San Juan 14:12 - LEQUIL ACH' C'OP

¹² Ta melel chacalbeic, ti much'u chi xch'une, tspas yu'unic li c'usitic ta jpas uque; más to muc'tic c'usi xu' spas yu'unic chac c'u cha'al ta jpase, yu'un li vo'one chibat yo' bu ti Jtotic Rioxe.

Tzotzil Zinacantan

¹² Ta melel chacalbeic, mi chachꞌunic ti junoticotic xchiꞌuc ti Jtotic Rioxe, xuꞌ chavaqꞌuic iluc slequilal syuꞌelal Riox chac cꞌu chaꞌal ta jpase. Más to ep chlic yichꞌicon ta mucꞌ crixchanoetic avuꞌunic ti cꞌalal teyon xaꞌox xchiꞌuc ti Jtote.

Bible in Tzotzil de Chamula

¹² J'ech'el ta xcalboxuc ava'iic, ti buch'u ta xc'ot ta yo'nton ta xch'unelune, ja' jech ta spas ec jech c'u cha'al ta jpase. Xu' ti x'ech' to xjelav ta spas, yu'un ta xibat bu oy ti Jtote.

Bible in Tzotzil de Chenalhó with Deuterocanon

¹² Jamal chacalboxuc ava'yic, li boch'o ta xch'unicune, xu' chlic spasic ec jech chac c'u cha'al ta jpase. Toj ven tsotsic c'usitic chlic spasic, yu'un li vu'une ta xa xibat yo' bu oy li Jtote.

Tzotzil San Andres

¹² Melel li cꞌusi chacalbeique, mi chachꞌunic ti joꞌon chajcoltaique, xuꞌ chavacꞌbeic ta ilel sjuꞌel Dios jech chac cꞌu chaꞌal ta jpase. Schiꞌuc más to ep chlic yichꞌicun o ta mucꞌ li crixchanoetic ta aventaic li cꞌalal te oyun xa li yoꞌ bu oy li Jtote.

Tzotzil de Huixtán

¹² ’Melel ti c'usi chacalbeique, mi chach'unic ti chajcoltaoxuque, co'ol chapasic jchop o abteletic hech chaj c'u che'el ti jpas ho'oni. Más ech'em to chlic apasic c'alal mi nisut xa batel ti stojol ti Jtote.

San Juan 14:12 Iomraidhean Croise

San Mateo 21:21

Itac'av ti Jesuse: —Ta melel chacalbeic, mi ach'unojique, mi mu xchibetuc avo'onique; mu c'ajomuc no'ox tspas avu'unic chac c'u cha'al ijcha'le li ic'uxe. Xu' avu'unic chavalbeic noxtoc li vits li'i: “Loc'an ech'el teyo'e, ba t'ubaba ta mar”, mi xavutique, ta spas avu'unic.

Marcos 11:13

Iyil ta nom jtec' ic'ux, ti oy yanale, inopoj ech'el ba sq'uel mi oy sat noxtoc. Pero ch'abal sat ista, naca no'ox yanal oy yu'un ma'uc to'ox yora tsatin.

Marcos 16:17

Ti much'utic ta xch'unique ta xaq'uic iluc sq'uelobi chac li'i: Ta jbi ta sloq'uesic pucujetic, xchi'uc ta xc'opojic ta ach' c'op.

San Juan 14:28

Ava'iic xa ti ical ti chibate xchi'uc ti chtal jchi'inoxuc noxtoque. Ti ac'anojicucone, xamuyubajic xa yechuc ti c'alal ava'iic ti chisut ech'el yo' bu ti jtote, yu'un li stuque más to c'u cha'al li vo'one.

San Juan 16:7

Ta melel chacalbeic: Ja' ta scuenta alequilalic ti chibate. Yu'un ti mi mu xibate mu xtal xchi'inoxuc li much'u chtal spas ta jun avo'onique; pero mi libate, vo'on chajtacbeic tal.

San Juan 4:37

Ja' chac c'u cha'al oy yech xalique, “Yan o much'u tsts'un, yan o much'u tsloc'.” —Xichiotic.

San Juan 5:20

Li Totile sc'anoj li Xch'amale, chac'be yil scotol ti c'usi ta spase, ta to xac'be yil ti c'usitic más to muc'tic sq'uelobil syu'ele, ti toj ch'ayel ch-c'ot o avo'onic li vo'oxuque.

San Juan 7:33

Yech'o un ti Jesuse ja' yech iyal chac li'i: ―Muc' bu jal li' jchi'ucoxuque, chisut ech'el ta stojol ti much'u stacojon tale.

San Juan 7:39

Ti x'elan iyal ti Jesuse, ja' iyalbe sc'oplal ti much'utic chch'unic ti Jesuse, ta xtal scuentainelic yu'un ti Ch'ul Espiritue; yu'un ti ch'ul Espiritue mu to'ox bu talem, ja' ti mu to'ox bu muyem ech'el ta vinajel ti Jesuse yo' bu ti slequilale.