San Juan 3:15 - LEQUIL ACH' C'OP

¹⁵ Scotol ti much'utic ta xi xch'unicone, ta xcuxiic ta sbatel osil ―x'utat yu'un ti Jesuse.

Tzotzil Zinacantan

¹⁵ Scotol ti muchꞌutic ta xchꞌunic ti jaꞌ chtoj o smulic ti chijipanat ta cruze, mu xꞌochic ta cꞌocꞌ, ta xcuxiic ta sbatel osil ―xꞌutat yuꞌun ti Jesuse.

Bible in Tzotzil de Chamula

¹⁵ Scotol ti buch'u ta xc'ot ta yo'ntonic taje, ta sta xcuxlejalic sbatel osil.

Bible in Tzotzil de Chenalhó with Deuterocanon

¹⁵ Yu'un jech xu' chcuxiic sbatel osil li boch'otic ta xch'unicune.

Tzotzil San Andres

¹⁵ Scotol buchꞌu ta schꞌunic ti jaꞌ sventa chcolic o ti chijocꞌanat ta cruze, ta xcuxiic o sbatel osil.

Tzotzil de Huixtán

¹⁵ Yu'un mi chch'unic ti ja' sventa scolelic ti chijipanat ti cruze, ja' chcuxiic sbatel osil ―xchi ti Jesuse.

San Juan 3:15 Iomraidhean Croise

San Mateo 18:10

»Q'uelo me abaic, mu me xap'ajic junuc li c'oxetic li'i. Yu'un li yaj angelique, ja' ti much'utic tey sq'uelojbeic o sat ti Jtot tey ta vinajele.

San Mateo 25:46

Li much'utic chopolique ta xba yich'ic castico ta sbatel osil, yan ti much'utic lec yo'onique ta xcuxiic ta sbatel osil.» ―X'utatic yu'un ti Jesuse.

Marcos 16:16

Ti much'utic ta xch'unique, mi chich'ic vo'e, ta chcuxiic ta sbatel osil. Yan ti much'utic mu xch'unique jmoj sc'oplal chba yich'ic castico.

San Lucas 19:10

Vo'on ti Xch'amal crixchano li c'ote, ja' tal jcolta, ja' tal jsa' ti muc'u ch'ayemique. ―X'utat yu'un ti Jesuse.

San Juan 1:12

Yan ti much'utic isc'anique xchi'uc ti iyich'ic ta muq'ue, i'albatic xa ti ja' xch'amaltac Riox ic'otic oe.

San Juan 16:33

Ti x'elan la calbeique ja' yo' spas o ta jun avo'onic ti jayvo' li' nap'aloxuc ta jtojole. Li' ta sba balamile ta to xa vil avocolic; pero mu me xa xi'ic: yu'un ijpas xa ta canal li c'usitic scuenta sba balamile ―x'utatic yu'un ti Jesuse.

San Juan 20:31

Ti c'u yepal iyich' ts'ibaele, ja' yo' xa ch'unic o ti ja' ti much'u tacbil tal yu'un Riox ti Jesuse, ti ja' Xch'amal Rioxe, yu'un mi ach'unique cha ta o acuxlejalic ta sbatel osil ta scuenta ti Jesucristoe.

San Juan 3:16

Ti Rioxe isc'an tajmec crixchanoetic ta sba balamil, yech'o ti iyac' ti junjun Xch'amale, scotol ti much'utic ta xch'unique mu xbatic ta ch'ayel ta xcuxiic ta sbatel osil.

San Juan 3:36

Ti much'utic ta xch'unic ti ja' Xch'amal ti Rioxe, ta xcuxiic ta sbatel osil; yan ti much'utic mu xch'unique, mu xcuxiic ta sbatel osil, ch-ac'batic tsots castico yu'un ti Rioxe.

San Juan 5:24

»Ta melel chacalbeic, ti much'u cha'i li c'usitic chcale, mi ta xch'un ti much'u li stac tale, oy scuxlejal ta sbatel osil; mu xba yich' castico, yu'un ti much'u chamem to'oxe, ispas xa canal ta scuenta li cuxlejale.

San Juan 6:27

Mu me ja'uc no'ox ta avo'onic ta sa'el la ve'elic ti sna' xlaje, ja' tsc'an cha sa'ic li ve'lil mu sna' xlaje, ti chacuxiic o ta sbatel osile. Li ve'lil chacalbeique, vo'on chacac'beic ti Xch'amal crixchano li c'ote, yu'un ja' yech iyac' ta ilel ti jtotic Rioxe ti vo'on quich'oj cabtele. ―X'utatic yu'un ti Jesuse.

San Juan 6:40

Yu'un ti c'usi oy ta yo'on ti jtote, ja' ti scotol ti much'utic chojtiquinic li xch'amal Rioxe xchi'uc ti ch-ch'unique, ta sta scuxlejalic ta sbatel osil; vo'on ta jcha'cuxesic ta slajeb c'ac'al. ―X'utatic yu'un ti Jesuse.

San Juan 6:47

Ta melel chacalbeic, ti much'u ta xch'une ta xcuxi ta sbatel osil.