Nyɛnambɔnɛna nyɛ́ bɛsana 7:9 - Nomaande

⁹ E elime eécí, ɛ ŋa háná ámɛ́ lɛca yaandándá yɛ́ bɔnɔnja bɔ́ baacɔ, baacɔ beéŋí a nyɛnamá anyɛ́ ta ɔɔcɔ tɛ ɔ́mɔɔ́ bá na makɛ́nda ma ɔfanaka. Bé ŋe bú húlúkúne na ɔ mɔnɔŋɔ mekime, na a tɔnyɛ́nɔ́ tukime, ne e ekúli ekime, na ɛ ɛtáŋa ikime. Bá ŋa bɔ́ tálɛ́mákɛ́na eé buúse na bɔ́ nɔkɔná na bɔ́ Ɔɔ́nɔ́ u Ɛtɔ́mbá. Bekime ŋa bɔ́ bá balaŋábákánɔ́ kaba e cifúlúndúndúé, bekime meé tímbíéke bɛcala a aabá bí o wuúci nyemikinyi.

Nyɛnambɔnɛna nyɛ́ bɛsana 7:9 Iomraidhean Croise

Lúkas 12:1

Ekúlú eéyé, akɔca cá baacɔ ŋaá bɛ́bándákáná ceéŋí, nyɛtákɛ́na nyɛ́ ɔkɔlɔ́ tɛ́ka. Yésus ŋá cáŋa laana bááyɛ́ *baákɔ́nɛ́na ɔsɛ : « Énu bíkékényíki ne munéŋéne mɔ́ *Bafalisiɛ́ŋ, muáŋa háyɛ enutisi oŋuŋe.

Lúkas 21:36

Nɔtɛ hɛ́táka hiiné, ánɔ bɛ́cɔ́kɔ́lɔ́kɛ́na Bandɔ́mɛsɛ́ bikúlú bikime, aáná nu ká nɔ́ bá na makɛ́nda me oweéhínyínyi bɛsana eébí bikime a bɛ́ á nyɛmána bɛ́ ɔbɛ́kɛ́láka, mbá nu bá bɛtálɛ́mánánɔ́ bɛ́ baacɔ eé buúse bɔ́ Ɔɔ́nɔ́ u ɔɔcɔ. »

Sáaŋ 12:13

Aáná bá ŋá bɔ́ sɔ́mbáka bɛcala, bé ŋé wuúci káha ne obíléne o ohónyí, bá kɔ́ɔnaka okelú ɔ ɔmuaná báyɛ : « *Hɔsáána ! Bandɔ́mɛsɛ́ á sayábɛ́na ooci awɔ́ u ŋa fáaya eé nyiínyi nyí Otéŋí a Waáŋá, Otéŋí u Islayɛ́l ! »

Lóom 11:25

Banɔ́ báámɛ benyíinyí, ɛ ŋa mɛ́ aamba anyía núénú menyi asana yí indiitie eeye, anyía nu ti bíkéti anyía nua nɔ́ŋa ne injiŋé ciéŋí ɔ ɔhɔla : Yááŋa anyía baacɔ ɔ bɔ́mɔtɛ́ bé *Islayɛ́l ká bɔ́ cɔ́cɔbaka ne buúse ɔ ɔkɛlɛna Bandɔ́mɛsɛ́ aatɔ́ ɔnata ɔ ɔkɔɔ́háma ekúlú ayɛ́ baacɔ bá mɔnɔŋɔ me etémbí bekime ké bú lúmitekinine.

Ɛfɛ́ɛsɛ 6:13

Yaátɛ́ asana, énu hiitéke aná meléfényí mekime amá Bandɔ́mɛsɛ́ ŋaá banɔ́ iínjíékíne ; aáná nu ká nɔ́ bá na makɛ́nda ma ɔtámba *Sátan ɛ ɛcálɛ ekúlú ayɛ́ buɔ́sɛ́ a bɔɔbɛ́ ká kaá háma, núo weéhínyínyi ɔnua ɛcálɛ eécí, nuɔ yákáka Sátan ɔ ɔkɔɔ́háma a nyɛmana, banɔ́ hú ɛndánáka.

Ebélé 11:12

Híáná a manɔ́ŋɔ́ mɔ ɔɔcɔ ɔmɔtɛ́, ɛ́cɛ Abɛ́laham, awɔ́ u ŋaá bá wa yáaŋa olunénú hoóhi ne owé, baáná beéŋí ŋe bú bíbíénéké, bó tékéke háyɛ ne tunjoti tɔ́ ɛŋɔ́lɔ́muaná na ɔsɛ́bɛ́á ú nuɔmɔ́ abɛ́ bá tɛ á bá bá ɔfanaka.

Ebélé 12:22

Mbá, banɔ́, nú me nú bíkósíti ná nɔkɔndɔ anɔ́ bɔ́ ŋɔɔ́ lɔ́ŋɔ anyía Síyon, bunɔŋɔ abɔ́ Bandɔ́mɛsɛ́ a wáŋa wɔɔ́sɔ áŋa hɔ́á, *Yelúsalɛm cɛ Ɔmuaná. Hɔ́á *bililé bɛ́ masɔ́ma bɛ́ Bandɔ́mɛsɛ́ maá bɛ́bándákána hú mbiɔ́kɛ.

Nyɛnambɔnɛna nyɛ́ bɛsana 11:15

Aáná *elilé yɛ́ bɔsɔ́ma yí bililé bítíndétú nɔ́mɔ ŋaá bɛ́lɛ́tá cíáyɛ́ ɛsɛ́bɛ́. Bá ŋa lɔ́kɔ́máka bɛandándá bí ikelú bí húlúkúne ɔ Ɔmuaná, bɛ́ kɔɔnaka bɛ́sɛ : « Butéŋí bɔ́ ɔmɛsɛ́ eebu a yáaŋa aámbáya a aabá cí ne Otéŋí a Waáŋá na ca ciayɛ́ *Mesíi. U kéé téŋgínyi e bikúlú bikime. »

Nyɛnambɔnɛna nyɛ́ bɛsana 22:3

Nyɛlɔmɔ nyikime tɛ káá bá buúse bukime a bálɛ́ka eécí noómi. Nɔkɔná nɔ́ na Bandɔ́mɛsɛ́ na Ɔɔ́nɔ́ u Ɛtɔ́mbá káá bá hɔ́á aáná, bɔnyiɔnɔ bá Bandɔ́mɛsɛ́ ké bú wuúci nyemiki ;

Nyɛnambɔnɛna nyɛ́ bɛsana 3:18

Yaátɛ́ asana i ŋe mí o lébe anyía faáya kɔ ɔɔ́ndɔ́ náámɛ kóolo ecí oocó me fúúmínyi ; aáná ɔ kɔ́ɔ́ bá taaká cɛ ɛnɔ́mɛ cɛ ɔɔcɔ. Kɔ́ ɔɔ́ndɔ́ tɔ́na bɛlaŋa e bifúlúndúndúé, biíbi laŋába aá cɛɛ́tɔ anyía a tɛ háná lɔ́kɔ́ma aatɔ́ ɔlama e úúwu onuti etémbí. Kɔ́ ɔɔ́ndɔ́ tɔ́na bɔkanyɛ́ bú obícébíkínyi e eése anyía ɔ háná ɔ lɛcakana.

Nyɛnambɔnɛna nyɛ́ bɛsana 4:4

Tɔkɔná tú etémbí nyitíne ne túnyíse ŋaa bá bɔŋɔlɛna nɔkɔná nú buúse eénú ; *baáŋá nyitíne ne bényíse ŋa bɔ́ bá limekine hɔ́á. Bá ma laŋábaka bɛlaŋa e bifúlúndúndúé, beébe baháyánɔ́ bɛtamba bí butéŋí bí kóolo.

Nyɛnambɔnɛna nyɛ́ bɛsana 5:11

Ɛ ŋa mɛ́ lɛcá tɔ́na míɔ lɔ́kɔ́máka ikelú cɛ́ bɔnɔnja bú *bililé bɛ́ masɔ́ma bɛ́ Bandɔ́mɛsɛ́ ; bɛ́ ŋaá bá tɔ́sɛ́na, tɔ́sɛ́na biéŋíníŋíni tɛ́ka ne ohónyí wú ɔfanaka. Bɛ́ ŋɔɔ́ bɔ́ŋɔ́lɛna na nɔkɔná, na bɛnyɛ́ma bínyíse e bí ŋe bínyíényi na baáŋá nyitíne ne bényíse.

Nyɛnambɔnɛna nyɛ́ bɛsana 5:9

Bá hákɛ́nɛ́na Ɔɔ́nɔ́ u Ɛtɔ́mbá yɔɔ́sɔɔ́sɔ yɛ́ buŋana, báyɛ : « Kuɔŋɔ́, ɔ́ɔ nyɛmana ne wu ohiiteke na wu ɔbácáka bibílícínyínyí ananyía bɔ́ ŋɔ yɔ́ɔ wɔ́ɔ́nɔ, uúwe owé yɔ́ háŋɔ́nákɛ́na Bandɔ́mɛsɛ́ baacɔ na bá tɔnyɛ́nɔ́ tukime, na bá ɛtáŋa ikime, ne bé ekúli ekime, na bá mɔnɔŋɔ ma baacɔ mekime.

Nyɛnambɔnɛna nyɛ́ bɛsana 6:11

Aáná bá ŋa láŋáka baacɔ eébé bekime kaba e cifúlúndúndúé, bé ŋe beébe laana báyɛ : « Énu eéhínyínyi, ánɔ tátɛ́ta butíkítíki anyía ɔmbana ú baacɔ á nyɛmána. Yááŋa anyía bá ŋa nyɛmána bá ɔ cáŋa ɔɔ́nɔ́kɔ na báánɔ́ benyíinyí bé olumitinine na bíámɛ bikendinyi bí buólí háyɛ bá ŋaá banɔ́ ɔ́ɔ́nɔ́kɔ́. »

Nyɛnambɔnɛna nyɛ́ bɛsana 7:8

a hɛnyɛ́nɔ́ hɛ́ Sabulɔŋ baacɔ tɔ́sɛ́na cíɔ́hátá ne ífendí ; a hɛnyɛ́nɔ́ hɛ́ Yɔ́sɛb baacɔ tɔ́sɛ́na cíɔ́hátá ne ífendí ; a hɛnyɛ́nɔ́ hɛ́ *Bɛnsamɛ́ŋ baacɔ e bebílícínyínyí tɔ́sɛ́na cíɔ́hátá ne ífendí.