San Juan 6:71 - LEQUIL ACH' C'OP

⁷¹ Ti c'alal iyal yech ti Jesús chac taje, ja' iyalbe sc'oplal ti Judase, ti screm Simon Iscariotee, yu'un ja' i'ac'on o entrucal ta ts'acal, ac'u mi ja' slajchava'al o yajchanc'op ti Jesuse.

Tzotzil Zinacantan

⁷¹ Jaꞌ iyalbe scꞌoplal ti Judase, ti screm Simon Iscariotee, yuꞌun jaꞌ iꞌacꞌon o entrucal ta tsꞌacal. Ti Judase jaꞌ toꞌox lajchavoꞌoticotic o ta yajchancꞌop ti Jesuse.

Bible in Tzotzil de Chamula

⁷¹ Ti jech laj yal ti Jesuse, ja' ta xalbe sc'oplal ti Judas Iscariote, xnich'on ti Simone. Yu'un ti Judase ja' ta x'ac'van batel ta c'abal, manchuc mi ja' jun ta xlajcha'vo'al (12) yajchanc'optac ti Jesuse.

Bible in Tzotzil de Chenalhó with Deuterocanon

⁷¹ Ja' laj yalbe sc'oplal li Judas Iscariote xnich'on Simone, yu'un ja' ta x'ac'van ta c'abal. Ja' jun li lajchab yajchanc'op Jesuse.

Tzotzil San Andres

⁷¹ Jaꞌ Judas li laj yalbe scꞌoplale, jaꞌ li snichꞌon Simón Iscariotee, yuꞌun jaꞌ ta xꞌacꞌvan ta cꞌabal. Li Judase jaꞌ jchiꞌilcutic ta yajchanbalajeltac Jesús ti lajchavoꞌuncutique.

Tzotzil de Huixtán

⁷¹ Ja' laj xcholbe sc'opilal ti Judase, ja' ti snich'on ti Simon Iscariote, yu'un ja' ch-ac'van entrecal. Ti Judase ja' jchi'iltutic ti abtel, ho'ontutic ti co'ol yajchanc'opuntutic ti Jesuse xchi'uc. Ho'ontutic ja' lajchavo'untutic xchi'uc ti Judase.

San Juan 6:71 Iomraidhean Croise

San Mateo 10:2

Li sbiic li lajchavo' (12) apoxtoletique ja'ic li'i: Li much'u ba'yi it'ujee ja' li Simone, Pedro li xcha'p'elel sbie. Xchi'uc Andrés, ja' yits'in li Pedroe. Xchi'uc Jacobo xchi'uc yits'in Juan sbi, ja' scremotic li Zebedeoe.

San Mateo 10:4

Xchi'uc Simón cananeo ti stic'oj sba ta partido Zelotee. Xchi'uc Judas Iscariote, ja' ti iyac' entrucal ta ts'acal ti Jesuse.

Marcos 14:10

Ti Judas Iscariotee ja' slajchava'al o ta yajchanc'op ti Jesuse. Ja' ba sc'opon ti totil paleetique yu'un tspas trate ti chac' entrucal ti Jesuse.

San Juan 12:4

Ti Judas Iscariotee ja' jun ta yajchanc'op ti Jesuse, ja' ti iyac' entrucal ta ts'acal ti Jesuse, ja' yech iyal chac li'i:

San Juan 13:2

Ti c'alal ic'ot yorail chve'ique, ti totil pucuje ochem xa'ox ta yo'on ti Judas screm Simón Iscariotee, yulesbil xa'ox ta sjol ti chac' entrucal ti Jesuse.

San Juan 13:26

Itac'av ti Jesuse: —Ta jts'aj jset'uc pan, ti much'u ta xcac'bee, ja' li much'u chcale. ―Xut. Ists'aj jset' pan, ja' iyac'be ti Judas screm Simón Iscariotee.

San Juan 2:2

Ti Jesuse xchiuc' ti yajchanc'optaque, i'iq'ueic uc yo bu iyu' li nupunele.

San Juan 20:24

Ti Tomase, ja' jun ta slajchava'al yajchanc'optac ti Jesuse ja' ti vach xutique, ch'abal ox tey ti c'alal ic'ot ti Jesuse.

San Juan 6:64

Pero oy to jayvo'oxuc ti mu xa ch'unique. Yu'un ti Jesuse sna'oj ono'ox ta sliquebal ti much'utic mu xch'unique xchi'uc ti much'u ta x'ac'on entrucale.

San Juan 6:70

Itac'batic yu'un ti Jesuse: —¿Mi mu vo'onicon la jt'uj alajchava'alic? Pero oy junoxuc ti cuentainbil yu'un ti pucuje. ―X'utatic.