San Juan 15:21 - LEQUIL ACH' C'OP

²¹ Ja' yech cha pasbatic uc lavi avich'ojicon ta muq'ue, yu'un mu xojtiquinic ti much'u li stac tale.

Tzotzil Zinacantan

²¹ Jaꞌ yech chachaꞌleatic ti avichꞌojicon ta muqꞌue yuꞌun mu to chichꞌic ta mucꞌ ti Jtote, jaꞌ ti listac tale.

Bible in Tzotzil de Chamula

²¹ Scotol taje, jech ta xc'ot ta atojolic ta jventa, yu'un mu xojtiquinic ti Buch'u laj stacun talele.

Bible in Tzotzil de Chenalhó with Deuterocanon

²¹ Ti jech ta spasboxuque vu'un ta jcoj, yu'un mu xotquinic li Boch'o la stacun tale.

Tzotzil San Andres

²¹ Jaꞌ ta jventa joꞌon scotol li cꞌustic chaspasbeique yuꞌun mu xojtaquinic li Jtot ti listac talele.

Tzotzil de Huixtán

²¹ Ho'on ti jventa ti scotol hech chaspasboxuc yu'un mu xojtiquinic ti Jtote, ja' ti laj stacun talele.

San Juan 15:21 Iomraidhean Croise

San Mateo 10:18

Yu'un ti avich'ojicon ta muq'ue, oy cha iqu'eic ech'el ta stojol jyu'eletic xchi'uc ta stojol reyetic; yech'o un xu' xavalbeic li c'usitic caloje. Ac'u ya'iic uc li much'utic ma'uc jchi'iltique.

San Mateo 10:22

Scotol crixchano chopol chayilic o ti avich'ojicon ta muq'ue. Pero ti much'utic chcuch yu'unic ilbajinel ti c'u sjalil cuxulique, ta xcolic.

San Mateo 10:39

Ti much'u ta xi' o li milele, ja' ta xch'ay li xcuxlejale. Yan ti much'u ja' chlaj o ta milel ti yich'ojon ta muq'ue, ta xcuxi ta sbatel osil.

San Mateo 24:9

»Ta xa aq'ueic entrucal, chavich'ic ilbajinel xchi'uc chavich'ic milel. Scotol li yantic nacionetique mu xa sc'anic, chavich'ic p'ajel ta scoj ti avich'ojicon ta muq'ue.

San Mateo 5:11

»Li vo'oxuque junuc no'ox avo'onic ti mi ja' ta jcuenta chavich'ic chopolc'optaele, chavich'ic nutsele, ti chanopbat amulique xchi'uc ti naca chopol c'usi cha albatique.

Marcos 13:13

Ep much'utic chopol chayilic o ti avich'ojicon ta muq'ue; Pero ti much'utic ta xcuch yu'unic c'alal to slajebe ja' ta xcolic. ―X'utatic yu'un ti Jesuse.

San Lucas 21:12

»C'alal mu to'ox xc'ot li c'usi lacalbeique, li vo'oxuque chatsaqueic, chavich'ic crontainel. Cha'iq'ueic ech'el ta stojol jmeltsanejc'opetic ta bic'tal temploetic, chatiq'ueic ta chuquel xchi'uc cha'iq'ueic ech'el ta stojol reyetic xchi'uc ta stojol coviernoetic ta scoj ti avich'ojicon ta muq'ue.

San Lucas 21:17

Scotol crixchanoetic cha scrontainic o ti avich'ojicon ta muq'ue;

San Lucas 6:22

»Junuc no'ox avo'onic vo'oxuc ti crontainbiloxuque, ti chanutseique, ti chopol c'usi chayalbeic li crixchanoetique, ti chopol cha ileic o ti avich'ojicon ta muc' vo'on ti xch'amal crixchano lic'ote.

San Juan 15:24

Ti manchuc icac' ta ilel ta stojolic ti c'usitic muc' much'u yan yech spasoje, mu c'usi smulic ti yechuque; pero lavie iyilic xa, ac'u mi iyilic un, pero chopol chiyilic xchi'uc ti jtote.

San Juan 16:3

Ti x'elan tspasique, yu'un mu yojtiquinic ti Jtot xchi'uc mu xi yojtiquinic li vo'one.

San Juan 17:25

Tot, li vo'ote lec c'usi chapas, ac'u mi mu xa yojtiquinic li crixchanoetic li' ta sba balamile, pero li vo'one xa cojtiquin, ti jayvo' avac'bon xae, sna'ojic xa ti vo'ot atacon tale.

San Juan 8:19

Xi isjac'beique: —¿Bu ti atot chavale? ―Xutic. Itac'av ti Jesuse: ―Li vo'oxuque mu xa vojtiquinicon, ja' no'ox yech ti Jtote mu xa vojtiquinic uc; ti xavojtiquiniconuque, ja' no'ox yech xavojtiquinic yechuc ti jtote. ―X'utatic.

San Juan 8:54

―Itac'av ti Jesuse: —Ti vo'onicon no'ox jtuc chcac' jba ta ich'el ta muq'ue, mu c'usi bal o ti yechuque. Ti much'u chiyac' ta ich'el ta muq'ue, ja' ti Jtote, ja' ti much'u chavalic ti ja' a Rioxique.

San Juan 8:55

Li vo'oxuque mu xavojtiquinic. Yan li vo'one xcojtiquin; ti mi chacalbeic ti mu xcojtiquine jnop c'op chic'ot chac c'u cha'al li vo'oxuque. Pero ta melel xcojtiquin, ta jch'unbe li c'usi chale.