San Juan 17:11 - LEQUIL ACH' C'OP

¹¹ »Li vo'one mu xa bu jal li'on ta balamile, pero li stuquique li' to ta xcomique, li vo'one chisut xa ech'el ta atojol. Tot, Ch'ul Riox, chabibon me ta scuenta syu'el li ach'ul bie, ja' li ach'ul bi avac'ojbone, yo' ti jun no'ox ac'u c'oticuc chac c'u cha'al junotic li vo'otique.

Tzotzil Zinacantan

¹¹ ’Stuquic xa chcomic liꞌ ta balamile yuꞌun chisut xa muyel tal ta vinajel yuꞌun chtal jtaot. Tot, voꞌot ti chꞌabal amule, abulajan chabibon scotol li muchꞌutic avacꞌ yichꞌicon ta muqꞌue yoꞌ coꞌol o sjolic scotolic chac cꞌu chaꞌal coꞌol joltique.

Bible in Tzotzil de Chamula

¹¹ “Mu li'uc ta xicom ta sba banomile. Ti stuquique li' ta xcomic ta sba banomile, yu'un ta xtal jchi'inot. Jch'ul Tot, ti buch'utic laj avac'bune, chabio ta sventa ti amuc'ul atsatsale, ja' ti amuc'ul atsatal ti laj xa avac'bune, yo' jech co'oluc yo'ntonic jech c'u cha'al ti vo'otique.

Bible in Tzotzil de Chenalhó with Deuterocanon

¹¹ “Li vu'une muc xa li'uc oyun ta banamil; yan li stuquique li' ta xcomic ta banamil. Li vu'une ta xa xisut tal te ta atojol. Tati, Ch'ul Dios, chabio me ta sventa avu'el li boch'otic laj avac'bune, yu'un jech jun no'ox ac'o oyicuc, jech chac c'u cha'al jun oyutic li vu'utique.

Tzotzil San Andres

¹¹ ’Stuquic xa chcomic liꞌ ta balumile yuꞌun chisut xa talel ta atojol. Tata, joꞌot ti mu cꞌusi chopol li te ta atojole, abolajan chabibun scotol li buchꞌutic la avacꞌ yichꞌicun ta muqꞌue yoꞌ jech mu spaseic ta canal yuꞌun li cꞌustic oy liꞌ ta balumile. Jech jmoj yoꞌonic scotolic jech chac cꞌu chaꞌal jmoj coꞌontique.

Tzotzil de Huixtán

¹¹ ’Ja' stuquic chcomic li' ti balumile yu'un ta xa xisut tal ti atojol. Tote, mu'yuc mulil ti atojol. Hech yu'un xu' avu'un chachabibun scotol ti much'utic ti oyic ti jventa avu'une, yu'un hech mu stsalat yu'un ti mulil li' ti balumile. Yu'un ti chachabie, hech yu'un jtos yo'ntonic hech chaj c'u che'el jtos co'ntontic.

San Juan 17:11 Iomraidhean Croise

San Mateo 10:16

»¡Q'uelavilic! Li vo'one chajtaquic ech'el chac c'u cha'al chijetic yo' bu oy oq'uiletique. P'ijanic me chac c'u cha'al quiletel chon. Pero lecuc me avo'onic chac c'u cha'al paloma.

San Mateo 5:48

Li vo'oxuque ja' tsc'an ti lec avo'onic chac c'u cha'al lec yo'on ti Jtotic Riox ta vinajele ―x'utatic yu'un ti Jesuse.

San Mateo 6:9

Ti c'alal chac'oponic Rioxe, ja' yech xavalic chac li'i: »“Tot, Cajval, teyot ta vinajel, ich'biluc ta muc' li ach'ul bie.

San Juan 13:1

Ti c'alal po'ot xa'ox li q'uin coltaele, ti Jesuse sna'oj xa ti ista xa yora tscomtsan li balamile, ti chcha'sut xa ech'el yo' bu ti Stote. Ti Jesuse sc'anoj onox ta sliquebal ti much'utic ja' ono'ox yu'untac ti li'ic ta sba balamile, ja' yech sc'anoj o c'alal to ta slajeb.

San Juan 13:3

Ti Jesuse, sna'oj ti ja' ac'bil scuentain scotol yu'un ti Stote, ti ja' tspas ta mantal scotole, xchi'uc ti tey liquem tal ta stojol ti Rioxe, ti tey ono'ox tsut ech'ele;

San Juan 14:20

Ti c'alal sta sc'ac'alile, li vo'oxuque ta to xavilic ti junon xchi'uc ti Jtote, ja' no'ox yech li vo'oxuc uque junotic xa, teyon xa o ta atojolic.

San Juan 16:28

Tey li loc' tal ta stojol Jtotic Riox ti c'alal lital li' ta sba balamile, Lavi une, ta jcomtsan li balamile, yu'un chisut ech'el yo' bu ti Jtotic Rioxe ―x'utatic yu'un ti Jesuse.

San Juan 16:33

Ti x'elan la calbeique ja' yo' spas o ta jun avo'onic ti jayvo' li' nap'aloxuc ta jtojole. Li' ta sba balamile ta to xa vil avocolic; pero mu me xa xi'ic: yu'un ijpas xa ta canal li c'usitic scuenta sba balamile ―x'utatic yu'un ti Jesuse.

San Juan 17:23

Li vo'one ta xco'olaj jol xchi'uquic, li vo'otique co'ol joltic, ja' no'ox yech ta xco'olaj sjolic uc yo' xilic o scotol crixchanoetic ti vo'ot atacon tale, xchi'uc ti ac'anoj scotolique, chac c'u cha'al ac'anojone.

San Juan 17:25

Tot, li vo'ote lec c'usi chapas, ac'u mi mu xa yojtiquinic li crixchanoetic li' ta sba balamile, pero li vo'one xa cojtiquin, ti jayvo' avac'bon xae, sna'ojic xa ti vo'ot atacon tale.

San Juan 17:6

»Ti much'utic avac'bon li' ta sba balamile, icalbeic xa much'uot. Ja ono'ox avu'un, yech'o ti vo'ot avac'bone, ixch'unic xa ti c'usi avaloje.

San Juan 7:33

Yech'o un ti Jesuse ja' yech iyal chac li'i: ―Muc' bu jal li' jchi'ucoxuque, chisut ech'el ta stojol ti much'u stacojon tale.