San Juan 8:14 - LEQUIL ACH' C'OP

¹⁴ Itac'av ti Jesuse: ―Li c'usi chcale oy stu ac'u mi vo'on no'ox chcal jc'oplal jtuc. Yu'un jna'oj bu liquemon tal xchi'uc ti bu chibate; yan li vo'oxuque mu xa na'ic.

Tzotzil Zinacantan

¹⁴ Itacꞌav ti Jesuse: ―Acꞌu mi jtuc noꞌox chcal jcꞌoplal pero xuꞌ xachꞌunic yuꞌun jnaꞌoj ti bu liquemon tale, jnaꞌoj noxtoc ti bu chibate. Li voꞌoxuque mu xanaꞌic bu liquemon tal. Mu xanaꞌic noxtoc ti bu chibate.

Bible in Tzotzil de Chamula

¹⁴ Xi tac'av ti Jesuse: —Tsots sc'oplal ta xcalbe jba jc'oplal ti jtuque, yu'un jna' ti bu litale, ti bu ta xibat xtoque. Ja'uc ti vo'oxuque, mu xana'ic.

Bible in Tzotzil de Chenalhó with Deuterocanon

¹⁴ Itac'ov li Jesuse: —Ac'o me vu'un no'ox ta xcal jc'oplal jtuc, pero oy stu li jc'oplal ta xcale. Yu'un jna'oj ti bu liquemun tale; jna'oj ti bu chibate. Yan li vo'oxuque mu xana'ic bu liquemun tal, xchi'uc mu xana'ic bu chibat noxtoc.

Tzotzil San Andres

¹⁴ Itacꞌav li Jesuse: ―Acꞌo mi chavalic ti jtuc noꞌox ta xcal jcꞌoplale, pero jaꞌ melel li cꞌusi chcale. Yuꞌun jnaꞌoj ti bu liquemun talele, jnaꞌoj ti bu chibate. Li joꞌoxuque mu xanaꞌic ti bu liquemun talele, jech mu xanaꞌic bu chibat nojtoc.

Tzotzil de Huixtán

¹⁴ Hech itac'av ti Jesuse: ―Manchuc mi chach'unic ti jtuc no'ox ti jchol jc'opilale, melel ti c'usi chcale. Jna'oj ti bu niloc' talele, jna'oj ti bu chibate. Ho'oxuque mu xana'ic ti bu niloc' talele, mu xana'ic ti bu chibate.

San Juan 8:14 Iomraidhean Croise

San Juan 10:36

Ti mi Riox li st'uj ti li stac tal li' ta balamile, ¿c'uyu'un ti chavalic ti chi chopol c'opoj ta stojol Riox ti ical ti ja' Xch'amalone?

San Juan 13:3

Ti Jesuse, sna'oj ti ja' ac'bil scuentain scotol yu'un ti Stote, ti ja' tspas ta mantal scotole, xchi'uc ti tey liquem tal ta stojol ti Rioxe, ti tey ono'ox tsut ech'ele;

San Juan 14:10

¿Mi mu xach'un ti junoticotic xchi'uc ti Jtotic Rioxe? Li c'usitic chacalbeique, muc bu jyulesoj ta jol jtuc. Ti jtotic Riox ti li' ta jtojole, ja' tspas stuc ti c'usitic ta jpase.

San Juan 16:28

Tey li loc' tal ta stojol Jtotic Riox ti c'alal lital li' ta sba balamile, Lavi une, ta jcomtsan li balamile, yu'un chisut ech'el yo' bu ti Jtotic Rioxe ―x'utatic yu'un ti Jesuse.

San Juan 17:8

Icalbeic xa ti c'usitic avalbone, ixch'unic xa. Iyaq'uic xa cuenta ti ta melel tey liquemon tal ta atojole, xchi'uc ixch'unic xa ti vo'ot atacon tale.

San Juan 18:37

Yech'o un, ti Platoe xi isjac'bee: —¿Yu'un vo'ot reyot che'e? ―Xut. Itac'av ti Jesuse: —Vo'ot aval atuc: vo'on reyon. Li vo'one tal ayancon li' ta balamile, yu'un tal cal li c'usi melele. Scotol ti much'utic ja' nap'ajtic o li melele, cha'iic li c'usi chcale.

San Juan 5:31

Ti jtucuc no'ox chcal jc'oplale, xu' mu xa ch'unic ti yechuque.

San Juan 8:42

Itac'av ti Jesuse: —Ti ja'uc atotic ta melel ti Rioxe, ac'anojicon ti yechuque, yu'un ja' tey liquemon tal yo' bu ti Rioxe. Mu ta jmantaluc jtuc ti litale, ja' listac tal ti Rioxe.