San Juan 4:47 - LEQUIL ACH' C'OP

⁴⁷ C'alal iya'i ti xchi'il ta abtel reye ti tey xa ic'ot ta Galilea ti Jesuse, ba sc'opon, isc'anbe vocol ti ac'u batuc ta snae, ti ac'u ba scoltabel li screm ti yu'un xa ch-chame.

Tzotzil Zinacantan

⁴⁷ Ti jmeltsanejcꞌope iyaꞌi ti tey xa icꞌot ta Galilea ti Jesuse. Tal scꞌopon: ―¿Mi mu xaꞌabulaj xba avetꞌesbon xchamel li jcreme yuꞌun ta xcham xa? ―xut.

Bible in Tzotzil de Chamula

⁴⁷ Ti jcuch-abtele c'alal laj ya'i tal xa ta Galilea ti Jesuse, bat sq'uel. Laj sc'anbe vocol ti ac'o batuc ta snae, ti ac'o colesbatuc ti xnich'one yu'un ta xa xcham.

Bible in Tzotzil de Chenalhó with Deuterocanon

⁴⁷ C'alal laj ya'ay ti te xa ic'ot Jesús ta Galilea banamile, ibat sc'opan. La sc'anbe vocol ti ac'o bat coltabatuc li xnich'on te ta snae, yu'un ta xa xcham.

Tzotzil San Andres

⁴⁷ Li yajꞌabtel li ajvalile iyaꞌi ti icꞌot xa Jesús li te ta Galilea balumile. Tal scꞌanbe vocol li Jesuse ti acꞌo ba coltabatuc li snichꞌone yuꞌun ta xa xcham.

Tzotzil de Huixtán

⁴⁷ Ti yabat ti reye laj ya'i ti nic'otutic xa xchi'uc ti Jesuse te ti estado cu'untutique. Hech tal yalbe vocol ti Jesuse ac'o ba coltabatuc comel ti snich'one te ti sna. Yu'un ta xa xcham ti snich'one.

San Juan 4:47 Iomraidhean Croise

San Mateo 2:1

Ti Jesuse tey i'ayan ta jteclum Belén ta Judeae. Ja'o ta sreyal ti Herodese. Ti c'alal ayanem xa'ox ti Jesuse, italic ta Jerusalén jayvo' p'ijil viniquetic ti sna'ic sq'uelel c'analetique, liquemic tal ta loq'ueb c'ac'al.

Marcos 10:47

C'alal iya'i ti ja' ti Jesús Nazarete, li ma'sate tey lic avanuc: ―¡Jesús, smom David, c'uxubinon! ―Xut.

San Lucas 8:41

Ja' o tey ic'ot jun vinic yo' bu ti Jesuse, Jairo sbi, ja' jmeltsanejc'op ta templo teyo'e. Isquejan sba ta stojol ti Jesuse, isc'anbe vocol ti ac'u batuc ta snae,

San Juan 11:21

Ti Martae ja' yech lic yalbe ti Jesuse: ―Cajval, ti li'icot ono'oxe, muc' bu icham li jcremal ti yechuque.

San Juan 11:32

Ti Maríae, c'alal ic'ot yo' bu ti Jesuse, isquejan sba ta yoc, ja' yech iyalbe chac li'i: ―Cajval, ti li'icot ono'oxe, muc' icham li jcremal ti yechuque. ―Xut.

San Juan 4:3

C'alal iya'i ti Jesuse, iloc' ech'el ta Judea, icha'sut ech'el noxtoc ta Galilea.

San Juan 4:54

Li'i ja xa xcha' ech'elal iyac' iluc slequilal syu'elal ta Galileae ti Jesuse, ti c'alal isutal ta Judeae.