San Juan 12:42 - LEQUIL ACH' C'OP

⁴² Ac'u mi yech un, pero ep ono'ox jurioetic ixch'unic ti Jesuse, ixch'unic jayvo' jmeltsanejc'opetic uc. Pero muc bu iyalic ta jamal ti xch'unojique yu'un xi'emic o ti jfariseoetique, yu'un mu x'aq'ue ochicuc ta junuc bic'tal templo mi ivinajique.

Tzotzil Zinacantan

⁴² Acꞌu mi ep jchiꞌilticotic ti muc xchꞌunique, pero ixchꞌunic onox jlom ti jaꞌ tacbil tal yuꞌun Riox ti Jesuse. Ixchꞌunic jayvoꞌ jmeltsanejcꞌopetic uc, pero muc bu iyalic ti xchꞌunojique. Mi iyalique, mu xꞌaqꞌue ochicuc ta junuc templo.

Bible in Tzotzil de Chamula

⁴² Manchuc mi jech un, yepal israeletic c'ot ta yo'ntonic ta xch'unel ti ja' Jcoltavanej ti Jesuse. Oy jlom jpas-mantaletic c'ot ta yo'ntonic ta xch'unel xtoc. Ja'uc le' une, yo'nton no'ox sna'ic yu'un ta xi'ic mi ta xjipatic loq'uel ta ch'ulna yu'un ti fariseoetique.

Bible in Tzotzil de Chenalhó with Deuterocanon

⁴² Ac'o me ep muc xch'unic, pero oy ono'ox la xch'unic c'alal ta j'abteletic. Pero muc jamaluc xalic ta scoj li fariseoetique, yu'un ixi'ic me ta xjipatic loq'uel ta nail tsobobbail.

Tzotzil San Andres

⁴² Acꞌo mi ep li jchiꞌiltac ti muc bu la schꞌunique, pero oy jꞌoꞌlol la schꞌunic ti jaꞌ tꞌujbil yuꞌun Dios li Jesuse. Schiꞌuc oy jayvoꞌ li jꞌabteletique la schꞌunic eꞌuc. Pero muc bu iyalic ta jamal ti schꞌunojique naca me mu xꞌaqꞌueic ochicuc li ta schꞌulnaique.

Tzotzil de Huixtán

⁴² Manchuc mi muc xch'unic ep ti jchi'iltaque, oy totiletic cu'untutic laj xch'unic ti ja' Jcoltavanej ti Jesuse. Mu jamaluc laj yalic ti xch'unojique naca me tenatuc loq'uel ti templo yu'un ti xchi'iltac ti abtele.

San Juan 12:42 Iomraidhean Croise

San Mateo 10:32

»Ti much'u jamal chalic ta stojol crixchanoetic ti yich'ojicon ta muq'ue, ja' no'ox yech li vo'on uque, jamal chcalbe ti Jtot ta vinajele ti yich'ojicon ta muq'ue.

San Lucas 12:8

»Chacalbeic ava'iic, ti much'u jamal chalbe li crixchanoetique ti yich'ojon ta muq'ue, ja' no'ox yech vo'on ti Xch'amal crixchano li c'ote, jamal chcalbe ti yaj-angeltac Rioxe ti yich'ojon ta muq'ue;

San Lucas 23:13

Ti Pilatoe istsob scotol ti totil paleetique, xchi'uc ti jmeltsanejc'opetic yu'un li jurioetique, xchi'uc ti crixchanoetique.

San Lucas 6:22

»Junuc no'ox avo'onic vo'oxuc ti crontainbiloxuque, ti chanutseique, ti chopol c'usi chayalbeic li crixchanoetique, ti chopol cha ileic o ti avich'ojicon ta muc' vo'on ti xch'amal crixchano lic'ote.

San Juan 11:45

Ti jurioetique, ja' ti much'utic batem xchi'inic ti Mariae, ep much'utic ixch'unic o ti Jesuse ti c'alal iyilic ti c'usi ispase.

San Juan 12:11

yu'un ja' ta scoj ti ep crixchanoetic ixch'ac sbaic ta stojol li jurioetique, yu'un ja' ixch'unic ti Jesuse.

San Juan 16:2

Cha nutseic loq'uel ta bic'tal temploetic, ta sta yora ti much'uuc no'ox ti cha smilique, tsnop ti ja' tspasbe yabtel ti Rioxe.

San Juan 19:38

C'alal ic'ot ta pasel scotol chac taje, li José liquem tal ta Arimateae, ba sc'anbe permiso li Pilatoe mi xu' syales ta cruz ti ánima Jesuse. Ti Josee ta mucul xch'unoj ti Jesuse yu'un xi'em o li yajmeltsanejc'op ti jurioetique. Ti Pilatoe iyac' permiso ti xu' syalese, ti ac'u ba smuque. Isyales ti Josee.

San Juan 3:2

Ti Nicodemoe ay sc'opon ta ac'ubaltic ti Jesuse, ja yech iyalbe chac li'i: ―Jchanubtasvanej, jna'ojticotic ti vo'ot stacojot tal ti Rioxe ti tal achanubtasoticotique, yu'un ti much'u muc'bu chi'inbil yu'un ti Rioxe, mu xu' yu'un chac' iluc slequilal syu'elal chac c'u cha'al chapase. —Xut.

San Juan 7:13

Mi jun muc much'u jamal iyalbe sc'oplal ti Jesuse, yu'un xi'emic o ti jurioetique.

San Juan 7:31

Ep much'utic ixch'unic ti ja' ti much'u tacbil tale, ja' yech iyalic chac li'i: ―Calal xtal ti Cristoe, ¿mi más to van chac' iluc slequilal syu'elal cha c'ucha'al li vinic li'e? —Xiic.

San Juan 9:22

Ti x'elan iyal ti stot sme'e, ta sc'oj xi'el, yu'un ti jurioetique yalojic xa ti ta sloq'uesic ta templo ti much'u chal ti ja' tacbil tal yu'un Riox ti Jesuse.

San Juan 9:34

Ja' yech iyalbeic chac li'i: —Li vo'ote mu albajuc amul ti c'alal la ayane, ¿mi vo'ot chachanubtasoticotic ti avaloje? —Xutic. Ja' o isnutsic loq'uel ta c'ox templo yo bu stsobob-bailique.