San Juan 16:16 - LEQUIL ACH' C'OP

¹⁶ »Mu xa bu jal chavilicon, pero le' c'alal jayib c'ac'ale ta to xavilicon jayibuc c'ac'al noxtoc.

Tzotzil Zinacantan

¹⁶ ’Mu xa bu jal liꞌ chavilicone. Oy jun chib cꞌacꞌal ti mu xavilicone. Tsꞌacal to chavilicon noxtoc. Más to tsꞌacal chibat yoꞌ bu ti Jtote ―xiyutoticotic ti Jesuse.

Bible in Tzotzil de Chamula

¹⁶ “Mu xa jaluc ta xavilicun li'e, ts'acal to ta xlic avilicun —xi ti Jesuse.

Bible in Tzotzil de Chenalhó with Deuterocanon

¹⁶ “Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc xa no'ox c'ac'al —xi li Jesuse.

Tzotzil San Andres

¹⁶ ’Mu xa jaluc liꞌ chavilicune. Oy jun chib cꞌacꞌal ti muc bu chavilicune. Tsꞌacal to chavilicun nojtoc. Ta tsꞌacal chisut batel li yoꞌ bu oy li Jtote ―xi li Jesuse.

Tzotzil de Huixtán

¹⁶ ’J'oc' xa no'ox chaq'uelbun jsat. Jun chib c'ac'al mu xaq'uelbun jsat. Patil chaq'uelbun jsat yan vuelta. Patil chisut batel ti stojol ti Jtote ―xchi ti Jesuse.

San Juan 16:16 Iomraidhean Croise

Marcos 16:19

Ti c'alal laj c'oponaticuc comel yu'un ti Jesuse, ja'o i'ic'at muyel ta vinajel, tey ichoti ta sbats'i c'ob ti Rioxe.

San Juan 12:35

Itac'av ti Jesuse: ―Mu xa bu jal li' ta atojolic li luze, más lec xanavanic ta sac osil lavi li' to li luze, yo' mu ch'ayemuc avo'onic xa staic li ic' osile; yu'un ti much'u chanav ta ic' osile, mu sna' bu chbat.

San Juan 13:3

Ti Jesuse, sna'oj ti ja' ac'bil scuentain scotol yu'un ti Stote, ti ja' tspas ta mantal scotole, xchi'uc ti tey liquem tal ta stojol ti Rioxe, ti tey ono'ox tsut ech'ele;

San Juan 13:33

Jch'amaltac, vo'oxuc ti jc'anojoxuc ta jmeque, mu xa bu jal li' chajchi'inique. Li vo'oxuque cha sa'icon. Pero ja' chac c'u cha'al icalbe li jurioetique, ja' no'ox yech chacalbeic uc: Ti yo' bu chibate, mu xu' chabatic.

San Juan 16:10

Ti much'u ch'abal smule: ja' li vo'one ti chibat ta stojol ti jtote, li vo'oxuque mu xa bu chavilicon;

San Juan 16:22

Ja' no'ox yechoxuc uc, lavie ta to xavat avo'onic; pero li vo'one ta to xtal jq'ueloxuc, mu xa c'u yech o avo'onic ti c'alal xavilicone, mu xa much'u xu' cha spojbeic ti jun avo'onique.

San Juan 16:28

Tey li loc' tal ta stojol Jtotic Riox ti c'alal lital li' ta sba balamile, Lavi une, ta jcomtsan li balamile, yu'un chisut ech'el yo' bu ti Jtotic Rioxe ―x'utatic yu'un ti Jesuse.

San Juan 16:5

Pero lavie chibat, chba xa jchi'in ti much'u stacojon tale, pero mi junuc li vo'oxuque muc'bu chajac'becon ti bu chibate;

San Juan 17:13

»Lavie chisut xa tal, chtal xa jchi'inot; ti x'elan chcale ja' ti li' to jchi'uquic ta sba balamile, yo' spas o ta jun yo'onic chac c'u cha'al jun co'on ta jmec li vo'one.

San Juan 17:5

Lavi une Tot, ac'on xa ta ich'el ta muc' noxtoc tey ta atojol chac c'u cha'al ich'bilon ta muc' ti c'alal ch'abal to'ox li balamile.

San Juan 7:33

Yech'o un ti Jesuse ja' yech iyal chac li'i: ―Muc' bu jal li' jchi'ucoxuque, chisut ech'el ta stojol ti much'u stacojon tale.