San Juan 17:1 - LEQUIL ACH' C'OP

¹ Ti c'alal laj yal yech scotol chac taje: Ti Jesuse isq'uel muyel vinajel ja' yech iyal chac li'i: «Tot, lavie ista xa yora: Ac'o ta ich'el ta muc' Lach'amale, yo' ti xa yac' o ta ich'el ta muc' uque.

Tzotzil Zinacantan

¹ Ti cꞌalal laj yalboticotic yech ti Jesuse, jaꞌo isqꞌuel vinajel, iscꞌopon Riox. ―Tot, ista xa yora chicham chac cꞌu chaꞌal avaloj onoxe. Acꞌon ta ichꞌel ta mucꞌ, voꞌon lachꞌamalone, yoꞌ xacacꞌ o ta ichꞌel ta mucꞌ uque.

Bible in Tzotzil de Chamula

¹ C'alal laj c'opojuc ti Jesuse, laj sq'uel muyel vinajel ti xi laj yale: —Sta xa yorail, Tot, ac'bo yich' slequilal ti Anich'one yo' jech ta svinajes alequilal ec.

Bible in Tzotzil de Chenalhó with Deuterocanon

¹ C'alal laj yal jech li Jesuse, la stoy muyel sat ta vinajel, jech laj yal: “Tati, laj xa sta sc'ac'alil, jech ac'un me ta ich'el ta muc', vu'un li Anich'onune, jech cha'ich'at ta muc' ta jventa ec.

Tzotzil San Andres

¹ Cꞌalal laj yal jech li Jesuse, la sqꞌuel muyel ta vinajel, la sta ta naꞌel Dios. Jech laj yal: ―Tata, ista xa scꞌacꞌalil ti chicham jech chac cꞌu chaꞌal avaloj onoꞌoxe. Ta sventa ti ta jchꞌun li cꞌusi avaloje, jech acꞌun ta ichꞌel ta mucꞌ, joꞌon la Anichꞌonune. Chaꞌichꞌe ta mucꞌ eꞌuc.

Tzotzil de Huixtán

¹ C'alal laj yal hech ti Jesuse, laj sq'uel muel vinajel. Hech laj sc'opon Dios: ―Tote, ista xa yorail ti chc'ot ti pasel cu'un hech chaj c'u che'el achapanoj. Hech yu'un ac'un ti pasel ti muc' yu'un hech chacac'ot ti pasel ti muc' uc, ho'on ti Anich'onune.

San Juan 17:1 Iomraidhean Croise

Marcos 14:41

Ti c'alal isut tal ta yox'ech'elale, xi i'albatic yu'un ti Jesuse: —¿Mi yilel to vayemoxuc xchi'uc mi yilel to cha cuxic? Ta'luc xa o, yu'un ista xa yora ti chi'aq'ue entrucal ta sc'ob jmulaviletic vo'on ti Xch'amal crixchano li c'ote.

San Lucas 18:13

Pero li jc'an-loc'-c'usiticuque nom va'al icom, mi ja'uc sc'an sq'uel muyel vinajel, ja' no'ox ismajulan sti' yo'on, xi iyale: “¡Riox Cajval, c'uxubinon yu'un jmulavilon!” —Xut ti Rioxe.

San Lucas 22:53

Scotol c'ac'al tey jchi'ucoxuc ta muc'ta templo, pero muc' xa tsaquicon. Pero lavie ista xa sc'ac'alil avu'unic, ti ja' xa cha spasic ta manta li yajval ic'al osile ―x'utatic ti jtsacvanejetique.

San Juan 11:4

Ti c'alal iya'i ti Jesuse, ja' yech iyal chac li'i: —Li chamel taje mu xcham o, ja' no'ox yo' x'ich'e o ta muc' ti Rioxe, xchi'uc yo' x'ich'e o ta muc' ti Xch'amal Rioxe. ―Xi.

San Juan 11:41

Isloq'uesic li tone, Ti Jesuse isq'uel vinajel, ja' yech iyal chac li'i: ―Tot, chacalbe colaval, yu'un ava'ibon li jc'ope.

San Juan 12:23

Itac'av ti Jesuse: ―Ista xa yora ti chi aq'ue ta ich'el ta muc' vo'on ti Xch'amal crixchano li c'ote.

San Juan 13:1

Ti c'alal po'ot xa'ox li q'uin coltaele, ti Jesuse sna'oj xa ti ista xa yora tscomtsan li balamile, ti chcha'sut xa ech'el yo' bu ti Stote. Ti Jesuse sc'anoj onox ta sliquebal ti much'utic ja' ono'ox yu'untac ti li'ic ta sba balamile, ja' yech sc'anoj o c'alal to ta slajeb.

San Juan 16:32

Q'uelavilic ta xa xc'ot yorail, xchi'uc ja' xa yora lavie ti jujuntal xa chabatique, jtuc xa chacomtsanicon. Pero mu jtucuc chicom, yu'un li' onox xchi'inojon ti Jtotic Rioxe.

San Juan 7:30

Ta ox stsaquic, pero muc' much'u i'och sc'ob ta tsaquel yu'un mu to'ox sta sc'ac'alil.

San Juan 7:39

Ti x'elan iyal ti Jesuse, ja' iyalbe sc'oplal ti much'utic chch'unic ti Jesuse, ta xtal scuentainelic yu'un ti Ch'ul Espiritue; yu'un ti ch'ul Espiritue mu to'ox bu talem, ja' ti mu to'ox bu muyem ech'el ta vinajel ti Jesuse yo' bu ti slequilale.

San Juan 8:20

Ja' yech iyal ti Jesuse ti c'alal ichanubtasvan ta templo yo' bu yav scaxail smoton Rioxe, pero muc' much'u istsac ti Jesuse, ja' ti mu to'ox bu tsta yora chich' tsaquele.