San Juan 5:18 - LEQUIL ACH' C'OP

¹⁸ C'alal iyal chac taje, ti jurioetique más to yo'onuc xa smilic o tajmec, yu'un ma'uc no'ox ti mu xich' ta muc' c'usi chal li mantal ta scuenta li sc'ac'alil ta xcuxique, yu'un tsco'oltas sba xchi'uc ti Rioxe, yu'un chal ti ja' stot ti Rioxe.

Tzotzil Zinacantan

¹⁸ Cꞌalal iyal chac taje, ti jmeltsanejcꞌopetique yoꞌonicuc xa smilic tajmec. Maꞌuc noꞌox ismulin ti mu xchabi li scꞌacꞌalil ta jcuxticotique; jaꞌ ismulin noxtoc ti iyal ti jaꞌ Stot ti Rioxe, yuꞌun iscoꞌoltas sba chac cꞌu chaꞌal ti Rioxe.

Bible in Tzotzil de Chamula

¹⁸ Jech o xal ti israeletique x'ech' to stsac yip yo'ntonic ta smilic ya'iic ti Jesuse, yu'un ma'uc no'ox mu xich' ta muc' smantalil ti cuxob o'ntonale, yu'un ta sco'oltas sba jech c'u cha'al ti Diose, ti laj yal ti ja' stot ti Diose.

Bible in Tzotzil de Chenalhó with Deuterocanon

¹⁸ C'alal laj yal jech li Jesuse, yo'to isoc sjolic o li j'abteletic yu'un judioetique; solel tsc'an ta smilic o li Jesuse. Muc ja'uc xa no'ox ta scoj ti muc xchabi li sc'ac'alil cuxub o'ntonale; ja' ta scoj noxtoc ti laj yal ti ja' Stot li Diose. Yu'un laj xa sco'lajes sba jech chac c'u cha'al Dios.

Tzotzil San Andres

¹⁸ Cꞌalal laj yal jech li Jesuse, li jꞌabteletic cuꞌuncutique más to isoc sjolic, chac smilic tajmec li Jesuse. Pero maꞌuc noꞌox ta sventa ti mu schabi li scꞌacꞌalil ta jcuxcutique. Jaꞌ ta sventa nojtoc ti la scoꞌoltajes sba jech chac cꞌu chaꞌal li Diose, yuꞌun laj yal ti jaꞌ Stot li Diose.

Tzotzil de Huixtán

¹⁸ Hech yu'un sc'an smilic ti Jesuse ti totiletique. Ma'uc no'ox yu'un muc xchabi ti sc'ac'alil ti jcux co'ntontutique. Ja' yu'un ti laj yal ti ja' Jtot ti Diose, xchi. Yu'un laj sco'oltajes sba hech chaj c'u che'el ti Diose.

San Juan 5:18 Iomraidhean Croise

San Mateo 12:5

¿Mi muc' bu aq'uelojic ya'el li svunal mantaletic sts'ibaoj ti Moisese ti muc'bu ista o smulic li paleetique ti c'alal ispasic c'usitic tsc'an pasel ta templo ta sc'ac'alil ta xcuxique?

San Juan 1:19

Li'i ja' ti c'usi iyal li Juane, ti c'alal istaquic ech'el jayvo' paleetic xchi'uc levitaetic ti jmeltsanejc'opetic yu'un jurioetic tey ta Jerusalene, ti c'alal ay sjac'beic much'u ta melel ti Juane.

San Juan 10:30

Li vo'one junoticotic xchi'uc ti Jtote ―x'utatic yu'un ti Jesuse.

San Juan 10:33

Itac'av ti jurioetique: —Ma'uc chacac'beticotic o ton ta scuenta ti c'usitic lec apasoje, ja' ta scoj li c'usitic chavale yu'un cha chopol c'opoj ta stojol ti Rioxe, li vo'ote crixchanoot no'ox, pero chap'is aba ta Riox. ―Xutic.

San Juan 14:23

Itac'av ti Jesuse: ―Ti much'u sc'anojone, ta xch'un li c'usi chcale; c'anbil yu'un ti Jtote, li Jtote xchi'uc li vo'one, chtal jchi'inticotic ta naclej.

San Juan 14:9

Itac'av ti Jesuse: ―Felipe, jal xa li' jchi'ucoxuque, ¿mi mu to xa vojtiquinon ya'el? Ti much'u liyil xae, co'ol xchi'uc iyil xa ti Jtotic Riox uque; ¿c'u yu'un ti chac'an cha cac'be ivil ti Jtotic Rioxe?

San Juan 19:7

―Li yaj meltsanejc'op jurioetique, itac'avic: —Li vo'oticotique oy jleyticotic, chal ti much'u tsp'is sba ta Xch'amal Rioxe, persa chich' milel. ―Xiic.

San Juan 5:15

Ti vinique ba yalbe ti jurioetique ti ja' i'et'esbat xchamel yu'un ti Jesuse.

San Juan 5:16

Ti iyet'esbe xchamel vinic ti Jesuse, ja' yo'onuc stsaquic o ti jurioetique, ja' ti ta sc'ac'alil ta xcuxic ti x'elan ispase.

San Juan 5:17

Pero ti Jesuse ja' yech iyalbe chac li'i: ―Ti Jtote muc'bu yictaoj sba ta abtel, ja' no'ox yech li vo'one ta xi abtej uc ―xi ti Jesuse.

San Juan 5:23

Yo' ti scotol crixchano ac'u yich'ic ta muc' li Ch'amalile, chac c'u cha'al chic' ich'el tamuc' ti Totile. Ti much'u mu xich' ta muc' li Ch'amalile, ja' no'ox yech muc'bu yich'oj ta muc' chc'ot ti Totile, yu'un ja' stacoj tal.

San Juan 7:1

Ti c'alal laj yal chac taje, ti Jesuse tey no'ox xjoyet ta yosilal Galilea. Mu sc'an xbat ta yosilal Judea yu'un li jurioetique yo'onuc smilic.

San Juan 7:19

»Mi mu ja'uc Moisés layac'beic comel li smantaltac Rioxe? Pero mi jun muc' bu chach'unic. ¿C'u yu'un ti avo'onuc amilicone? ―X'utatic.

San Juan 8:54

―Itac'av ti Jesuse: —Ti vo'onicon no'ox jtuc chcac' jba ta ich'el ta muq'ue, mu c'usi bal o ti yechuque. Ti much'u chiyac' ta ich'el ta muq'ue, ja' ti Jtote, ja' ti much'u chavalic ti ja' a Rioxique.

San Juan 8:58

Itac'av ti Jesuse: —Ta melel chacalbeic, c'alal mu to'ox ch-ayan ti Abraame, li vo'one teyon onox. ―X'utatic.