San Juan 13:18 - LEQUIL ACH' C'OP

¹⁸ »Mu acotolicuc ti x'elan chacalbeique; li vo'one jna'anoj much'utic ti jt'ujoje. Pero persa chc'ot ta pasel li c'usi ts'ibabil ta sc'op Rioxe: “Ti much'u co'ol chive' jchi'uque ja' chiscrontain.” —Xi onox ts'ibabil.

Tzotzil Zinacantan

¹⁸ ’Mu acotolicuc ti xꞌelan chacalbeique. Voꞌon ti lajtꞌujique, yuꞌun quiloj cꞌu xꞌelan avoꞌonic. Oy junoxuc ti chacrontainicone jaꞌ yoꞌ xcꞌot o chac cꞌu chaꞌal tsꞌibabil jcꞌoplal ta scꞌop Rioxe: “Ti muchꞌu coꞌol chiveꞌ jchiꞌuque jaꞌ chiscrontain”, xi onox tsꞌibabil.

Bible in Tzotzil de Chamula

¹⁸ “Ma'uc ac'oplal acotolic ti va'i s'elan laj cale, yu'un jna'oj ti buch'u t'ujbilic cu'une. Ja'uc le'e, yu'un tsots sc'oplal ta xc'ot ta pasel jech c'u cha'al ti xi ts'ibabil ta ch'ul c'ope: ‘Ti buch'u jmoj ta xive' xchi'uque, joybij ta cajcontra.’

Bible in Tzotzil de Chenalhó with Deuterocanon

¹⁸ “Muc acotolicuc jech chacalboxuc. Li vu'une xcotquin li boch'otic t'ujbilic cu'une. Pero tsc'an ac'o c'otuc ta pasel ti jech ts'ibabil comel ta sc'op Diose: ‘Li boch'o co'ol chive' jchi'uque ja' xa cajcontra ic'ot’, xi ono'ox ts'ibabil.

Tzotzil San Andres

¹⁸ ’Mu acotolicuc ti jech chacalbeique. Xacojtaquinic, joꞌoxuc ti tꞌujbiloxuc cuꞌun sventa chavalbecun batel li jcꞌope. Oy jun li joꞌoxuc ti la jtꞌujoxuque, jaꞌ noꞌox la jtꞌuj ta sventa acꞌo cꞌotuc ta pasel jech chac cꞌu chaꞌal tsꞌibabil onoꞌox comel jcꞌoplal ta scꞌop li Diose: “Li buchꞌu coꞌol chiveꞌ jchiꞌuque jaꞌ chiscontrain”, xi onoꞌox tsꞌibabil.

Tzotzil de Huixtán

¹⁸ ’Mu acotoluc hech ac'opilalic. Xacojtiquinoxuc, ho'oxuc ti t'ujbiloxuc cu'un yu'un chacholbucun ti jc'ope. Oy jun achi'uc ti laj jt'uj ti mu xich' ti bendicione. Yu'un ti hech laj jt'uj uque, yu'un hech tsts'aqui ti sc'op ti Diose hech chaj c'u che'el ts'ibabil: “Ti much'u co'ol chive' xchi'uque, ja' chiscontrainun”, ti xchie. Ja' jc'opilal.

San Juan 13:18 Iomraidhean Croise

San Mateo 10:36

Mu yanuc bu chlictal la crontaique, tey no'ox ta yut anaic chloc'.

San Mateo 26:21

ti c'alal yolel chve'ique, ja' yech i'albatic chac li'i: —Ta melel chacalbeic, oy junoxuc ti chavaq'uicon entrucale ―x'utatic.

San Mateo 26:23

Itac'av ti Jesuse: —Ja' li much'u co'ol ta jtic' jc'ob jchi'uc ta platoe, ja' chiyac' entrucal —xi.

Marcos 14:17

Ti c'alal i'och orisyone, tey ic'otic xchi'uc slajchava'al yajchanc'optac ti Jesuse.

Marcos 14:18

Ti c'alal chololic xa'ox ta mexa ta xve'ique, ti Jesuse ja' yech iyal chac li'i: ―Ta melel chacalbeic, oy junoxuc ti li' tsobol chive'otic ta mexae ti chavaq'uicon entrucale ―x'utatic.

Marcos 14:20

Itac'av ti Jesuse: —Ja' jun ta alajchava'alic ti co'ol ta jts'aj pan jchi'uc ta pulatue.

San Lucas 22:21

Pero ti much'u chiyac' entrucale li' scajanoj sc'ob ta ba mexa uque.

San Juan 13:21

Ti c'alal laj yal chac taje, ti Jesuse i'och ta at-o'on, ja' yech lic yal ta jamal chac li'i: ―Ta melel chacalbeic, oy junoxuc ti chavaq'uicon entrucale ―X'utatic.

San Juan 13:22

Li yajchanc'optaque sq'uelq'uelbe xa sba satic yu'un mu sna'ic much'u junucal ti yech tspase.

San Juan 13:26

Itac'av ti Jesuse: —Ta jts'aj jset'uc pan, ti much'u ta xcac'bee, ja' li much'u chcale. ―Xut. Ists'aj jset' pan, ja' iyac'be ti Judas screm Simón Iscariotee.

San Juan 15:16

Mu vo'oticoxuc at'ujicon, vo'on lajt'ujic, lacac'be avabtelic ti ac'u ba satinanique, ti c'u yepal cha satinique, mu xch'ay o sc'oplal. Ja' chayac'beic o scotol ti c'usitic ta jbi chac'anbeic ti Jtote.

San Juan 15:19

Ti chopoluc to li c'usitic chapasique, lec chayilic chac c'u cha'al lec chil sbaic li stuquique. Pero vo'on la jt'ujic loq'uel tal yo' bu li crixchanoetic ti ja' no'ox tspasic li c'usitic scuenta sba balamile, yech'o ti chopol chayilique, ja' ti ma'uc xa chapasic li c'usitic chopole.

San Juan 15:25

Ti x'elan chopol chiyilique, yu'un persa chc'ot ta pasel ti c'u ono'ox x'elan ts'ibabil jc'oplal ta mantaletic yu'unique: “Yech no'ox ti chopol chiyilique.” Xi onox ts'ibabil.

San Juan 17:12

Ti c'alal li' jchi'uquique, ijq'uelic, ijchabiic ta scuenta syu'el li a bi avac'ojbone. Mi jun muc'bu ich'ay cu'un, ja' no'ox ich'ay li june ti sc'oplal onox ta ch'ayel chbate, yo' xc'ot o ta pasel ti c'u ono'ox x'elan ts'ibabil sc'oplal ta ac'ope.

San Juan 18:32

Ja' ic'ot ti yaloj ono'ox ti Jesuse, ti c'u ono'ox x'elan ta xchame.

San Juan 19:24

Ti soltaroetique, xi iyalbe sbaique: Mu ya'uc jatic li jlic li'i, tajincotic, jq'ueltic much'u chich' ―xut sbaic. Ja' ic'ot ti c'usi ts'ibabil ta sc'op Rioxe: «Ta xch'acbe sbaic li jc'u'taque, ta xtajinic, ta sq'uelic much'u junucal chich' li jnatil jc'u'e.» Xi onox. Ja yech ispasic ti soltaroetic chac taje.

San Juan 19:36

Scotol ti c'usitic ic'ot ta pasele, ja' ic'ot ti c'usitic ts'ibabil ta sc'op Rioxe: «Mi jun sbaquel mu sc'asbat.» —Xi onox.

San Juan 21:17

Ti Jesuse xi isjac'be ta yox'ech'elale―Simón, vo'ot scremot ti Juane, ¿mi ac'anojon? ―X'utat noxtoc. Ti Pedroe iyat o yo'on ti yox'ech'elal xa ijac'bate, xi istac'be ti Jesuse: —Cajval, ana'oj scotol: ana'oj ti jc'anojote, ―Xut. Itac'av ti Jesuse: —Chabibon me li jchijtaque. ―X'utat noxtoc.

San Juan 6:70

Itac'batic yu'un ti Jesuse: —¿Mi mu vo'onicon la jt'uj alajchava'alic? Pero oy junoxuc ti cuentainbil yu'un ti pucuje. ―X'utatic.