San Juan 7:3 - LEQUIL ACH' C'OP

³ Ti Jesuse ja' yech i'albat yu'un ti yits'intac cha li'i: ―Mu me xacom li'toe; batan ta Judea, yo' xilic o c'usitic chapas la vajchanc'optac teyo'e.

Tzotzil Zinacantan

³ Ti Jesuse iꞌalbat yuꞌun ti yitsꞌintaque: ―Mu me xacom, batic ta Judea. Ti cꞌalal chilic chavacꞌ iluc alequilal ayuꞌelal ta qꞌuine, más to chayichꞌic o ta mucꞌ ti muchꞌutic xchiꞌinojot xae.

Bible in Tzotzil de Chamula

³ xi laj yalic ti yits'inabtaque: —Mu li'uc no'ox xacome. Ac'bo yilic ec ti avajts'aclivanejtac ti oyic ta Judeae, ti oy c'usi xu' avu'un ta spasele.

Bible in Tzotzil de Chenalhó with Deuterocanon

³ li Jesuse jech i'albat yu'un li xchi'iltaque: —Mu me xacom li'i; batan ta Judea, yu'un jech xu' chilic sq'uelubil atsatsal chc'ot apas li boch'otic cha'yic ac'ope.

Tzotzil San Andres

³ Li Jesuse jech iꞌalbat yuꞌun li yitsꞌinabe: ―Mu xavicta aba, batic ta Judea. Yuꞌun cꞌalal ta xilic ti ep chavacꞌ ta ilel atsatsal ajuꞌel li te ta qꞌuine, jech más chayichꞌic o ta mucꞌ li buchꞌutic schꞌunojic xa la acꞌope.

Tzotzil de Huixtán

³ Hech yu'un hech i'albat ti Jesuse yu'un ti yits'inabtaque: ―Mu me xacom li'to, batic ti Judea. Yu'un hech más ch-an yip yo'ntonic ti much'utic spasojic ti muc' ti ac'ope yu'un hech más chilic ti jchop o abtel ti chc'o apas te ti q'uin.

San Juan 7:3 Iomraidhean Croise

San Mateo 12:46

C'alal tey chlo'ilaj xchi'uc crixchanoetic ti Jesuse, ja'o ic'otic ta ti'na sme' xchi'uc yits'intac ti Jesuse, yu'un chac sc'opon ya'iic,

Marcos 3:21

Ti c'alal iya'iic ti much'utic ja' xchi'iltac ti Jesuse, tal ox yiq'uic loq'uel, yu'un xa'uquic ipas ta chuvaj.

Marcos 3:31

Tey ic'ot yits'intac ti Jesuse xchi'uc ti sme'ique yu'un ba sc'oponic. Tey va'ajtic ta ti'na, istaquic ta iq'uel ti Jesuse.

San Lucas 8:19

Ti sme' xchi'uc yits'intac ti Jesuse, tey ic'otic yo' bu ti Jesuse, pero muc' x'ochic ech'el yo' bu ti Jesuse yu'un ep tajmec li crixchanoetique.

San Lucas 8:20

Oy much'u i'albon ti Jesuse: ―La me'e xchi'uc la vits'intaque teyic ta ti'na yu'un tsc'an cha sc'oponic ―x'utat.

San Juan 2:2

Ti Jesuse xchiuc' ti yajchanc'optaque, i'iq'ueic uc yo bu iyu' li nupunele.

San Juan 6:60

Ti c'alal iya'iic ti c'u x'elan ichanubtasvan ti Jesuse, ep ti much'utic snap'letaojique, ja' yech iyalic chac li'i: —Ti c'usi chal taje, toj tsots ta ch'unel; ¿much'u ono'ox ta xch'un yu'un? ―Xiic.

San Juan 6:66

Ep ti much'utic isnap'letaic to'ox ti Jesuse iyictaic o comel c'alal iya'iic chac taje, mu xa bu ixchi'inic o ech'el.

San Juan 7:10

Ti c'alal batemic xa'ox ta q'uin ti yits'intaque, ja'to ibat ti Jesuse, muc' much'u iyalbe, ta mucul ibat.

San Juan 7:4

Ti much'u tsc'an chvinaj sc'oplale mu mucluc tspas ti c'usi tspase. Lavi yu'un xa ono'ox atamojbe spasel li c'usi chapase, ac'bo yil scotol crixchanoetic. ―Xutic.

San Juan 7:5

Yu'un ti yits'intaque muc' xch'unic uc ti ja' t'ujbil yu'un ti Riox.