San Juan 1:14 - LEQUIL ACH' C'OP

¹⁴ Li c'ope iyich' sbectal, i'ayan chac c'u cha'al vo'otic, li xchi'inotic ta naclej. Iquilbetic li slequilal syu'elal ac'bil yu'un ti Stote, ja' ti jujun xch'amale, ti toj lec sna' xc'anvane, ti ja' melele.

Tzotzil Zinacantan

¹⁴ Ti Muchꞌu iꞌaye iꞌayan chac cꞌu chaꞌal voꞌotic. Lixchiꞌinoticotic ta naclej, voꞌoticotic li juriooticotique. Iquilticotic ti toj lec yoꞌone yuꞌun jaꞌ ti junjun Xchꞌamal ti Rioxe. Jaꞌ iyacꞌ quilticotic ti scꞌanojotic tajmec ti Rioxe.

Bible in Tzotzil de Chamula

¹⁴ Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

Bible in Tzotzil de Chenalhó with Deuterocanon

¹⁴ Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

Tzotzil San Andres

¹⁴ Li Jesucristoe toj lec yoꞌon yuꞌun jaꞌ Snichꞌon li Jtotic Diose. Cꞌajomal jun Snichꞌon. A pasuc ta crixchano jech chac cꞌu chaꞌal li joꞌotique. La schiꞌinuncutic ta naclej, joꞌoncutic li jꞌisraeluncutique. Iquilcutic ti toj lec yoꞌone yuꞌun lec la scꞌuxubinuncutic, schiꞌuc melel scotol li cꞌustic laj yalbuncutique.

Tzotzil de Huixtán

¹⁴ Ti much'u tal yalbucutic c'u x'elan yo'nton ti Jtotic Diose laj yich' sbec'tal. Tal xchi'inuntutic, ho'ontutic ti yelnich'onuntutic ti Israele. Ja' ti Jesucristoe. Laj jq'ueltutic ti jelaven sp'ijile. Ja' jelaven sp'ijil yu'un ja' Snich'on ti Jtotic Diose. Jun no'ox Snich'on oy ti Jtotic Diose. Nojem ti yo'nton ti yutsil yo'ntone. Nojem ti yo'nton ti toj chc'opoje.

San Juan 1:14 Iomraidhean Croise

San Mateo 1:16

I'ayan screm ti Jacobe, José sbi. Ja' ti iyic' sba xchi'uc ti María sme' ti Cajvaltic Jesucristoe.

San Lucas 2:11

Nax i'ayan ta Belén ta slumal David jun jcoltavanej avu'unic, ja' Cristo, ja' Cajvaltic.

San Lucas 2:7

Tey i'ayan ti sba yole, isvol ta poc', ispuch'an ta yav sve'el vacax, yu'un toj noj xa istaic li na ti bu ch-aq'ue ta loq'uel li vayebale.

San Lucas 9:32

Li Pedroe xchi'uc li xchi'iltaque ac'u mi tsot chac' li vayel cha'iique, pero ivic' o satic, iyilbeic xojobal ti Jesuse xchi'uc li cha'vo' viniquetic tey xchi'uque.

San Juan 1:1

Ta sliquebale, tey xa onox li c'ope; li c'ope tey onox xchiuc ti Rioxe. Yu'un ja' onox ti Rioxe.

San Juan 11:40

Itac'bat yu'un ti Jesuse: —¡Mi muc' bu lacalbe ti mi chach'une, chavilbe slequilal syu'elal Riox? ―X'utat.

San Juan 14:6

Itac'av ti Jesuse: —Vo'on li beone, vo'on li melelone, vo'on li cuxlejalone. Ja no'ox ta jcuenta vo'on xu' chac'otic yo' bu ti Jtotic Rioxe.

San Juan 14:9

Itac'av ti Jesuse: ―Felipe, jal xa li' jchi'ucoxuque, ¿mi mu to xa vojtiquinon ya'el? Ti much'u liyil xae, co'ol xchi'uc iyil xa ti Jtotic Riox uque; ¿c'u yu'un ti chac'an cha cac'be ivil ti Jtotic Rioxe?

San Juan 17:22

Icac'be xa slequil yo'onic chac c'u cha'al lec co'on avu'une, yo' jun xa ac'u c'oticuc chac c'u cha'al junotic li vo'otique.

San Juan 17:24

»Tot, vo'ot avac'bon, ja' ta jc'an ti chi xchi'inic ta naclej yo bu chinaquie, yo' ti ac'u yilic li jlequilale, ja li jlequilal ti avac'ojbone; yu'un ac'anojon ono'ox ti c'alal mu to'ox spas li balamile.

San Juan 18:37

Yech'o un, ti Platoe xi isjac'bee: —¿Yu'un vo'ot reyot che'e? ―Xut. Itac'av ti Jesuse: —Vo'ot aval atuc: vo'on reyon. Li vo'one tal ayancon li' ta balamile, yu'un tal cal li c'usi melele. Scotol ti much'utic ja' nap'ajtic o li melele, cha'iic li c'usi chcale.

San Juan 2:11

Ti c'usi ispas Jesús ta jteclum caná ta Galileae, ja' sliqueb tey iyac' iluc ti slequilal syu'elale; li yajchanc'optaque, ixch'unic ti ja' ti Cajvaltique.

San Juan 3:16

Ti Rioxe isc'an tajmec crixchanoetic ta sba balamil, yech'o ti iyac' ti junjun Xch'amale, scotol ti much'utic ta xch'unique mu xbatic ta ch'ayel ta xcuxiic ta sbatel osil.

San Juan 3:18

»Ti much'u ta xch'un ti ja' chtojbat smul yu'un li xch'amal Rioxe, mu xba stoj smul; yan ti much'u mu xch'une, jmoj sc'oplal chbat yich' castico, ja' ti mu xch'un ti ja' yaj coltavanej ti junjun xch'amal ti Rioxe.

San Juan 6:51

Vo'on panon ti cuxule, ti yalem tal ta vinajele; ti much'u ta sve'e, chcuxi ta sbatel osil. Li pan ti chcaq'ue ja' li jbec'tal jtacupal jtuque. Ta xcac' ta scuenta scuxlejal li crixchanoetic li' ta sba balamile.» ―X'utatic yu'un ti Jesuse.

San Juan 8:32

Chavojtiquinic li c'usi melele, li c'usi melele chaloq'uic o ta mozoil ―x'utatic.