San Juan 7:14 - LEQUIL ACH' C'OP

¹⁴ C'alal o'lol xa'ox sc'an xlaj li q'uine, ti Jesuse i'och ta templo tey lic chanubtasvanuc.

Tzotzil Zinacantan

¹⁴ Ti cꞌalal ibat ta mucꞌta templo ti Jesuse, oxib xaꞌox cꞌacꞌal scꞌan xlaj ti qꞌuine. Tey cꞌot chanubtasvanuc ta tiꞌ templo.

Bible in Tzotzil de Chamula

¹⁴ C'alal o'lol xa ox batel ti q'uine, och batel ta ch'ulna ti Jesuse, lic chanubtasvanuc ti bu taje.

Bible in Tzotzil de Chenalhó with Deuterocanon

¹⁴ C'alal o'lol xa'ox x'ech' li q'uine, ibat ta ch'ulna li Jesuse, te ichanubtasvan.

Tzotzil San Andres

¹⁴ Cꞌalal yoxibal xaꞌox cꞌacꞌal liquem qꞌuine, ibat ta mucꞌta chꞌulna li Jesuse. Cꞌot chanubtasvanuc ta yamaqꞌuil li mucꞌta chꞌulnae. Te jchiꞌucutic ti yajchanbalajeltacuncutique.

Tzotzil de Huixtán

¹⁴ Ti o'lol q'uin nibatutic ti templo xchi'uc ti Jesuse. Te c'ot chanubtasvanuc ti Jesuse.

San Juan 7:14 Iomraidhean Croise

San Mateo 21:12

Ti Jesuse i'och ech'el yo' bu li temploe, isnuts loq'uel scotol ti much'utic tey ch-chonolajique xchi'uc ti much'utic tey ch-manolajique; isbutq'uinbe smexaic li jeltaq'uinetique xchi'uc xchonolajebic li jchonpalomaetique;

San Mateo 26:55

Ti Jesuse iyalbe li crixchanoetique: ―¿C'u yu'un ti ta espada ti ta te', tal atsaquicon chac c'u cha'al j'eleq'ue? Ti tey onox chichanubtasvan ta ti' muc'ta templo jujun c'ac'ale, ¿c'u yu'un ti mu teyuc no'ox atsaquicon ya'ele?

San Lucas 19:47

Ti Jesuse scotol c'ac'al tey ichanubtasvan ta muc'ta templo, ti totil paleetique xchi'uc ti much'utic ta xchanubtasvanic ta smantaltac Rioxe, xchi'uc ti totiletic tey ta jteclume, tey tsnopilanic c'u x'elan tstaic ta milel ti Jesuse.

San Juan 18:20

Itac'av ti Jesuse: —Ta sat scotol crixchanoetic lichanubtasvan ta bic'tal temploetic xchi'uc ta muc'ta templo yo' bu ta stsob sbaic li jurioetique; mu c'usi ti ta mucul icale.

San Juan 5:14

Ts'acal to ti vinique tey itae ta templo yu'un ti Jesuse, ja' yech iyalbe chacli'i: ―Q'uelavil, lavie lecot xa, mu xa me xasa' yan amul, naca me masuc to chopol c'usitic chtal ta atojol. ―X'utat yu'un ti Jesuse.

San Juan 7:2

Pero c'alal po'ot xa'ox sta sc'ac'alil li q'uin ti tspasic sucbil yanal te' snainique, ja' li sq'uinic li jurioetique,

San Juan 7:28

Ti c'alal iya'i yech ti Jesuse, ti c'alal tey ch-chanubtasvan ta temploe, tsots ic'opoj: ―¡Xavojtiquinicon che'e, xa na'ic bu liquemon tal! Pero mu ta jmantaluc jtuc ti li tale, ja' li stac tal ti much'u melel li c'usi chale, ti xu' jpat o co'ontique, ja' ti much'u mu xa vojtiquinic li vo'oxuque.

San Juan 7:37

Ta sbaq'uel q'uine ja' xa li más tsots sc'oplale. Ti Jesuse isva'an sba, tsots ic'opoj, ja' yech iyal chac li'i: ―Ti much'u chtaquij sti'e, ac'u taluc ta jtojol ac'u yuch' li vo' ta xcaq'ue,

San Juan 8:2

Sob ta yoc'omal isut tal ta templo. Tal stael yu'un li crixchanoetique, ti Jesuse ichoti, tey lic chanubtasvanuc.

San Juan 8:20

Ja' yech iyal ti Jesuse ti c'alal ichanubtasvan ta templo yo' bu yav scaxail smoton Rioxe, pero muc' much'u istsac ti Jesuse, ja' ti mu to'ox bu tsta yora chich' tsaquele.