Nyɛnambɔnɛna nyɛ́ bɛsana 4:9 - Nomaande

⁹ Aáná bɛnyɛ́ma eébí bínyíse ŋaá bá bɛ́á hákɛ́nɛ́na Ooci a wáŋa a nɔkɔná maŋana, wuúci u ŋe líhe ekúlú ekime. Bí ŋeé wuúci iínjie nuúmi, bí wuúci oómísíki, bí wuúci iínjíékíne bitéŋíti.

Nyɛnambɔnɛna nyɛ́ bɛsana 4:9 Iomraidhean Croise

Ebélé 7:25

Híáná tɔ́na, wáŋa na makɛ́nda me onohi baacɔ ekúlú ɔ́mɔtɛ́ e bikúlú bikime, beébe bé ŋe bú bíkósíti ná Bandɔ́mɛsɛ́ a ciayɛ́ elime ; ananyía wáŋa wɔɔ́sɔ ekúlú ekime, u naŋa wá bɛ́cɔ́kɔ́lɔ́kɛ́na Bandɔ́mɛsɛ́ eebú eé buúse.

Ebélé 7:8

A asana ne beluli nyiínjie a bá ŋa bɔ́ káha nyiínjie nyɛ́ báábɔ́ benyíinyí, bá náŋa bébú wéékúne ; a asana ne Melikisɛtɛk, wáŋa wɔɔ́sɔ ekúlú ekime háyɛ Ciɔɔ́ŋɛ́ cɛ́ Bandɔ́mɛsɛ́ ŋo tóŋínyi.

Nyɛnambɔnɛna nyɛ́ bɛsana 1:18

Ya mɛ́ŋa wɔɔ́sɔ. I ŋeé mi wé, asana ɔ́mɔtɛ́ ɛ ŋa mɛ háanyua e biwéewé ; yaŋɔ́ ooci wɔɔ́sɔ bikúlú bikime. I meé mi bítímbie ne tulibe tú owé na tɔ́ haála hé biwéewé áyá.

Nyɛnambɔnɛna nyɛ́ bɛsana 10:6

yɛ́ ŋa súátɛ́na yɛ́sɛ : « Aá taaká, ɛ ŋa mɛ́ súána eé nyiínyi nyɛ́ Bandɔ́mɛsɛ́, wuúci u ŋeé líhe bikúlú bikime, Muketi na ma ɔmɛsɛ́ na ma ɔmuaná, na ma nuɔmɔ́ nɔ́ makɛ́lɛ́, na ma bɛnyɛ́ma bikime a bɛ́áŋa noómi a bɛhaála eébí bikime. » Elilé yɛ́ bɔsɔ́ma eéyé ŋaá súátɛ́na yɛ́sɛ ekúlú yí etémbí yɛ́ ɔ háná tátáka tɛ a bá tɔ́na.

Nyɛnambɔnɛna nyɛ́ bɛsana 15:7

Aáná bɔkɔ a búmɔtɛ́ a bɛnyɛ́ma bínyíse e bí ŋe bínyíényi ŋe yiínjíékíne bililé bítíndétú nɔ́mɔ eébí tundeŋé tú kóolo. Tú ŋaá bá tunyióyísíkínyi ne hilóbi hɛ́ Bandɔ́mɛsɛ́ hú mbiɔ́kɛ, Bandɔ́mɛsɛ́ Mulíhe bikúlú bikime.

Nyɛnambɔnɛna nyɛ́ bɛsana 21:5

Aáná Ooci awɔ́ u ŋaá bá límine a nɔkɔná ŋaá táŋɛ́ta, ɔsɛ : « Ɛ́ɛ, aámbáya í me mí hélúmúkúnyi bɛsana bikime bɛɔ́sɔ. » Mbá ɔsɛ náámɛ : « Ɔɔ́ŋɔ́kɔ bɛsana eébí : Yááŋa anyía máámɛ mehúnyi áŋa mehúnyi ma mɔŋɔlɛ́, meéme tɔ́na taaká. »

Nyɛnambɔnɛna nyɛ́ bɛsana 4:2

Hikúlúkúlú, Elilé ŋé mi fúkíte, ɛ tɛ háná bíményi ; ɛ ŋá lɛcá nɔkɔná ɔ Ɔmuaná, ɔɔcɔ a wɔmɔtɛ́ me límine e nuúnu.

Nyɛnambɔnɛna nyɛ́ bɛsana 4:8

A bɛnyɛ́ma eébí bikime bínyíse, hú naányɛ́ ŋaá bá ne bibéku bítíndétú. Cííbú cɛɛ́tɔ ŋaá bá hú eése ne eése, ta cɛɛ́tɔ noómi mbá te elime. Aáná bɛ́ ŋaá bá bɛ́á hákɛna maŋana ne nebutúé na nabuɔ́sɛ́, bɛ́ tɛ tɔ́mbɔ, bɛ́ kɔɔnaka bɛ́sɛ : « Otéŋí a Waáŋá Bandɔ́mɛsɛ́, ɔ ɔ́ŋa na makɛ́nda mekime ɔ ɔhɔla. Ɔ ɔ́ŋa ofúúménénú, ɔ ɔ́ŋa ofúúménénú, ɔ ɔ́ŋa ofúúménénú. Ɔ ŋɔɔ́ bá, ɔ ɔ́ŋa wɔɔ́sɔ, ɔ kɔ́ kɔ́ɔ́ hálɔ́mɔ́na. »

Nyɛnambɔnɛna nyɛ́ bɛsana 5:1

Aáná ɛ ŋa mɛ́ lɛcá nufule anɔ́ bɔ́ ŋɔ bɔ́ŋɔ́kɔ. Ooci awɔ́ u ŋaá bá límine a nɔkɔná, u ŋaá bá nuúnu tímbie e úúyé ɔɔbɔ́ ú manɔ́mɛ. Nú ŋaá bá nuɔ́ŋɔ́kɔ́nɔ́ ne e noómi ne e elime, nuúnu ne bibílícínyínyí bítíndétú nɔ́mɔ.

Nyɛnambɔnɛna nyɛ́ bɛsana 6:16

Bá ŋa bɔ́ bá bábɔ́ láakɛna na tɔkɔndɔ na andányɛ́, báyɛ : « Ánɔ basɔ́ bíhúékíne, núá basɔ́ námbáka anyía Ooci a wáŋa a nɔkɔná tɛ basɔ́ lɛca, Ɔɔ́nɔ́ u Ɛtɔ́mbá tɛ basɔ́ lɔ́kɔ́mɛ́na hilóbi a nyíáyɛ́ nyikélísi.

Nyɛnambɔnɛna nyɛ́ bɛsana 7:15

Yaátɛ́ asana, ɛ naŋa bábɔ́ tálɛ́mákɛ́na eé buúse bɔ́ nɔkɔná nɔ́ Bandɔ́mɛsɛ́ ; bé wuúci nyemiki ne nebutúé na nabuɔ́sɛ́ aá cíáyɛ́ Ciíbe. Ooci a wáŋa limine a nɔkɔná kéé beébe lindieke.