Nyɛnambɔnɛna nyɛ́ bɛsana 7:2 - Nomaande

² Aáná ɛ ŋa mɛ́ lɛcá tɔ́na *elilé yɛ́ bɔsɔ́ma a yɛ́mɔtɛ́, yí húlúkúne a aháŋá yɛ́ nyɛháma nyɛ́ ɔɔ́cɔ́ ; yí me tímbie ebílícínyínyí yɛ́ Bandɔ́mɛsɛ́ a wɔɔ́sɔ ɔ ɔɔbɔ́. Yɛ́ ŋɔ́ lɔ́ŋɔ́kɔ bililé bɛ́ masɔ́ma bí etémbí bínyíse abɛ́ Bandɔ́mɛsɛ́ ŋe yiínjíékíne makɛ́nda ma ɔcaŋgɛna na ɔmɛsɛ́ na nuɔmɔ́ nɔ́ makɛ́lɛ́. Yí ŋe biíbi laana yɛ́sɛ :

Nyɛnambɔnɛna nyɛ́ bɛsana 7:2 Iomraidhean Croise

Matío 16:16

Mbá Símon Bíel ɔsɛ : « Ɔ ɔ́ŋa *Mesíi, Ɔɔ́nɔ́ u Bandɔ́mɛsɛ́ a wáŋa wɔɔ́sɔ. »

Matío 26:63

Mbá Yésus ŋeé lésíkínyi hú mbuumu. Mutéŋínyi beluli nyiínjie a muáŋá ŋé wuúci bícónyi ɔsɛ : « Ɛ ŋɔ mɛ́ ɔ laána eé nyiínyi nyɛ́ Bandɔ́mɛsɛ́ a wáŋa wɔɔ́sɔ anyía, basɔ́ bɛ́káma aámbáya “Ɛ́ɛ”, ta anyía “Eéʼeé” : Ɔ ɔ́ŋa *Mesíi, Ɔɔ́nɔ́ u Bandɔ́mɛsɛ́ e ? »

Sáaŋ 6:27

Nuti bíínjíékíne e buólí bɔ́ bɛnyɛ́ma bɛ́ ɔnyíá a bɛ́ ŋa cáŋɛa, mbá énu bíínjíékíne e buólí bɔ́ bɛnyɛ́ma bɛ́ ɔnyíá e bí ŋé líhe ɔ ɔkɔɔ́háma ɔ yɔɔ́sɔɔ́sɔ yí olíhe yí ekúlú ekime. Yaŋɔ́ Ɔɔ́nɔ́ u ɔɔcɔ, ɛ ká mɛ́ banɔ́ íínjíékíne biátɛ́ bɛnyɛ́ma bɛ́ ɔnyíá anyía Síkíne Bandɔ́mɛsɛ́ áŋa o mi bílícínyínyi na mááyɛ́ makɛ́nda. »

2 Kɔlɛ́ɛntɛ 1:22

U ŋa háná a basɔ́ bílícíkínyínyi na búáyɛ́ bubílícínyínyí, yɔ́ basɔ́ iínjie yááyɛ́ Elilé e cíísú ɛtɛ́má noómi o otóŋínyi anyía tua sɔ́ŋa bááyɛ́ baacɔ ; yiíyi yí ŋo tóŋínyi anyía u káá basɔ́ iínjíékíne tɔ́na bɛnyɛ́ma bí etémbí abɛ́ u ŋa basɔ́ batɛ́ákɛ́nɛ́na.

Ɛfɛ́ɛsɛ 1:13

Banɔ́ tɔ́na, ekúlú ayɛ́ nu ŋa nɔ́ lɔ́kɔ́máká taaká cɛ ɔtáŋa, wuúci wáŋa Ambányɛ yɛ́ Ɛsɔ́ma a yɛ́ ŋaá banɔ́ nóhi, nu ŋa nɔ́ hákɛ́ná mɔŋɔlɛ́ né Kilís. Aáná Bandɔ́mɛsɛ́ ŋaá banɔ́ háyá hííyé hibílícínyínyí hɛ́ bɛ́muátá ; híáŋa *Efúúménénú yí Elilé ayɛ́ u ŋaá banɔ́ bɛ́tánɛ́ná o otóŋínyi anyía nua nɔ́ŋa bááyɛ́.

Ɛfɛ́ɛsɛ 4:30

Nuti líŋísíki *Efúúménénú yí Elilé ; yiíyi yááŋa hibílícínyínyí ahɛ́ Bandɔ́mɛsɛ́ ŋaá banɔ́ háyá o otóŋínyi anyía nua nɔ́ŋa bááyɛ́ ; hibílícínyínyí eéhí áŋa afacɛ́ e yí ŋo tóŋínyi anyía Bandɔ́mɛsɛ́ káá banɔ́ háŋɔ́náka buúse bukime a bɔɔbɛ́ e ekúlú a yɛnyɛmánánɔ́.

1 Tɛsaloníke 1:9

Beébe bɛ́muátá bekime ŋe bú bíkétíkínyi baacɔ na anyána nu ŋa nɔ́ basɔ́ káha, ekúlú ayɛ́ tu ŋga sɔ́ háma náánɔ́ na anyána nu ŋe nú kínéke onyemi bɛbɔ́kɔ́bɔ́kɔ, núɔ bɛ́kɔ́ŋɔ́nákɛ́na ɛtɛ́má o onyemi taaká cɛ Bandɔ́mɛsɛ́ a wáŋa wɔɔ́sɔ.

2 Timoté 2:19

Mbá ta híáná, bɛsana bɛ́ Bandɔ́mɛsɛ́ áŋa taaká, bɛ́ tɛ ŋá bɛ́nyɔkɔtɔna ; bíáŋa háyɛ tukúse tú ciíbe e tú ti ŋé bínyíényi. Bɔ́ ŋɔ yɔ́ɔ́ŋɔ́kɔ́ e tukúse eétú, báyɛ : « Otéŋí a Waáŋá ŋeé menyi bááyɛ́ baacɔ ». Bɔ́ háná ɔ́ɔ́ŋɔ́kɔ báyɛ : « Ɔɔcɔ okime awɔ́ u ŋa kɔɔna anyía wáŋa ɔɔcɔ u Otéŋí a Waáŋá, wa aáŋíá ɔkɔlɔ́ ɔ ɔkɛla bɔɔbɛ́ ».

Ebélé 12:22

Mbá, banɔ́, nú me nú bíkósíti ná nɔkɔndɔ anɔ́ bɔ́ ŋɔɔ́ lɔ́ŋɔ anyía Síyon, bunɔŋɔ abɔ́ Bandɔ́mɛsɛ́ a wáŋa wɔɔ́sɔ áŋa hɔ́á, *Yelúsalɛm cɛ Ɔmuaná. Hɔ́á *bililé bɛ́ masɔ́ma bɛ́ Bandɔ́mɛsɛ́ maá bɛ́bándákána hú mbiɔ́kɛ.

Nyɛnambɔnɛna nyɛ́ bɛsana 1:3

Bɔmbányɛ ná baacɔ a bá ŋa bɔ́ fanɛna bɔsɔ́ɔ́kɔ́ bɛsana bikime bí nufule eenu abɛ́ Bandɔ́mɛsɛ́ ŋaá námbɔ́nákɛ́ná baacɔ ; bɔmbányɛ tɔ́na né eebe e bé ŋe bú biíbi lɔ́kɔ́ma, bé biíbi látákɛ́na. Yááŋa anyía ekúlú ayɛ́ bɛsana eébí káá bɛ́kɛ́láka a yáaŋa hoóhi.

Nyɛnambɔnɛna nyɛ́ bɛsana 10:1

E elime eécí, ɛ ŋá lɛcá akɛndákɛ́nda yí *elilé yɛ́ bɔsɔ́ma, yí é húlúkúne ɔ Ɔmuaná. Yɛ́ ŋaá bá aláŋábánɔ́ ɔlɔndɔ́ aá cɛɛ́tɔ ; ciama ma ɔbɔŋɔlɛna yááyɛ́ aatɔ́, búáyɛ́ buúse nɔ́maka háyɛ ɔɔ́cɔ́, cíáyɛ́ akɔlɔ́ lɛ́cakana háyɛ tukúse a tucíákánɔ́ ne iicé.

Nyɛnambɔnɛna nyɛ́ bɛsana 10:4

Ɛ́makɛ́la cɛ́ á yáátáka aáná, ɛsɛ́ yámɛ ɔ́ɔ́ŋɔ́kɔ bɛsana abɛ́ cɛ́ ŋa kɔɔnaka, mbá ɛ ŋá lɔ́kɔ́ma okelú a wúmɔtɛ́ wé húlúkúne ɔ Ɔmuaná ɔ́sɛ : « Buaka, atɛ ɔ́ɔ́ŋɔ, tétényíki yáaŋa indiitie bɛsana bɛ́ ɛmalamanda eébí. »

Nyɛnambɔnɛna nyɛ́ bɛsana 16:12

Aáná elilé yí bétíndétú ŋe ke súkúne hííyé hindeŋé aá yaandándá yí nuúci nɔ́ Ɛfaláta ; nú ŋaá sá anyía núe yiínjíékíne ohónyí wú ɔhɔla né betéŋí e bé ŋe bú húlé a aháŋá yɛ́ nyɛháma nyɛ́ ɔɔ́cɔ́ o okonúusi Bandɔ́mɛsɛ́.

Nyɛnambɔnɛna nyɛ́ bɛsana 5:2

Ɛ ŋá lɛcá akɛndákɛ́nda yí *elilé yɛ́ bɔsɔ́ma yɛ́ Bandɔ́mɛsɛ́ ; yí sóbíki okelú ɔ ɔmuaná yɛ́sɛ : « Aányɛ́ wáŋa na makɛ́nda ma ɔbácáka bibílícínyínyí eébí na makɛ́nda ma ɔbɔŋɔnaka nufule e ? »

Nyɛnambɔnɛna nyɛ́ bɛsana 8:3

Aáná elilé yé etémbí ŋaá faaya, yɛ́ ŋga tálɛ́mɛ́na hoóhi ne nyiluli bitúké. Yɛ́ ŋaá bá tímbie ɔ ɔɔbɔ́ ondúlé a wɔ́maákánɔ́ ne kóolo. Bé ŋeé yiíyi iínjie ɔsɔŋɔ yeéŋí yí enumbé o onyemikinyi Bandɔ́mɛsɛ́ e nyindúmé nyí nyiluli bitúké nyí kóolo ; yé luliki tɔ́na hɔ́á ɛbɛ́cɔ́kɔ́lɛ́na cɛ́ baacɔ e befúúménénú bá Bandɔ́mɛsɛ́ bekime. Nyindúmé eényí áŋa eé buúse bɔ́ nɔkɔná.

Nyɛnambɔnɛna nyɛ́ bɛsana 9:14

Okelú oócí ŋaá láána elilé yɛ́ bɔsɔ́ma yí bítíndétú ɔ́sɛ : « Súŋúnéke bililé bínyíse bɛ́ masɔ́ma a bɛ́áŋa bɛɔ́tɔ́kɔ́kɔ́nɔ́ a asálá yɛ́ yaandándá yí nuúci nɔ́ Ɛfaláta. »

Nyɛnambɔnɛna nyɛ́ bɛsana 9:4

Bá ŋa laákɛ́na bɛtandá eébí báyɛ bɛ́ tɛ cáŋɛna te ehuti ɔ́mɔtɛ́, ta bɔɔtɛ́ bɔ́mɔtɛ́, mbá ta yɔɔ́nɔ́kɔ yé etémbí. Mbá bɛ́ á nɔ́maka bɔ́ nɔ́maka hú baacɔ a bá tɛ ábɔ́ bá bebílícíkínyínyí a tɔbɔlɔ ne hibílícínyínyí hɛ́ Bandɔ́mɛsɛ́.