San Juan 14:7 - LEQUIL ACH' C'OP

⁷ Mi avojtiquinicon li vo'one, ja' no'ox yech xavojtiquinic xa ti Jtot uque; lavie avojtiquinic xa yu'un oy xa sc'ac'alil lic avilic tal. ―X'utatic yu'un ti Jesuse.

Tzotzil Zinacantan

⁷ Mi achꞌunojic ti ta vinajel liquemon tale, jaꞌ noꞌox yech achꞌunojic ti jaꞌ Jtot ti Rioxe. Poꞌot xa xachꞌunic ti jaꞌ Jtote xchiꞌuc ti voꞌne xa lic avilic tal yaꞌele ―xiyutoticotic ti Jesuse.

Bible in Tzotzil de Chamula

⁷ Mi xavojtiquinicune, xavojtiquinic ti Jtot unbi. Avi li'e, xavojtiquinic xa, yu'un le' xa talel laj avilic une.

Bible in Tzotzil de Chenalhó with Deuterocanon

⁷ Me xavotquinicun xa leque, jech xavotquinic xa ec li Jtote. Li' ta orae xavotquinic xa; laj xa avilic —xi.

Tzotzil San Andres

⁷ Ti avojtaquinicun ta melele, jech xavojtaquinic eꞌuc li Jtote. Pero chlic xa avojtaquinic li Jtote yuꞌun chlic xa avilic li cꞌu sba chascoltaic ta spasel li yabtele ―xijyutcutic.

Tzotzil de Huixtán

⁷ Yu'un muc xavojtiquinucun, hech yu'un mu to chavojtiquin ti Jtote. Ti ora to yac'oj sba chavojtiquin yu'un ti laj calboxuque ―xiyutuntutic.

San Juan 14:7 Iomraidhean Croise

San Mateo 11:27

»Ti Jtote yac'ojbon entrucal scotol li c'usitic oye. Muc' much'u yan xojtiquin li ch'amalile, stuc no'ox xojtiquin li totile; ja' no'ox yech muc' much'u yan xojtiquin li totile, stuc no'ox xojtiquin li ch'amalile, ja' no'ox yech noxtoc ta xojtiquinic jtotic Riox li much'utic ta x'acbat yojtiquinic yu'un li ch'amalile.

San Lucas 10:22

»Ti Jtote yac'ojbon entrucal scotol ti c'usitic oye. Muc' much'u sna'oj c'u x'elan li ch'amalile, ja' no'ox sna'oj ti Totile; ja' no'ox yech noxtoc muc' much'u sna'oj c'u x'elan li Totile, vo'on no'ox jna'oj ti Ch'amalilone, ja' no'ox yech tsna'ic uc ti much'utic chcac'be sna'ique.» ―X'utatic.

San Juan 1:18

Mi jun muc' much'u yiloj ti Rioxe, ja' no'ox li junjun xch'amale, ti ja' Rioxe, ti jun xchi'uc ti Stote, ja' ti much'u iyac' xa cojtiquintique.

San Juan 15:24

Ti manchuc icac' ta ilel ta stojolic ti c'usitic muc' much'u yan yech spasoje, mu c'usi smulic ti yechuque; pero lavie iyilic xa, ac'u mi iyilic un, pero chopol chiyilic xchi'uc ti jtote.

San Juan 16:3

Ti x'elan tspasique, yu'un mu yojtiquinic ti Jtot xchi'uc mu xi yojtiquinic li vo'one.

San Juan 17:21

Cha jc'anbe vocol ti co'oluc me sjolic scotolique, Tot yechicuc me chac c'u cha'al co'ol joltic li vo'otique, xchi'uc ti co'olajuc joltic jchi'uctique, yo' xch'unic o scotol crixchanoetic ti vo'ot atacon tale.

San Juan 17:23

Li vo'one ta xco'olaj jol xchi'uquic, li vo'otique co'ol joltic, ja' no'ox yech ta xco'olaj sjolic uc yo' xilic o scotol crixchanoetic ti vo'ot atacon tale, xchi'uc ti ac'anoj scotolique, chac c'u cha'al ac'anojone.

San Juan 17:26

Icalbe xa ya'iic much'uot, muc'bu chquicta jba ta yalbelic, yo' ti j'ech'el ac'anoj o chac c'u cha'al ac'anojone, yo' ti vo'on jtuc teyon o ta stojolique» ―Xi ti c'alal isc'opon Riox ti Jesuse.

San Juan 17:3

Ti chcuxiic ta sbatel osile, ja' ti chayojtiquinic ti atuc no'ox Rioxot ta melele, xchi'uc ti chojtiquinic li Jesucristo ti vo'ot atacoj tale.

San Juan 17:6

»Ti much'utic avac'bon li' ta sba balamile, icalbeic xa much'uot. Ja ono'ox avu'un, yech'o ti vo'ot avac'bone, ixch'unic xa ti c'usi avaloje.

San Juan 17:8

Icalbeic xa ti c'usitic avalbone, ixch'unic xa. Iyaq'uic xa cuenta ti ta melel tey liquemon tal ta atojole, xchi'uc ixch'unic xa ti vo'ot atacon tale.

San Juan 6:46

«Muc' much'u yiloj ti Jtote; ja' no'ox ti much'u tey talem ta stojol ti Rioxe.

San Juan 8:19

Xi isjac'beique: —¿Bu ti atot chavale? ―Xutic. Itac'av ti Jesuse: ―Li vo'oxuque mu xa vojtiquinicon, ja' no'ox yech ti Jtote mu xa vojtiquinic uc; ti xavojtiquiniconuque, ja' no'ox yech xavojtiquinic yechuc ti jtote. ―X'utatic.