San Juan 16:2 - LEQUIL ACH' C'OP

² Cha nutseic loq'uel ta bic'tal temploetic, ta sta yora ti much'uuc no'ox ti cha smilique, tsnop ti ja' tspasbe yabtel ti Rioxe.

Tzotzil Zinacantan

² Li jchiꞌiltactic ta israelale mu xacꞌ ochanic ta bicꞌtal temploetic. Ta sta yora ti chasmilic jayvoꞌuque yuꞌun tsnopic ti jaꞌ yech tscꞌan ti Rioxe.

Bible in Tzotzil de Chamula

² Yu'un ta xavich'ic jipel loq'uel ta ch'ul na. Xu' ta xc'ot ta pasel ti oy buch'u ta xasmiloxuc ti ta snopic ti ja' jech ta xtunic yu'un ti Diose.

Bible in Tzotzil de Chenalhó with Deuterocanon

² Yu'un ta to snutsoxuc loq'uel ta nail tsobobbailetic. Ta to sta yorail ti oy ta smiloxuque, yu'un tsnopic ti ja' jech tspasbeic yabtel li Diose.

Tzotzil San Andres

² Chasloqꞌuesic ta schꞌulnaic li jchiꞌiltactic ta israelale. Ta xcꞌot scꞌacꞌalil ti chasmilic jayvoꞌoxuque yuꞌun ta snopic ti jaꞌ jech tscꞌan Dios ti chasmilique.

Tzotzil de Huixtán

² Chastenoxuc loq'uel ti temploetic ti jchi'iltique, ho'ucutic ti co'ol judioucutic xchi'uque. Tsta yorail ti chasmilic yu'un ja' yabtel Dios tspasbeic tscuyic.

San Juan 16:2 Iomraidhean Croise

San Mateo 10:28

Mu me xaxi'ic o ti much'utic yo'onicuc smiloxuque, yu'un mu staic ta milel lach'ulelique. Ja' xi'anic o ti much'u xu' tstic' ochel ta c'oc la pat axoconique xchi'uc li ach'ulelique.

San Mateo 24:9

»Ta xa aq'ueic entrucal, chavich'ic ilbajinel xchi'uc chavich'ic milel. Scotol li yantic nacionetique mu xa sc'anic, chavich'ic p'ajel ta scoj ti avich'ojicon ta muq'ue.

San Lucas 6:22

»Junuc no'ox avo'onic vo'oxuc ti crontainbiloxuque, ti chanutseique, ti chopol c'usi chayalbeic li crixchanoetique, ti chopol cha ileic o ti avich'ojicon ta muc' vo'on ti xch'amal crixchano lic'ote.

San Juan 12:42

Ac'u mi yech un, pero ep ono'ox jurioetic ixch'unic ti Jesuse, ixch'unic jayvo' jmeltsanejc'opetic uc. Pero muc bu iyalic ta jamal ti xch'unojique yu'un xi'emic o ti jfariseoetique, yu'un mu x'aq'ue ochicuc ta junuc bic'tal templo mi ivinajique.

San Juan 16:25

»Ti c'usitic la calbeique, oy bu ijtunes lo'il; pero ta sta yora ti ma'uc xa ta lo'il cha calbeique, yu'un jamal xa chacalbeic sc'oplal ti Jtotic Rioxe.

San Juan 16:32

Q'uelavilic ta xa xc'ot yorail, xchi'uc ja' xa yora lavie ti jujuntal xa chabatique, jtuc xa chacomtsanicon. Pero mu jtucuc chicom, yu'un li' onox xchi'inojon ti Jtotic Rioxe.

San Juan 4:21

Itac'av ti Jesuse: —Ants, ch'uno ti c'usi chacalbee, ta sta yora ti mu xa persauc li' chavich'ic ta muc' Jtotic Riox ta vitse, mi ja'uc ta Jerusalene.

San Juan 4:23

Pero ta xa xc'ot yora, xchi'uc ja' xa yorail lavie, ti much'utic chich'ic ta muc' ta melel ti jtotic Rioxe, ta xich'ic ta muc' ta melel chac c'ucha'al tsc'an ti Espíritu yu'un ti Rioxe. Ti jtotic Rioxe ja' tsc'an ti ja yech ac'u spasic ti much'utic chich'ic ta muq'ue.

San Juan 9:22

Ti x'elan iyal ti stot sme'e, ta sc'oj xi'el, yu'un ti jurioetique yalojic xa ti ta sloq'uesic ta templo ti much'u chal ti ja' tacbil tal yu'un Riox ti Jesuse.

San Juan 9:34

Ja' yech iyalbeic chac li'i: —Li vo'ote mu albajuc amul ti c'alal la ayane, ¿mi vo'ot chachanubtasoticotic ti avaloje? —Xutic. Ja' o isnutsic loq'uel ta c'ox templo yo bu stsobob-bailique.