San Juan 21:7 - LEQUIL ACH' C'OP

⁷ Li jun yajchanc'op Jesús ti lec sc'anoje, iyalbe li Pedroe: —¡Ja' li Cajvaltique! —Xut. Ja' no'ox ti c'alal iya'i ti Simón Pedroe ti ja' ti Cajvaltique, ora islap sc'u' yu'un sloc'oj to'ox, isjip sba ta nab, loc' snup ti Jesuse.

Tzotzil Zinacantan

⁷ Voꞌon li Juanone ti más scꞌanojon icaꞌi ti Jesuse, ―¡Jaꞌ li Cajvaltic Jesuse! ―xcut ti Pedroe. Cꞌalal iyaꞌi ti Simon Pedroe ti jaꞌ ti Cajvaltic Jesuse, ora islap scꞌuꞌ yuꞌun slocꞌoj toꞌox. Isjip sba ta nab, ba sta ti Jesuse.

Bible in Tzotzil de Chamula

⁷ Va'i un, ti jun jchanc'op ti mu tuch'baj ta o'ntonal ta x'a'yie yu'un ti Jesuse, xi laj yalbe ti Pedroe: —¡Ja' Cajvaltic ta xquil une! Naca jech laj ya'i ti Simón Pedro ti ja' Cajvaltique, laj slap ta anil ti sc'u' ti sloc'oj to oxe. Laj sjip sba batel ta vo'.

Bible in Tzotzil de Chenalhó with Deuterocanon

⁷ Li yajchanc'op Jesús ti lec sc'anoj sba xchi'uque, jech laj yalbe li Pedroe: —¡Le'e, ja' li Cajvaltique! —xut. C'alal laj ya'ay Simón Pedro ti “ja' Cajvaltic” xi sc'oplale, ta ora la xchuquin sc'u', yu'un sloc'oj. La sjip sba ochel ta nab, bat sta li Jesuse.

Tzotzil San Andres

⁷ Joꞌon ti toj cꞌuxun ta yoꞌon li Jesuse, jech laj calbe li Pedroe: ―¡Jaꞌ li Cajvaltic li leꞌ oye! ―xcut. Cꞌalal iyaꞌi Simón Pedro ti “jaꞌ Cajvaltic” xcute, la slap ta ora scꞌuꞌ yuꞌun tꞌanal toꞌox, la sten sba ochel ta nab, ba sta li Jesuse.

Tzotzil de Huixtán

⁷ Ho'oni ti lum c'uxun ti yo'nton ti Jesuse, hech laj calbe ti Pedroe: ―¡Ja' ti Cajvaltique! ―xcut. C'alal laj ya'i ti Simon Pedroe ti ja' ti Cajvaltique, laj slap sc'u' yu'un banal. Laj sten sba ochel ti nab yu'un chba sta ti Jesuse.

San Juan 21:7 Iomraidhean Croise

Marcos 11:3

Mi oy much'u cha sjac'beic c'u yu'un ti chajitunic li burroe, yu'un ja' xtun yu'un ti Cajvaltique, ta xtal no'ox jsutesticotic ta ora, xavutic ―x'utatic ech'el yu'un ti Jesuse.

San Lucas 12:35

»Chaplanic no'ox me, tsanaluc no'ox me alamparaic scotol c'ac'al.

San Lucas 2:11

Nax i'ayan ta Belén ta slumal David jun jcoltavanej avu'unic, ja' Cristo, ja' Cajvaltic.

San Lucas 7:47

Yech'o un chacalbe ava'i, ac'u mi ep tajmec smul li antse, lavie ac'bil xa ta pertonal ta xcom, yu'un sc'anojon ta jmec, yan ti much'u jutuc no'ox ac'bil pertonale mu másuc chac' ta ilel ti ch-c'anvane ―x'utat yu'un Jesús ti Simone.

San Juan 13:23

Oy jun yajchanc'op ti Jesuse ti sc'anoj tajmeque, tey lotol xchi'uc ta xocon.

San Juan 19:26

Ti c'alal iyil sme' ti Jesuse, ti ja' tey xchi'uc li yaj chanc'op ti mas sc'anoj ta jmeque, xi iyalbe li sme'e: Ants, ja' xa avol le'e ―xut.

San Juan 20:2

Isut tal ta anil, ba yalbe li Simon Pedroe xchi'uc ti jun yajchanc'op Jesús ti sc'anoj ta jmeque, ja' yech c'ot yal chac li'i: —¡Isloq'uesic xa ti Cajvaltique, na'tic bu ay yaq'uic! ―Xi c'otel.

San Juan 20:20

Calal laj yal chac taje, ja' o i'ac'bat yilic li sc'obe xchi'uc li xocone. Xmuyubajic xa ti c'alal iyilic ti Cajvaltique.

San Juan 20:28

Itac'av ti Tomase: —¡Vo'ot Jrioxot, vo'ot cajvalot! ―Xi.

San Juan 21:20

Ti c'alal ijoyij ti Pedroe, iyil ti tey nap'al ech'el ti jun yajchanc'op Jesús ti lec sc'anoje, ja ti much'u tey nopol ts'e'el ta xocon Jesús ti c'alal ive'ique, ja' ti much'u xi isjaq'ue: «Cajval, ¿much'u ti chayac' ta entrucale?» —Ti xute.

San Juan 21:24

Ja' ono'ox li jun yajchanc'op Jesús ti chal ti c'usitic ic'ot ta pasele yu'un iyil stuc, yech'o ti ists'iba ta vune. Jna'ojtic ti melelic scotol li c'usitic chale.

San Juan 21:8

Li yan yajchanc'optac ti Jesuse, iloq'uic tal ta ti' nab xchi'uc li scanovaique, squilojic loq'uel tal li snuti'ique, yu'un noj ta choy, oy no'ox nan cien metrouc snamal ta ti' nabe.