San Juan 14:6 - LEQUIL ACH' C'OP

⁶ Itac'av ti Jesuse: —Vo'on li beone, vo'on li melelone, vo'on li cuxlejalone. Ja no'ox ta jcuenta vo'on xu' chac'otic yo' bu ti Jtotic Rioxe.

Tzotzil Zinacantan

⁶ ―Voꞌon chaquiqꞌuic echꞌel yoꞌ bu ti Jtotic Riox ta vinajele yuꞌun xcojtiquin. Ti cꞌu xꞌelan lacalbeique, yech. Voꞌon chcacꞌ acuxlejalic ta sbatel osil. Voꞌon noꞌox xuꞌ chaquiqꞌuic echꞌel yoꞌ bu ti Jtotic Rioxe.

Bible in Tzotzil de Chamula

⁶ Xi laj stac' ti Jesuse: —Vu'un c'otem ta jventa ti bee, ti melele, xchi'uc ti cuxlejale. Ti xu' xac'otic bu oy ti Jtote, vu'un ta jventa.

Bible in Tzotzil de Chenalhó with Deuterocanon

⁶ Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

Tzotzil San Andres

⁶ Li Jesuse jech laj yal: ―Ta jventa joꞌon chabatic li yoꞌ bu oy li Jtote. Li joꞌone xcojtaquin li Jtote, jaꞌ melel li cꞌu sba laj calboxuc scꞌoplale. Li buchꞌutic ta schꞌunic ti joꞌon Yajcoltavanejicune chcuxiic o sbatel osil ta jventa. Yan li buchꞌutic mu schꞌunic ti joꞌon Yajcoltavanejicune mu xuꞌ ta xojtaquinic li Jtote.

Tzotzil de Huixtán

⁶ Ti Jesuse hech laj yalbe: ―Mi chac'an chac'otic ti bu oy ti Jtote, ja' tsc'an chach'unic ti ho'on Jcoltavanejun avu'unique. Yu'un ho'on chcojtiquin ti Jtote, hech yu'un melel ti c'u che'el laj xa calboxuc sc'opilal. Yu'un ti much'u chch'un ti ho'on Jcoltavanejun yu'unique, ho'on ti jventa ti chcuxiic sbatel osile. Ti much'u mu xispasucun ti muq'ue mu xu' chojtiquin ti Jtote.

San Juan 14:6 Iomraidhean Croise

San Mateo 11:27

»Ti Jtote yac'ojbon entrucal scotol li c'usitic oye. Muc' much'u yan xojtiquin li ch'amalile, stuc no'ox xojtiquin li totile; ja' no'ox yech muc' much'u yan xojtiquin li totile, stuc no'ox xojtiquin li ch'amalile, ja' no'ox yech noxtoc ta xojtiquinic jtotic Riox li much'utic ta x'acbat yojtiquinic yu'un li ch'amalile.

San Juan 1:14

Li c'ope iyich' sbectal, i'ayan chac c'u cha'al vo'otic, li xchi'inotic ta naclej. Iquilbetic li slequilal syu'elal ac'bil yu'un ti Stote, ja' ti jujun xch'amale, ti toj lec sna' xc'anvane, ti ja' melele.

San Juan 1:17

Li smantaltac Rioxe, ja' li yac'botic ti Moisese, pero li c'uxubinele xchiuc li c'usi melele, ja' xa ic'ot ta pasel ta scuenta ti Jesucristoe.

San Juan 1:4

Yu'un tey liquem tal ta stojol li cuxlejale, li cuxlejale ja' luz yu'un li crixchanoetique.

San Juan 10:28

Ta xcac' cuxlicuc ta sbatel osil, mu xa bu ch-ch'ayic o, muc' much'u xu' chispojbe ta jc'ob.

San Juan 10:7

Iyal noxtoc ti Jesuse: «Ta melel chacalbeic, vo'on li ti'corralon yo' bu ch'och li chijetique.

San Juan 10:9

Vo'on li ti'corralone: ti much'u ch-och ta jtojole, ta xcol. Co'ol c'u cha'al chij ti jun no'ox yo'on xloc' x'oche, ti tsta sve'ele.

San Juan 14:19

Mu xa jaluc li'one, li crixchanoetic ti mu xich'ic ta muc' Riox li' ta sba balamile, mu xa bu chiyilic; yan li vo'oxuque chavilicon, chacuxiic yu'un li vo'one cuxulon o.

San Juan 15:1

Vo'on li bats'i smuc'ta aq'uil uva c'otemone, ti Jtote ti much'u tsq'uel chabtelan li uvae.

San Juan 18:37

Yech'o un, ti Platoe xi isjac'bee: —¿Yu'un vo'ot reyot che'e? ―Xut. Itac'av ti Jesuse: —Vo'ot aval atuc: vo'on reyon. Li vo'one tal ayancon li' ta balamile, yu'un tal cal li c'usi melele. Scotol ti much'utic ja' nap'ajtic o li melele, cha'iic li c'usi chcale.

San Juan 5:21

Ja' chac c'u cha'al ta xcha'cuxes animaetic ti Totile, ti chac'be xcuxlejale, ja' no'ox yech li Ch'amalil uque ta xac'be xcuxlejal ti much'u tsc'an yo'on chac'bee.

San Juan 6:33

Li pan chac' ti Rioxe, ja' ti yalem tal ta vinajele, ja' chac'be xcuxlejal li crixchanoetic ta balamile. —X'utatic.

San Juan 6:51

Vo'on panon ti cuxule, ti yalem tal ta vinajele; ti much'u ta sve'e, chcuxi ta sbatel osil. Li pan ti chcaq'ue ja' li jbec'tal jtacupal jtuque. Ta xcac' ta scuenta scuxlejal li crixchanoetic li' ta sba balamile.» ―X'utatic yu'un ti Jesuse.

San Juan 6:57

Ti Jtot ti listac tale cuxul, li vo'one cuxulon ta scuenta ti Jtote, ja' no'ox yech ti much'u chi sve'e, ja' ta jcuenta ti ta xcuxie.

San Juan 6:68

Itac'av ti Simon Pedroe: ―Cajval, ¿much'u xa chba jchi'inticotic? Yu'un li ac'ope ja cuxlejal ta sbatel osil.

San Juan 8:32

Chavojtiquinic li c'usi melele, li c'usi melele chaloq'uic o ta mozoil ―x'utatic.

San Juan 8:51

Ta melel chacalbeic, ti much'utic ta xch'unic li jc'ope, mu xchamic ―x'utatic yu'un ti Jesuse.