San Juan 7:12 - LEQUIL ACH' C'OP

¹² Scotol ti j'ilq'uinetique naca ja' slo'ilic ti Jesuse. Li jlome ja' yech chalic chac li'i: «Toj lec yo'on»; ―xiic. Pero li yane ja' yech chalic li'i: «Chopol yu'un ja' tslo'lo li crixchanoetique.» ―Xi'ic.

Tzotzil Zinacantan

¹² Scotol ti jꞌilqꞌuinetique naca jaꞌ sloꞌilic ti Jesuse. ―Toj lec yoꞌon ―xiic jlom. ―¡Leꞌe jloꞌlovanej! ―xiic jlom.

Bible in Tzotzil de Chamula

¹² Scotol c'u yepal oy ti jnaclejetique, xpuquet no'ox sc'oplal yu'unic. Yu'un xi ta xal ti jlome: “Ja' jun lequil vinic.” Ti jlome xi ta xalique: “Ja' jun chopol vinic, yu'un ta slo'laan ti jnaclejetique.”

Bible in Tzotzil de Chenalhó with Deuterocanon

¹² Li epal cristianoetique puru ja' ta slo'iltaic li Jesuse. Oy boch'otic jech laj yalic: —Toj lec yo'nton —xiic. Oy yantic jech laj yalic: —¡Mu'yuc lec; ja' no'ox tslo'la cristianoetic! —xiic.

Tzotzil San Andres

¹² Scotol li jꞌilqꞌuinetique naca jaꞌ sbel yeic li Jesuse. Oy buchꞌutic jech laj yalic: ―Toj lec yoꞌon ―xiic. Oy yan jech laj yalic: ―¡Muc bu lec! Jaꞌ jloꞌlovanej ―xiic.

Tzotzil de Huixtán

¹² Ti crixchanoetique ja' puru tslo'iltabeic sc'opilal ti Jesuse. Oy much'u laj yalic: ―Lec yo'nton ―xchiic. Yan laj yalic: ―¡Bu ba lecuc! Ja' jlo'lavanej ―xchiic.

San Juan 7:12 Iomraidhean Croise

San Mateo 10:25

Li jun jchanvune junuc no'ox yo'on ti mi ic'ot yech chac c'u cha'al li yajchanubtasvaneje. Ja' no'ox yech li mozoil uque ti mi i'cot yech chac c'u cha'al li yajvale. Ti mi tsp'ise ta totil pucuj li totil ta jp'ej nae, ¡más to tsp'iseic ta pucuj li xch'amaltaque!

San Mateo 21:46

Isnopic c'uxi ta staic ta tsaquel, pero ixi'ic. Yu'un li crixchanoetique, xch'unojic ti ja' yaj'alc'op Riox ti Jesuse.

San Mateo 27:63

ja' yech c'ot yalbeic chac li'i: —Totic Gobernador, jna'ojticotic ti c'alal cuxul to'ox ti jlo'lovaneje, iyal ti ta xcha'cuxi ta yoxibal c'ac'ale.

San Lucas 18:19

Itac'av ti Jesuse: —¿C'u yu'un ti chavalbon ti lecone? Jun no'ox ti much'u leque: Ja' ti Rioxe.

San Lucas 23:47

Ti capitan soltaroe, ti c'alal iyil ti c'usitic ic'ote, iyich' ta muc' ti Rioxe, ja' yech iyal chac li'i: ―Ta melel ti ch'abal smul li vinic li'i ―xi.

San Lucas 23:50

Oy to'ox jun vinic lec yo'on lec scuxlejal, José sbi, liquem tal ta Arimatea ta yosilal Judea. Oy yabtel yo bu stsobobbailic li jmeltsanejc'opetique.

San Lucas 6:45

Ti much'u lec yo'one lec li c'usitic chale, yu'un naca lec ti c'usitic oy ta yo'one, ti much'u chopole naca chopol li c'usi chale yu'un naca chopol li c'usitic oy ta yo'one. Yu'un ti c'usitic oy ta yo'one ja' yech chloc' ta ye.

San Lucas 7:16

Ti much'utic teyique ixi'ic scotolic, tey lic yalbeic o slequilal syu'elal ti Rioxe, ja' yech iyalic chac li'i: —Iyul ta jtojoltic jun muc'ta j'alc'op ti scotol xu' yu'une —xiic. Li yane xi iyalique: —Ti Rioxe talem scolta li steclumale —xiic.

San Juan 6:14

Ti crixchanoetique c'alal iyilic ti c'u x'elan iyac' ta ilel sq'uelobil syu'el ti Jesuse, ja' yech iyalic chac li'i: ―Ta melel ja' xa li yaj'alc'op Rioxe ti sc'oplal onox chtale. ―Xiic.

San Juan 7:32

Ti jfariseoetique iya'iic ti c'u x'elan chalbeic sc'oplal ti Jesuse; yech'o un ti totil paleetique xchi'uc ti jfariseoetique co'ol isnopic ti istaquic ech'el jchabiej temploetic ti ac'u ba stsaquic tal ti Jesuse.

San Juan 7:47

Xi i'albatic yu'un ti jfariseoetique: —¿Mi la lajic xa ta lo'loel uc?

San Juan 7:52

Itac'av li xchi'iltaque: ―¿C'u cha'al, mi tey liquemot tal ta Galilea uc? Q'uelo lec c'usi chal li sc'op Rioxe muc'bu chal mi oy tey ta xloc' tal junuc j'alc'op ta Galileae ―x'utat ti Nicodemoe. [

San Juan 9:16

―Oy jayvo' jfariseoetic ja' yech iyalic chac li'i: —Ti much'u yech ispas chac taje ma'uc ta scuenta Riox yu'un mu xich' ta muc' li sc'ac'alil ta jcuxtique. —Xiic. Pero li jlome ja' yech iyalic chac li'i: —¿C'u ono'ox xi chac' ta ilel slequilal syu'elal ti jmulaviluque? —Xiic. Tey lic xch'aculansbaic stuquic yu'un mu co'oluc ti c'usi tsnopique.