Nyɛnambɔnɛna nyɛ́ bɛsana 7:3 - Nomaande

³ « Nɔtɛ cáŋa caŋɛna ɔmɛsɛ́, ta nuɔmɔ́ nɔ́ makɛ́lɛ́, mbá ta maatɛ́ aámbáya. Ánɔ táta túésu bílícínyínyi tɔbɔlɔ tɔ́ bɔnyiɔnɔ bá cíásɔ́ Bandɔ́mɛsɛ́. »

Nyɛnambɔnɛna nyɛ́ bɛsana 7:3 Iomraidhean Croise

Matío 24:22

Mbɔ́kɔ Bandɔ́mɛsɛ́ tɛ́ á sɔ́mba mekúti mɔɔ́sɛ́ etéemé, keyé ta ɔɔcɔ ɔmɔtɛ́ tɛ ɔ́mɔɔ́ bá wu ɔnɔhɔ. Mbá u ŋaá sɔ́mba mekúti mɔɔ́sɛ́ eémé a asana na bááyɛ́ baacɔ abá u ŋɔ lɔ́tɔ́kɔ.

Matío 24:31

Yaandándá yɛ́ ɛsɛ́bɛ́ káá bɛ́átábɔ́tɔ́na, Ɔɔ́nɔ́ u ɔɔcɔ yɔ́ tɔ́mɔ́kɔ́na bíáyɛ́ *bililé bɛ́ masɔ́ma e *tubéŋú túnyíse tɔ́ ɔmɛsɛ́ ɔ ɔkɔɔ́bánda bááyɛ́ baacɔ ɔ bɔlɔtɔ́kɔ́nɔ́, bé húlúkúne e tubéŋú tukime tɔ́ ɔmɛsɛ́. »

Sáaŋ 12:26

Mbɔ́kɔ ɔɔcɔ ŋaá yáamba ɔ mɛ nyiɔnɔ, wá mɛ látáka ; haála ahá ya mɛ́ŋa, hɔ́á tɔ́na muamɛ munyiɔnɔ káá bá. Mbɔ́kɔ ɔɔcɔ ŋaá mɛ́ nyiɔnɔ, ciamɛ Síkíne kéé wuúci lémbíki.

Sáaŋ 3:33

Ɔɔcɔ ewú u ŋe lumitine ciayɛ́ ɛmbasɔ́ ŋo tóŋínyi anyía Bandɔ́mɛsɛ́ áŋa taaká.

Lóom 6:22

Mbá aámbáya Bandɔ́mɛsɛ́ ma banɔ́ kátɔ́náka a buɔ́lɛ́ bɔ́ nyɛkɛla nyɛ́ bɛɛbɛ́ bɛ́ bɛsana ; nua nuáŋa bɛɔ́lɛ́ bɛ́ Bandɔ́mɛsɛ́. Bíánɔ́ bɛnamá áŋa olíhéke efúúménénú yí olíhe, nyibíóndísínyi áŋa ɔbɔ́ŋɔ yɔɔ́sɔɔ́sɔ yí olíhe yí ekúlú ekime.

Nyɛnambɔnɛna nyɛ́ bɛsana 13:16

Ci ŋe yeékíkínyi baacɔ bekime : Na banásɛ́ na *baáŋá, na ɛnɔ́mɛ cɛ́ baacɔ na basɔ́kásɔ́ka, na bɛɔ́lɛ́ na baacɔ a bá tɛ abɔ́ bá bɛɔ́lɛ́, anyía bé beébe bílícíkínyínyi ɔ ɔɔbɔ́ ú manɔ́mɛ ta anyía a nɔbɔlɔ.

Nyɛnambɔnɛna nyɛ́ bɛsana 13:17

Ɔɔcɔ okime awɔ́ u tɛ ɔ́mɔɔ́ bá obílícínyínyi tɛ ɔ́mɔɔ́ bá na makɛ́nda ta ma ɔwɔɔ́ndɔ bɔkɔ, mbá ta me otúéne ɔɔcɔ bɔkɔ. Hibílícínyínyí eéhí áŋa nyiínyi nyɛ́ múálá eémú, ta anyía ɔmbana ú nyíáyɛ́ nyiínyi.

Nyɛnambɔnɛna nyɛ́ bɛsana 14:1

Ekúlú ayɛ́ ɛ ŋa háná émi bísíémúkúnyi, ɛ ŋa mɛ́ lɛca Ɔɔ́nɔ́ u Ɛtɔ́mbá, ú ma tálɛ́mɛ́na a nɔkɔndɔ nú Síyon ɔ ɔmuaná. U ŋaá bá ɔlɔŋɔ na baacɔ tɔ́sɛ́na etíne étíndétú nɔ́mɔ ne imbuke ínyíse cɛ́ tɔ́sɛ́na. Baacɔ eébé ŋaá bá bebílícíkínyínyí a tɔbɔlɔ na nyíáyɛ́ nyiínyi, na nyɛ́ ciayɛ́ Síkíne.

Nyɛnambɔnɛna nyɛ́ bɛsana 14:9

Aáná elilé yɛ́ bɛ́tátɔ́ ŋaá faáya e elime ci bililé bí buúse bífendí eébí ; yɛ́ kɔɔ́naka okelú ɔ ɔmuaná yɛ́sɛ : « Oo ! Ɔɔcɔ okime ewú u kéé nyémiki na múálá ne hííyé hibílícínyínyí, mbá u lumitine anyía bé wuúci bílícínyínyi a nɔbɔlɔ ta anyía ɔ ɔɔbɔ́,

Nyɛnambɔnɛna nyɛ́ bɛsana 19:2

Nyíáyɛ́ nyɛbɔsɔna nyɛ́ bɛsana áŋa taaká, nyiínyi nyɛtálɛ́mánánɔ́, anyía wáŋa ɔbɔsɔ́nánɔ́ asana yɛ́ yaandándá yí okendí u oónjú eéyé a yɛ́ ŋaá cáŋgɛ́na baacɔ bekime bá ɔmɛsɛ́ na cááyɛ́ ɛnjɔkɔ́nɔ́nɔ. Bandɔ́mɛsɛ́ mé wuúci bɔ́nɔ́sɛa aná anyía u ŋɔ yɔɔ́nɔ́kɔ bááyɛ́ bɔnyiɔnɔ. »

Nyɛnambɔnɛna nyɛ́ bɛsana 20:4

E elime eécí, ɛ ŋá lɛcá tɔkɔná. Baacɔ a bá ŋa bɔ́ bá limekine hɔ́á, bé ŋeé beébe iínjíékíne makɛ́nda me okélísíki baacɔ. Míɔ lɛcá tɔ́na tɔtányɛ́ tɔ́ baacɔ abá bá ŋaá cáláká bɛɛtɔ́ a asana na nyíábɔ́ nyibíínjie, bó lumitekinine Bɛsana bɛ́ Bandɔ́mɛsɛ́, na a asana yɛ́ taaká ecí Yésus ŋaá námbɔ́nákɛ́na baacɔ. Beébe eébé bó ti ómo bú nyemi múálá, ta ɔbɔ́kɔ́bɔ́kɔ yí hííyé hibílícínyínyí ; baacɔ te o beébe bílícínyínyi ta tɔbɔlɔ mbá ta aabá. Bá ŋa bɔ́ háányuaka e biwéewé, Bandɔ́mɛsɛ́ yó beébe iínjíékíne makɛ́nda me otéŋgínyi baacɔ ɔlɔŋɔ ne *Kilís a tuɔŋɔ tɔ́sɛ́na ɛ́mɔtɛ́.

Nyɛnambɔnɛna nyɛ́ bɛsana 22:4

bá lɛcaka búáyɛ́ buúse. Bé kéé beébe ɔɔ́ŋɔ́kɔ nyíáyɛ́ nyiínyi a tɔbɔlɔ.

Nyɛnambɔnɛna nyɛ́ bɛsana 6:6

Ɛ ŋá lɔ́kɔ́ma okelú, ú hɔ́áka okelú ú ɔɔcɔ, ú húlúkúne ɛ ɛkatɛ́katɛ́ cɛ bɛnyɛ́ma bínyíse e bí ŋe bínyíényi, ú kɔɔnaka ɔ́sɛ : « Hú híkétínyí hɛ́mɔtɛ́ hí iŋeŋé a bɛnamá bɛ́ buɔ́sɛ́ bukimekime bú buólí, ta anyía hú túkétínyi tɔ́tátɔ́ tú ɛmbásɛ́kɛ a bɛnamá bɛ́ buɔ́sɛ́ bukimekime bú buólí. A asana na ɔsɔŋɔ ne meluku, eti biíbi bítíse anyía mecíli áŋa hɔ́á. »

Nyɛnambɔnɛna nyɛ́ bɛsana 7:1

E elime eécí, ɛ ŋa mɛ́ lɛcá *bililé bɛ́ masɔ́ma bɛ́ Bandɔ́mɛsɛ́ bínyíse. Bɛ́ ŋaá bá tálɛ́mákɛ́na e *tubéŋú túnyíse tú ɔmɛsɛ́. Bí moó kótíki bihúne bínyíse ohúníne ta ɔmɛsɛ́, ta nuɔmɔ́ nɔ́ makɛ́lɛ́, mbá ta maatɛ́.

Nyɛnambɔnɛna nyɛ́ bɛsana 7:2

Aáná ɛ ŋa mɛ́ lɛcá tɔ́na *elilé yɛ́ bɔsɔ́ma a yɛ́mɔtɛ́, yí húlúkúne a aháŋá yɛ́ nyɛháma nyɛ́ ɔɔ́cɔ́ ; yí me tímbie ebílícínyínyí yɛ́ Bandɔ́mɛsɛ́ a wɔɔ́sɔ ɔ ɔɔbɔ́. Yɛ́ ŋɔ́ lɔ́ŋɔ́kɔ bililé bɛ́ masɔ́ma bí etémbí bínyíse abɛ́ Bandɔ́mɛsɛ́ ŋe yiínjíékíne makɛ́nda ma ɔcaŋgɛna na ɔmɛsɛ́ na nuɔmɔ́ nɔ́ makɛ́lɛ́. Yí ŋe biíbi laana yɛ́sɛ :

Nyɛnambɔnɛna nyɛ́ bɛsana 9:4

Bá ŋa laákɛ́na bɛtandá eébí báyɛ bɛ́ tɛ cáŋɛna te ehuti ɔ́mɔtɛ́, ta bɔɔtɛ́ bɔ́mɔtɛ́, mbá ta yɔɔ́nɔ́kɔ yé etémbí. Mbá bɛ́ á nɔ́maka bɔ́ nɔ́maka hú baacɔ a bá tɛ ábɔ́ bá bebílícíkínyínyí a tɔbɔlɔ ne hibílícínyínyí hɛ́ Bandɔ́mɛsɛ́.