchamic ―x'utatic yu'un ti Jesuse.

San Juan 8:58

Itac'av ti Jesuse: —Ta melel chacalbeic, c'alal mu to'ox ch-ayan ti Abraame, li vo'one teyon onox. ―X'utatic.