San Juan 17:6 - LEQUIL ACH' C'OP

⁶ »Ti much'utic avac'bon li' ta sba balamile, icalbeic xa much'uot. Ja ono'ox avu'un, yech'o ti vo'ot avac'bone, ixch'unic xa ti c'usi avaloje.

Tzotzil Zinacantan

⁶ ’Icacꞌbe xa yilic cꞌu xꞌelan avoꞌon li viniquetic liꞌi, jaꞌ ti avacꞌ yichꞌicon ta muqꞌue. Baꞌyi onox atꞌujoj ti chiyichꞌic ta muqꞌue, yechꞌo ti ixchꞌunic xa ti cꞌusitic avaloje.

Bible in Tzotzil de Chamula

⁶ “Ti buch'utic laj at'uj loq'uel li' ta banomil ti laj avac'bune, laj xa cac'be sna'ic Buch'uot ta melel. Ti buch'utic laj avac'bune, ja' ono'ox avu'un, xchi'uc c'ot xa ta yo'ntonic ti ac'ope.

Bible in Tzotzil de Chenalhó with Deuterocanon

⁶ “Laj xa cac'ot ta otquinel ta stojol li viniquetic li'i ti laj avac'bune, ja' ti laj at'uj loq'uel ta stojol li cristianoetic li' ta banamile. Yu'un ja' ono'ox avu'untac, vo'ot laj avac'bun ec, jech laj xa xch'unic li ac'ope.

Tzotzil San Andres

⁶ ’Laj cacꞌot xa ta ojtaquinel ta stojol li viniquetic liꞌi, jaꞌ li la avacꞌ yichꞌicun ta muqꞌue. Baꞌi onoꞌox atꞌujoj ti chiyichꞌic ta muqꞌue, jech laj yichꞌic xa ta mucꞌ la acꞌope.

Tzotzil de Huixtán

⁶ ’Laj xa cac'be yojtiquinot ti viniquetic li'to ti oyic ti jventa avu'une. Jbael laj at'uj ho'oti, patil laj avac'bun jventain. Hech yu'un laj xa yac' ti yo'ntonic ti ac'ope.

San Juan 17:6 Iomraidhean Croise

San Juan 1:18

Mi jun muc' much'u yiloj ti Rioxe, ja' no'ox li junjun xch'amale, ti ja' Rioxe, ti jun xchi'uc ti Stote, ja' ti much'u iyac' xa cojtiquintique.

San Juan 12:28

Tot, ich'biluc ta muc' li ach'ul bie.» ―Xi. Ja' o oy much'u ic'opoj tal ta vinajel, ja' yech iyal chac li'i: «Icac' xa ta ich'el ta muc', pero ta jcha' ac' ta ich'el ta muc' noxtoc.» ―Xi.

San Juan 15:19

Ti chopoluc to li c'usitic chapasique, lec chayilic chac c'u cha'al lec chil sbaic li stuquique. Pero vo'on la jt'ujic loq'uel tal yo' bu li crixchanoetic ti ja' no'ox tspasic li c'usitic scuenta sba balamile, yech'o ti chopol chayilique, ja' ti ma'uc xa chapasic li c'usitic chopole.

San Juan 15:3

Li vo'oxuque lecubemoxuc xa ta scuenta li jc'op ti lacalbeique.

San Juan 15:7

»Mi li' nap'aloxuc o ta jtojole, mi chapasic li c'usitic cha jchanubtasic oe, c'anic ti c'usitic chac'anique cha'ac'batic.

San Juan 17:12

Ti c'alal li' jchi'uquique, ijq'uelic, ijchabiic ta scuenta syu'el li a bi avac'ojbone. Mi jun muc'bu ich'ay cu'un, ja' no'ox ich'ay li june ti sc'oplal onox ta ch'ayel chbate, yo' xc'ot o ta pasel ti c'u ono'ox x'elan ts'ibabil sc'oplal ta ac'ope.

San Juan 17:14

Icalbeic xa ti c'usitic avalbone, pero chopol ch-ileic yu'un li crixchanoetic li' ta sba balamile ja' ti mu xa bu tspasic li c'usitic scuenta sba balamile, ja' chac c'u cha'al li vo'one ti ma'uc ta jpas li c'usi scuenta balamile.

San Juan 17:16

Yu'un ma'uc xa scuentaic spasel li c'usitic scuenta sba balamile, ja' chac c'u cha'al ma'uc jcuenta li vo'one.

San Juan 17:2

Yu'un vo'ot avac'be syu'el ta scuenta scotol crixchanoetic Lach'amale, yu'un ja' chac'be xcuxlejal ta sbatel osil scotol ti much'utic avac'bee.

San Juan 17:24

»Tot, vo'ot avac'bon, ja' ta jc'an ti chi xchi'inic ta naclej yo bu chinaquie, yo' ti ac'u yilic li jlequilale, ja li jlequilal ti avac'ojbone; yu'un ac'anojon ono'ox ti c'alal mu to'ox spas li balamile.

San Juan 17:26

Icalbe xa ya'iic much'uot, muc'bu chquicta jba ta yalbelic, yo' ti j'ech'el ac'anoj o chac c'u cha'al ac'anojone, yo' ti vo'on jtuc teyon o ta stojolique» ―Xi ti c'alal isc'opon Riox ti Jesuse.

San Juan 17:7

Lavie sna'ojic xa ti tey liquem tal ta atojol scotol li c'usitic avac'bon jpase.

San Juan 18:9

Ti x'elan iyale, ja' ic'ot ti c'usi iyalbe ti Stote: «Ti jayvo' avac' yich'icon ta muq'ue, mi jun muc xch'ay cu'un.» —Xi onox.

San Juan 6:37

Scotol ti much'utic chiyac'be ti Jtote ta xtalic ta jtojol; ti much'utic ta xtalic ta jtojole, muc bu ta jip loq'uel.

San Juan 6:39

Ti c'usi oy ta yo'on ti much'u listac tale, ja' ti mu me xch'ay cu'un junuc ti much'utic liyac'bee, ja' ti ac'u jcha'cuxesic ta slajeb c'ac'ale.

San Juan 8:51

Ta melel chacalbeic, ti much'utic ta xch'unic li jc'ope, mu xchamic ―x'utatic yu'un ti Jesuse.

San Juan 8:52

―Ti jurioetique istac'beic ti Jesuse: —Lavie ta melel chquilticotic ti ochem pucuj ta avo'one. Ti Abraame xchi'uc ti yantic yaj'alc'optac Rioxe ichamic, li vo'ote chaval: “Ti much'u ta xch'un li jc'ope muc'bu ta xcham.” —Xa chi.