San Juan 2:11 - LEQUIL ACH' C'OP

¹¹ Ti c'usi ispas Jesús ta jteclum caná ta Galileae, ja' sliqueb tey iyac' iluc ti slequilal syu'elale; li yajchanc'optaque, ixch'unic ti ja' ti Cajvaltique.

Tzotzil Zinacantan

¹¹ Jaꞌ yech ispas tey ta Caná ta estado Galilea ti Jesuse. Jaꞌ sliqueb iyacꞌ iluc slequilal syuꞌelal ti Jesuse. Voꞌoticotic ti yajchancꞌopoticotique ijchꞌunticotic ti jaꞌ Xchꞌamal ti Rioxe.

Bible in Tzotzil de Chamula

¹¹ Ja' sliquebal to ti va'i s'elan laj spas ti Jesús ta jteclum Caná ti oy ta Galileae, ti laj yac' iluc senyail ti oy c'usi ch'ayal c'ot o'ntonal yu'un ta sventa ti slequil yutsilale, ti ich'bil ta muc' ic'ot yu'un ti yajchanc'optaque.

Bible in Tzotzil de Chenalhó with Deuterocanon

¹¹ Le'e ja' sba sq'uelubil stsatsal laj yac' ta ilel Jesús ti c'alal te oy ta Caná ta Galilea banamile. Jech ivinaj o slequilal yutsilal. Jech i'ayin lec xch'unojel yo'ntonic ta stojol li yajchanc'optaque.

Tzotzil San Andres

¹¹ Jaꞌ jech icꞌot ta pasel te ta jteclum Caná li te ta Galilea balumile. Jaꞌ sba to velta laj yacꞌ ta ilel stsatsal sjuꞌel li Jesuse. Joꞌoncutic li yajchanbalajeltacuncutique la jchꞌuncutic ti jaꞌ Snichꞌon li Diose.

Tzotzil de Huixtán

¹¹ Hech ic'ot ti pasel ti jteclum Caná te ti estado Galilea. Ja' sba vuelta laj yac' svinajeb ti jelaven sp'ijil ti Jesuse. Hech yu'un ti ho'ontutic ti yajchanc'opuntutique laj jch'untutic ti ja' ti Snich'on ti Diose.

San Juan 2:11 Iomraidhean Croise

San Juan 1:14

Li c'ope iyich' sbectal, i'ayan chac c'u cha'al vo'otic, li xchi'inotic ta naclej. Iquilbetic li slequilal syu'elal ac'bil yu'un ti Stote, ja' ti jujun xch'amale, ti toj lec sna' xc'anvane, ti ja' melele.

San Juan 1:17

Li smantaltac Rioxe, ja' li yac'botic ti Moisese, pero li c'uxubinele xchiuc li c'usi melele, ja' xa ic'ot ta pasel ta scuenta ti Jesucristoe.

San Juan 1:43

Ta yoc'omale, isnop ti Jesuse ti chbat ta Galileae. Tey isnup ta be li Felipee, ja' yech iyalbe chac li'i: La' chi'inon ech'el —xut.

San Juan 1:50

Itac'av ti Jesuse: —¿Mi ja' ach'un o ti lacalbe ti laquil c'alal teyot to'ox ta yolon ic'uxe? Pero ta to xavil ti oy to c'usi más muc'tic ta jpas chac c'u cha'al li'i. —X'utat.

San Juan 10:41

Ep crixchanoetic ba sq'uelic, ja' yech iyalic chac li'i: —Ta melel, ac'u mi muc' xac' iluc slequilal syu'elal Riox ti Juane, pero yech ti c'u x'elan iyalbe sc'oplal li vinic li'i. ―Xiic.

San Juan 11:15

―Jun co'on chca'i ti muc'bu teyone, yu'un ja' lec ta acuentaic li vo'oxuque yo' xa ch'unic oe. Pero ba jq'ueltic ―X'utatic.

San Juan 11:47

Yech'o un ti totil paleetique xchi'uc ti jfariseoetique istsob ti xchi'ilic ta meltsanejc'ope, ja' yech iyalic chac li'i: ―¿C'usi ta jpastic xana'ic? Ti vinic taje ep chac ta ilel slequilal syu'elal.

San Juan 12:18

Yech'o ti loc' snupic ta be Jesús ti crixchanoetique, yu'un iya'iic ti c'u x'elan iyac' ta ilel slequilal syu'elale.

San Juan 12:37

Ac'u mi ep iyac' ta ilel slequilal syu'elal ta stojolic ti Jesuse, pero mu ono'ox bu ixch'unic o ti ja' jcoltavaneje;

San Juan 12:41

Ti x'elan iyal ti Isaiase, yu'un iyilbe slequilal syu'elal ti Jesuse, yech'o ti iyalbe sc'oplale.

San Juan 14:13

Scotol ti c'usitic chac'anic ta jbi vo'one, ta jpas scotol, yo' ti ta scuenta li Ch'amalile, ich'bil ta muc' chc'ot ti Jtotic Rioxe.

San Juan 16:27

yu'un sc'anojoxuc ti Jtotic Rioxe. Ti sc'anojoxuque, ja' ti ac'anojicone, xchi'uc ti ach'unic xa noxtoc ti tey liquemon tal yo' bu ti Rioxe.

San Juan 16:30

Lavie iquilticotic xa ti ana'oj scotole xchi'uc ti mu persauc ti oy much'u cha sjac'be ba'yuque. Yech'o un ta jch'unticotic ti tey liquemot tal yo' bu ti Rioxe ―xutic.

San Juan 2:1

Ta yoxibal c'ac'ale, ja'o iyu' nupunel ta jteclum caná ta yosilal Galilea. Ti sme' Jesuse tey ox uc.

San Juan 2:23

Ti c'alal tey ta Jerusalen ti Jesuse, ti c'alal ja'o ta sq'uinal ti c'alal iloq'uic ta mozoil li j'israeletique, ep much'utic ixch'unic ti c'alal iyilic c'u x'elan iyac'ta ilel slequilal syu'elal ti Jesuse.

San Juan 3:2

Ti Nicodemoe ay sc'opon ta ac'ubaltic ti Jesuse, ja yech iyalbe chac li'i: ―Jchanubtasvanej, jna'ojticotic ti vo'ot stacojot tal ti Rioxe ti tal achanubtasoticotique, yu'un ti much'u muc'bu chi'inbil yu'un ti Rioxe, mu xu' yu'un chac' iluc slequilal syu'elal chac c'u cha'al chapase. —Xut.

San Juan 4:3

C'alal iya'i ti Jesuse, iloc' ech'el ta Judea, icha'sut ech'el noxtoc ta Galilea.

San Juan 4:46

Ti Jesuse isut ech'el Caná tey ta Galilea yo' bu ti isc'atajes ta ya'lel uva ti vo'e. Tey nacal jun xchi'il ta abtel ti reye, oy jun screm ip, tey ta Capernaum.

San Juan 4:54

Li'i ja xa xcha' ech'elal iyac' iluc slequilal syu'elal ta Galileae ti Jesuse, ti c'alal isutal ta Judeae.

San Juan 5:23

Yo' ti scotol crixchano ac'u yich'ic ta muc' li Ch'amalile, chac c'u cha'al chic' ich'el tamuc' ti Totile. Ti much'u mu xich' ta muc' li Ch'amalile, ja' no'ox yech muc'bu yich'oj ta muc' chc'ot ti Totile, yu'un ja' stacoj tal.

San Juan 6:14

Ti crixchanoetique c'alal iyilic ti c'u x'elan iyac' ta ilel sq'uelobil syu'el ti Jesuse, ja' yech iyalic chac li'i: ―Ta melel ja' xa li yaj'alc'op Rioxe ti sc'oplal onox chtale. ―Xiic.

San Juan 6:2

Ep tajmec crixchanoetic nap'alic ech'el, ja' ti iyilic ti iyet'esbe xchamelic ti much'utic ipe.

San Juan 6:26

Itac'av ti Jesuse: —Ta melel chacalbeic, ti tal asa'icone, ja' ti lec inoj ach'utic cu'une, ma'uc ja' tal asa'icon o ti yu'un ava'ibeic smelol ti icac' iluc li jlequilal jyu'elale.

San Juan 6:30

Ja yech isjaq'uic noxtoc chac li'i: —¿C'usi seña chavac' quilticotic yo' jch'unticotic o ti c'usi chavale? ¿C'usitic ti avabtel chapase?

San Juan 7:31

Ep much'utic ixch'unic ti ja' ti much'u tacbil tale, ja' yech iyalic chac li'i: ―Calal xtal ti Cristoe, ¿mi más to van chac' iluc slequilal syu'elal cha c'ucha'al li vinic li'e? —Xiic.

San Juan 9:16

―Oy jayvo' jfariseoetic ja' yech iyalic chac li'i: —Ti much'u yech ispas chac taje ma'uc ta scuenta Riox yu'un mu xich' ta muc' li sc'ac'alil ta jcuxtique. —Xiic. Pero li jlome ja' yech iyalic chac li'i: —¿C'u ono'ox xi chac' ta ilel slequilal syu'elal ti jmulaviluque? —Xiic. Tey lic xch'aculansbaic stuquic yu'un mu co'oluc ti c'usi tsnopique.