San Juan 6:7 - LEQUIL ACH' C'OP

⁷ Itac'av ti Felipee: —Mi ja'uc ta doscientos denario jtaq'uintic jmantic o li pane, mu ono'ox xloq'uic o jset'uc jujun ―xi.

Tzotzil Zinacantan

⁷ ―Ti oyuc doscientos denario jtaqꞌuintic jmantic o pane, acꞌu mi jusetꞌ noꞌox chcacꞌbetic, pero mu onox xloqꞌuic o ―xi ti Felipee.

Bible in Tzotzil de Chamula

⁷ Xi laj stac' ti Felipee: —Ac'o mi ta jmantic talel chib (2) ciento denario taq'uin ti ve'lile, mi ja'uc xloq'uic o jujuti'uc ti jujune.

Bible in Tzotzil de Chenalhó with Deuterocanon

⁷ Itac'ov li Felipee: —Ta lajunvinic (200) denario pane mu ono'ox xloc' o, ac'o me jutuc no'ox ta xcac'betic —xi.

Tzotzil San Andres

⁷ Itacꞌav li Felipee: ―Ti oyuc lajunvinic (200) denario taqꞌuin sventa ta jmantic o li pane, acꞌo mi jutuc noꞌox chcacꞌbetic, pero mu xloqꞌuic o ―xi.

Tzotzil de Huixtán

⁷ Hech itac'av ti Felipee: ―Ti oyuc lajunvinic denariotaq'uin yu'un ti caxlan vaje, mu tauc yutsil chve'ic scotolic ―xchi.

San Juan 6:7 Iomraidhean Croise

San Mateo 18:28

»Ti c'alal iloc' ech'el li vinique, isnup ta be jun xchi'il ti oy cien (100) denario yil yu'un uque. Istsac li xchi'ile, ismich'be snuc'. Xi iyalbee: “¡Tojbon ta ora lavile!”, Xut.

Marcos 6:37

Itac'av ti Jesuse: ―Mac'linic vo'oxuc ―x'utatic. Itac'av ti yajchanc'optaque: ―¿Mi chac'an ti chba jmanticotic tal chibuc cien denario pan ti chcac'beticotic sve'ique? ―Xutic.

San Juan 1:43

Ta yoc'omale, isnop ti Jesuse ti chbat ta Galileae. Tey isnup ta be li Felipee, ja' yech iyalbe chac li'i: La' chi'inon ech'el —xut.

San Juan 1:44

Ti Felipee, tey liquem tal ta jteclum Betsaida. Ja' co'ol slumal xchi'uc ti Andrese, xchi'uc ti Pedroe.

San Juan 1:45

Ti Felipee, ora ba sa' ti Natanaele, xi iyalbee: ―Ijtaticotic xa ti much'u ist'sibabe sc'oplal ta svunal mantaletic ti Moisese xchi'uc ti yan yaj'alc'optac Rioxe. Ja' ti Jesuse, ti screm José ta Nazarete. —Xut.

San Juan 1:46

Itac'av ti Natanaele: —¿Mi oy ca'yojtic ti oy c'usi lec chloc' tey ta Nazarete? —Xi. Itac'av ti Felipee: —Batic, ba q'uelo avil atuc —xut.

San Juan 1:48

Ti Natanaele ja' yech isjac'be ti Jesuse: ¿C'uxi avojtiquinon? ―Xi. Itac'av ti Jesuse: —Laquil c'alal teyot ta yolon ic'uxe, ti c'alal mu to'ox chba yic'ot tal li Felipee ―x'utat yu'un ti Jesuse.

San Juan 12:5

―¿C'u yu'un ti muc' xich' chonel ta oxib cien denario li ya'lel nardoe ti ja'uc yich' coltael o li me'onetique? ―Xi.