San Juan 7:13 - LEQUIL ACH' C'OP

¹³ Mi jun muc much'u jamal iyalbe sc'oplal ti Jesuse, yu'un xi'emic o ti jurioetique.

Tzotzil Zinacantan

¹³ Mi jun muc muchꞌu jamal iyalbe scꞌoplal ti Jesuse yuꞌun xiꞌemic o ti cajmeltsanejcꞌopticotique.

Bible in Tzotzil de Chamula

¹³ Manchuc mi jech un, mu'yuc buch'u ta sjam lec ye ta yalbel sc'oplal ta scoj xi'el yu'un ti banquilaletic yu'un ti israeletique.

Bible in Tzotzil de Chenalhó with Deuterocanon

¹³ Pero me junuc mu'yuc boch'o tsots laj yal, yu'un ta xi'ic yu'un li j'abteletic yu'un judioetique.

Tzotzil San Andres

¹³ Pero mu junuc buchꞌu tsjamalꞌal li Jesuse yuꞌun ta xiꞌic li ta jꞌabteletic cuꞌuncutique.

Tzotzil de Huixtán

¹³ Mi junuc mu'yuc much'u ilo'laj ti jamal yu'un ixi'ic yu'un ti totiletic cu'untutic ono'oxe.

San Juan 7:13 Iomraidhean Croise

San Juan 19:38

C'alal ic'ot ta pasel scotol chac taje, li José liquem tal ta Arimateae, ba sc'anbe permiso li Pilatoe mi xu' syales ta cruz ti ánima Jesuse. Ti Josee ta mucul xch'unoj ti Jesuse yu'un xi'em o li yajmeltsanejc'op ti jurioetique. Ti Pilatoe iyac' permiso ti xu' syalese, ti ac'u ba smuque. Isyales ti Josee.

San Juan 20:19

C'alal ic' xa'ox osil ta primero c'ac'al xemanae, li yajchanc'optac ti Jesuse tey stsoboj sbaic, smacoj sbaic ta na yu'un xi'emic o li yajmeltsanejc'opic li jurioetique. Ti Jesuse i'och ech'el, tey va'al ic'ot ta o'lol yo' bu li yajchanc'optaque, c'ot c'opojuc, ja' yech iyal chac li'i: ―Junuc me avo'onic ―x'utatic.

San Juan 3:2

Ti Nicodemoe ay sc'opon ta ac'ubaltic ti Jesuse, ja yech iyalbe chac li'i: ―Jchanubtasvanej, jna'ojticotic ti vo'ot stacojot tal ti Rioxe ti tal achanubtasoticotique, yu'un ti much'u muc'bu chi'inbil yu'un ti Rioxe, mu xu' yu'un chac' iluc slequilal syu'elal chac c'u cha'al chapase. —Xut.

San Juan 7:1

Ti c'alal laj yal chac taje, ti Jesuse tey no'ox xjoyet ta yosilal Galilea. Mu sc'an xbat ta yosilal Judea yu'un li jurioetique yo'onuc smilic.

San Juan 7:11

Ti jurioetique, tsa'ic tey ta q'uine, ja' yech chalulanbe sbaic chac li'i: ―¿Buy xana'ic ti jun vinique? ―Xut sbaic.

San Juan 7:15

Ti jurioetique xch'ayet xa o yo'onic, ja' yech iyalic chac li'i: ―¿C'uxi sna'be smelol li c'usitic chal li jchi'iltic le'e ti muc bu xchanoje? ―Xiic.

San Juan 9:22

Ti x'elan iyal ti stot sme'e, ta sc'oj xi'el, yu'un ti jurioetique yalojic xa ti ta sloq'uesic ta templo ti much'u chal ti ja' tacbil tal yu'un Riox ti Jesuse.

San Juan 9:34

Ja' yech iyalbeic chac li'i: —Li vo'ote mu albajuc amul ti c'alal la ayane, ¿mi vo'ot chachanubtasoticotic ti avaloje? —Xutic. Ja' o isnutsic loq'uel ta c'ox templo yo bu stsobob-bailique.