Nyɛnambɔnɛna nyɛ́ bɛsana 8:3 - Nomaande

³ Aáná elilé yé etémbí ŋaá faaya, yɛ́ ŋga tálɛ́mɛ́na hoóhi ne nyiluli bitúké. Yɛ́ ŋaá bá tímbie ɔ ɔɔbɔ́ ondúlé a wɔ́maákánɔ́ ne kóolo. Bé ŋeé yiíyi iínjie ɔsɔŋɔ yeéŋí yí enumbé o onyemikinyi Bandɔ́mɛsɛ́ e nyindúmé nyí nyiluli bitúké nyí kóolo ; yé luliki tɔ́na hɔ́á ɛbɛ́cɔ́kɔ́lɛ́na cɛ́ baacɔ e befúúménénú bá Bandɔ́mɛsɛ́ bekime. Nyindúmé eényí áŋa eé buúse bɔ́ nɔkɔná.

Nyɛnambɔnɛna nyɛ́ bɛsana 8:3 Iomraidhean Croise

Lúkas 1:10

Ekúlú ayɛ́ bá náŋa bé lúliki bɔɔlɔ, nyɛkɔca nyɛ́ baacɔ nyikime bɛ́cɔ́kɔ́lɔ́kɛ́na Bandɔ́mɛsɛ́ a nɔháatɛ́.

Lóom 8:34

Aányɛ́ wáŋa wu o beébe bɔsɔnɛna nyɛkua e ? Ta ɔɔcɔ. Yááŋa anyía Yésus *Kilís wuúci bɛ́muátá u ŋeé wé ; mbá ɔ ɔhɔla owé, u ŋaá háanyua e biwéewé. Wáŋa limine a aháŋá yɛ́ ɔɔbɔ́ ú manɔ́mɛ ú Bandɔ́mɛsɛ́, u bɛ́cɔ́kɔ́lɔ́kɛ́na a yáásɔ́ asana.

Ebélé 7:25

Híáná tɔ́na, wáŋa na makɛ́nda me onohi baacɔ ekúlú ɔ́mɔtɛ́ e bikúlú bikime, beébe bé ŋe bú bíkósíti ná Bandɔ́mɛsɛ́ a ciayɛ́ elime ; ananyía wáŋa wɔɔ́sɔ ekúlú ekime, u naŋa wá bɛ́cɔ́kɔ́lɔ́kɛ́na Bandɔ́mɛsɛ́ eebú eé buúse.

Ebélé 9:4

hɔ́á bá ŋa bɔ́ háya nyiluli nyiínjie nyɛtábɔ́nákánɔ́ ne kóolo. Bá ŋaá bá bé lúliki bɛnyɛ́ma e bí ŋe númbe bɔmbányɛ hɔ́á. Bá ŋá háya tɔ́na hikóló, bé meé hiíhi feefiki ne kóolo haála hekime ; bé hiíhi lɔ́ŋɔ́kɔ anyía *hikóló hɛ́ nyɛlata nyí bumbénú. Hikóló eéhí ŋaá bá ne ondúlé noómi ofeefíkínyi tɔ́na ne kóolo, bá ŋaá háya bɛnyɛ́ma bɛ́ ɔnyíá abɛ́ bɔ́ ŋɔ lɔ́ŋɔ́ anyía « máana ». Otúmbe ú *Aálɔn awɔ́ tuányɛ ŋeé kúndíéké ŋaá bá tɔ́na e hikóló noómi na bɛsalɛ bɛ́ andányɛ́ bífendí abɛ́ Bandɔ́mɛsɛ́ ŋɔ yɔɔ́ŋɔ́kɔ́ bikotí hɔ́á.

Nyɛnambɔnɛna nyɛ́ bɛsana 10:1

E elime eécí, ɛ ŋá lɛcá akɛndákɛ́nda yí *elilé yɛ́ bɔsɔ́ma, yí é húlúkúne ɔ Ɔmuaná. Yɛ́ ŋaá bá aláŋábánɔ́ ɔlɔndɔ́ aá cɛɛ́tɔ ; ciama ma ɔbɔŋɔlɛna yááyɛ́ aatɔ́, búáyɛ́ buúse nɔ́maka háyɛ ɔɔ́cɔ́, cíáyɛ́ akɔlɔ́ lɛ́cakana háyɛ tukúse a tucíákánɔ́ ne iicé.

Nyɛnambɔnɛna nyɛ́ bɛsana 14:18

Elilé yɛ́ bɔsɔ́ma yí etémbí a yɛ́mɔtɛ́ ŋaá fááya, yí húlúkúne a maabána me nyindúmé nyí nyiluli nyiínjie ; yiíyi na makɛ́nda me otéŋgínyi oocó. Yɛ́ ŋaá laána sɔ́ɔ́kɔ́ awɔ́ u ŋaá bá na ɔhána okelú ɔ ɔmuaná yɛ́sɛ : « Hiíte úúwe ɔhána, sɔ́mbáka ecúkúle cá bɛnyɛ́ma bí esíéné bɛ́ ɔmɛsɛ́, anyía bíábɔ́ bɛtámá mɔ yɔ́ɔ́nɔ́kɛ́na. »

Nyɛnambɔnɛna nyɛ́ bɛsana 5:8

Ɛ́makɛ́la wéé nuúnu hiíte, na bɛnyɛ́ma bínyíse eébí na baáŋá nyitíne ne bényíse eébé ŋé wuúci túméke eŋéndu ; hú naányɛ́ eé beébe ŋaá bá na na nɔlɔ́ŋɔ́ ɔ ɔɔbɔ́ ne tundeŋé tú kóolo atɔ́ túáŋa na ɔsɔŋɔ yí enumbé onyíóyónó, yiíyi yɛ́áŋa ɛbɛ́cɔ́kɔ́lɛ́na cí belumitinine.

Nyɛnambɔnɛna nyɛ́ bɛsana 6:9

Ekúlú ayɛ́ Ɔɔ́nɔ́ u Ɛtɔ́mbá ŋaá bácáka bubílícínyínyí bú bibílícínyínyí bɛ́táánɔ, ɛ ŋá lɛcá ɛ ɛmbana ci nyindúmé nyí nyiluli bitúké tɔtányɛ́ tɔ́ baacɔ abá bɔ́ ŋɔ yɔ́ɔ́nɔ́kɔ́ na a asana na nyíábɔ́ nyibíínjie a Bɛsana bɛ́ Bandɔ́mɛsɛ́, na a asana ayɛ́ bá ŋa bɔ́ hákɛ́nɛ́na Yésus ɛmbasɔ́.

Nyɛnambɔnɛna nyɛ́ bɛsana 7:2

Aáná ɛ ŋa mɛ́ lɛcá tɔ́na *elilé yɛ́ bɔsɔ́ma a yɛ́mɔtɛ́, yí húlúkúne a aháŋá yɛ́ nyɛháma nyɛ́ ɔɔ́cɔ́ ; yí me tímbie ebílícínyínyí yɛ́ Bandɔ́mɛsɛ́ a wɔɔ́sɔ ɔ ɔɔbɔ́. Yɛ́ ŋɔ́ lɔ́ŋɔ́kɔ bililé bɛ́ masɔ́ma bí etémbí bínyíse abɛ́ Bandɔ́mɛsɛ́ ŋe yiínjíékíne makɛ́nda ma ɔcaŋgɛna na ɔmɛsɛ́ na nuɔmɔ́ nɔ́ makɛ́lɛ́. Yí ŋe biíbi laana yɛ́sɛ :

Nyɛnambɔnɛna nyɛ́ bɛsana 8:4

Cióyo cɛ ɔsɔŋɔ a yɛ́ ŋaá bá yá lɔ́láka ŋaá bá ciá hámɔ́kɔ́na ɔ ɔɔbɔ́ ú *elilé yɛ́ bɔsɔ́ma eé buúse bɔ́ Bandɔ́mɛsɛ́, cɛ́ báátáka ɛ ɛŋɔ́lɔ́muaná ɔlɔŋɔ na ɛbɛ́cɔ́kɔ́lɛ́na cí befúúménénú.

Nyɛnambɔnɛna nyɛ́ bɛsana 8:5

Aáná elilé yɛ́ bɔsɔ́ma ŋeé hiíte bululínyí bɔ́ ɔsɔŋɔ, yí ŋó nyíóyísi ne oocó ú nyindúmé nyí nyiluli bitúké, yɛ́ ŋá aahɛ́na ɔ ɔmɛsɛ́. Aáná ɛmalamanda ŋaá bɛ́átábɔ́tɔ́ná, hiyúkúyúkú hí ikelú ŋaá lɔ́kɔ́mána, ɛmanyɛmanyɛ manyɛmaka, ɔmɛsɛ́ yó bínyíékinyi na makɛ́nda.

Nyɛnambɔnɛna nyɛ́ bɛsana 9:13

E elime eécí, elilé yɛ́ bɔsɔ́ma yí bililé bítíndétú ŋá bɛ́lɛ́ta cíáyɛ́ ɛsɛ́bɛ́. Ɛ ŋá lɔ́kɔ́ma okelú é húlúkúne ɛ ɛndɔ́ŋɔ ínyíse cí nyiluli bitúké nyí kóolo ; nyiínyi nyɛ́áŋa eé buúse bɔ́ Bandɔ́mɛsɛ́.