Nyɛnambɔnɛna nyɛ́ bɛsana 4:8 - Nomaande

⁸ A bɛnyɛ́ma eébí bikime bínyíse, hú naányɛ́ ŋaá bá ne bibéku bítíndétú. Cííbú cɛɛ́tɔ ŋaá bá hú eése ne eése, ta cɛɛ́tɔ noómi mbá te elime. Aáná bɛ́ ŋaá bá bɛ́á hákɛna maŋana ne nebutúé na nabuɔ́sɛ́, bɛ́ tɛ tɔ́mbɔ, bɛ́ kɔɔnaka bɛ́sɛ : « Otéŋí a Waáŋá Bandɔ́mɛsɛ́, ɔ ɔ́ŋa na makɛ́nda mekime ɔ ɔhɔla. Ɔ ɔ́ŋa ofúúménénú, ɔ ɔ́ŋa ofúúménénú, ɔ ɔ́ŋa ofúúménénú. Ɔ ŋɔɔ́ bá, ɔ ɔ́ŋa wɔɔ́sɔ, ɔ kɔ́ kɔ́ɔ́ hálɔ́mɔ́na. »

Nyɛnambɔnɛna nyɛ́ bɛsana 4:8 Iomraidhean Croise

Buólí 20:31

Yaátɛ́ asana énu limékíne bɔɔ́sɔ, nu bíkékényíki, nú bɛ́tááka ekúlú ekime anyía hú na ɔɔcɔ okime aá banɔ́ i ŋe mí óókísíkí bɛsana eébí tuɔŋɔ tukimekime tɔ́tátɔ́ ne nebutúé na nabuɔ́sɛ́ ; ɛ tɛ tɔmbɔ na bɛlɛlá e eése yɛ́mɔtɛ́ ekúlú.

2 Kɔlɛ́ɛntɛ 6:18

Ɛ́ɛhɛ́ ɛ ká mɛ bá cianɔ́ Síkíne, núɔ́ bámɔ́kɔ́na báámɛ baáná, ne e beénjú, na a banɔ́mɔcɔ́. Buhúnyi bú Síkíne Bandɔ́mɛsɛ́, Alámakɛ́nda, eébú búáŋa. »

1 Tɛsaloníke 2:9

Baláamɛ, tɛ́ka nua núánáŋa ɔ ɔbɛ́táá na muasɔ́ muuyé ne buólí abɔ́ tu ŋá sɔ́ bá tuasɔ́ nyíɔkɔ ne nebutúé na nabuɔ́sɛ́ anyía tu ti yébi ɔɔcɔ ɔmɔtɛ́ aá banɔ́ a asana na bɛnyɛ́ma bɛ́ ɔnyíá e ? Yaátɛ́ ekúlú eéyé tu ŋa sɔ́ banɔ́ húlíkínyi ne uúsú ɔtɛ́má okime Ambányɛ yɛ́ Ɛsɔ́ma e yí ŋeé húle ná Bandɔ́mɛsɛ́.

1 Timoté 4:16

Limíne ne ciéhíhi, bíkékényíki o otúme oówo o olíhe ú bɛ́muátá ɔ ɔkɔɔ́háma a bɛsana ebí o ŋoó weékúnyi baacɔ. A nyɛkɛlaka eényí o kóó nohiki baacɔ a bá ŋa bɔ́ lɔ́kɔ́ma bɛsana abɛ́ ɔ ŋɔɔ́ kɔɔna ; kuɔŋɔ́ bɛ́muátá wɔ́ nɔhɔ tɔ́na.

2 Timoté 4:2

Hulíkínyi baacɔ bɛsana bɛ́ Bandɔ́mɛsɛ́, hɛɛ́nyákɛ́nɛ́na o biíbi huli eé bikúlú bikime, te e bikúlú a bɛmbányɛ te e bikúlú a bɛɛbɛ́. Kɛláka anyía bé biíbi lɔ́kɔ́máka bɔmbányɛ, beébe kákálákɛ́na ekúlú ayɛ́ bá bɔ́ŋa a nyɛnana, beébe kíndísíki ɔ ɔkɛla bɔmbányɛ, é beébe eékúnyíki ne ehúúménénú yɛ́ ɔtɛ́má.

Ebélé 13:8

Yésus *Kilís áŋa bɔkɔ búmɔtɛ́ hɛ́nánɔ háyɛ ne búocí ne bikúlú bikime.

Nyɛnambɔnɛna nyɛ́ bɛsana 1:4

Yaŋɔ́ Sáaŋ, ɛ ŋa mɛ́ banɔ́ ɔɔ́ŋɛ́na nufule eenu, banɔ́ tuɔ́bɔ tú belumitinine *Kilís tútíndétú nɔ́mɔ tú iisí cɛ Asi. Bandɔ́mɛsɛ́ a wáŋa wɔɔ́sɔ, u ŋaá bá, u ká ka hálɔ́mɔ́na, wá banɔ́ sáyábákɛ́na, wá banɔ́ iínjíékíne mbuumu ɛ ɛtɛ́má. Bililé bítíndétú nɔ́mɔ a bɛ́ ŋɔ́ nyíɔnɔ Bandɔ́mɛsɛ́ bɛ́ á banɔ́ sayábákɛ́na, bɛ́ á banɔ́ iínjiékíne tɔ́na mbuumu ɛ ɛtɛ́má ; bɛ́áŋa eé buúse bɔ́ núáyɛ́ nɔkɔná.

Nyɛnambɔnɛna nyɛ́ bɛsana 1:8

Otéŋí a Waáŋá Bandɔ́mɛsɛ́ ɔsɛ : « Yaŋɔ́ Alɛfa, yaŋɔ́ Ɔmɛ́ka. » Wuúci wáŋa wɔɔ́sɔ, u ŋaá bá, u ká ka hálɔ́mɔ́na ; wáŋa Alámakɛ́nda.

Nyɛnambɔnɛna nyɛ́ bɛsana 11:17

bá kɔɔnaka báyɛ : « Tu ŋe sú o wiínjie bitéŋíti, kuɔŋɔ́ uusú Otéŋí a Waáŋá, Bandɔ́mɛsɛ́, Alámakɛ́nda, a wáŋa wɔɔ́sɔ, wuúci u ŋaá bá, anyía ɔ ɔ́ŋa otóŋínyínyi biɔwɔ bɛandándá bɛ́ makɛ́nda ɔ nyiɔ́wɔ nyitéŋínyi.

Nyɛnambɔnɛna nyɛ́ bɛsana 14:11

Oocó oócí ewú ú ŋeé beébe lɔ́kɔ́tɔ kéé hémúkúnyi cióyo ekúlú ekime. Baacɔ e bé ŋe bú nyémiki na múálá ne hííyé hibílícínyínyí ne eebe bekime ebé bé ŋe bílícíkínyínyí na nyíáyɛ́ nyiínyi ti ké bú hélúme te nebutúé ta nabuɔ́sɛ́.

Nyɛnambɔnɛna nyɛ́ bɛsana 14:3

Tɔ́sɛ́na cɛ́ baacɔ eécí ŋaá bá cɛ́á hákɛ́na yɔɔ́sɔɔ́sɔ yɛ́ buŋana eé buúse na bɔ́ nɔkɔná nɔ́ Bandɔ́mɛsɛ́, na bɔ́ bɛnyɛ́ma bínyíse e bí ŋe bínyíényi, na bɔ́ *baáŋá áyá. Ta ɔɔcɔ tɛ ɔ́mɔ bá wu ɔhákɛ́na buŋana eébú, ɛ tɛ ŋáa bá hú baacɔ tɔ́sɛ́na etíne étíndétú nɔ́mɔ ne imbuke ínyíse cɛ́ tɔ́sɛ́na abá Bandɔ́mɛsɛ́ ŋaá háŋɔ́náka ɔ ɔmɛsɛ́.

Nyɛnambɔnɛna nyɛ́ bɛsana 15:3

Bá hákɛ́na na buŋana bú *Moyís, munyiɔnɔ mɔ Bandɔ́mɛsɛ́, na buŋana bú Ɔɔ́nɔ́ u Ɛtɔ́mbá, bá kɔ́ɔnaka báyɛ : « Otéŋí a Waáŋá Bandɔ́mɛsɛ́, Alámakɛ́nda, mɔ́ɔ́wɔ monyiókínyí áŋa maáŋá ma hɛkáká ɔ ɔhɔla bɔkɔ bukime. Otéŋí u mɔnɔŋɔ mekime, cííwú ihényí áŋa ɛtálɛ́mánánɔ́, ciíci taaká.

Nyɛnambɔnɛna nyɛ́ bɛsana 15:7

Aáná bɔkɔ a búmɔtɛ́ a bɛnyɛ́ma bínyíse e bí ŋe bínyíényi ŋe yiínjíékíne bililé bítíndétú nɔ́mɔ eébí tundeŋé tú kóolo. Tú ŋaá bá tunyióyísíkínyi ne hilóbi hɛ́ Bandɔ́mɛsɛ́ hú mbiɔ́kɛ, Bandɔ́mɛsɛ́ Mulíhe bikúlú bikime.

Nyɛnambɔnɛna nyɛ́ bɛsana 16:14

Bikime bɛ́tátɔ́ eébí ŋaá bá bɛɛbɛ́ bí bililé a bɛ́ náŋa bɛ́a kɛlaka bikémése bɛ́ bɛsana. Bí ŋeé súété né betéŋí bekime bá ɔmɛsɛ́ anyía bíé beébe bándáka o okonúusi Bandɔ́mɛsɛ́ Alámakɛ́nda aá yááyɛ́ yaandándá yɛ́ buɔ́sɛ́.

Nyɛnambɔnɛna nyɛ́ bɛsana 16:7

Ɛ ŋá lɔ́kɔ́ma okelú ma bɛ́átábɔ́tɔ́na, ú húlúkúne e nyindúmé nyí nyiluli nyiínjie ɔ́sɛ : « Ɛ́ɛ, Otéŋí a Waáŋá Bandɔ́mɛsɛ́ Alámakɛ́nda, nyíɔ́wɔ nyɛsɔ́mbɔ́tɔ́na nyɛ́ bɛsana áŋa taaká, nyiínyi nyɛtálɛ́mánánɔ́. »

Nyɛnambɔnɛna nyɛ́ bɛsana 19:15

Nɔsala nɔ́ ɔhána a nɔ́ ŋa tɛa bɛháŋá bikime ŋaá bá núá hámɔ́kɔ́na a nyíáyɛ́ nyuúté ; ne buléfényi eébú wá nyɛmána wu ɔyákáka mɔnɔŋɔ mekime ma ɔmɛsɛ́, u meéme téŋgínyi ne butéŋí bú biléŋúléŋú, yó nyióyísínyi hilóbi hɛ́ Bandɔ́mɛsɛ́ Alámakɛ́nda ekúlú eyí u kéé beébe eéndéke háyɛ ibíle.

Nyɛnambɔnɛna nyɛ́ bɛsana 19:4

Aáná *baáŋá nyitíne ne bényíse na bɛnyɛ́ma bínyíse e bí ŋe bínyienyi ŋeé túmékine Bandɔ́mɛsɛ́ eŋéndu o o wuúci nyemi, wuúci ú me limine a nɔkɔná ; bɛ́ kɔɔnaka bɛ́sɛ : « Alɛ́lúya, híáná yááŋa ! »

Nyɛnambɔnɛna nyɛ́ bɛsana 21:22

Yaŋɔ́, ɛ tɛ ɔ́mɔɔ́ lɛca Ciíbe ci onyemikinyi Bandɔ́mɛsɛ́ a bálɛ́ka eécí. Yááŋa anyía ne Otéŋí a Waáŋá Bandɔ́mɛsɛ́ Alámakɛ́nda, na Ɔɔ́nɔ́ u Ɛtɔ́mbá, beébe bɛ́muátá bá bɔ́ŋa Ciíbe ci nyinyemi cɛ hɔ́á.

Nyɛnambɔnɛna nyɛ́ bɛsana 3:7

« Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hí Fɛlátɛ́lɛ́fi anyía : “Ooci a wáŋa ofúúménénú, wuúci atálɛ́mánánɔ́ yɛ́ ɔɔcɔ eé buúse bɔ́ Bandɔ́mɛsɛ́, wuúci ne tulibe tɔ́ Táfit e úúye ɔɔbɔ́ ; wáŋa anyía wéé kúune ehenyi, ɔɔcɔ u etémbí tɛ á bá wu o yiíyi kueye ; wéé yiíyi kuéye, ɔɔcɔ u etémbí ti yiíyi kuúne; wuúci u ŋa kɔɔna ɔsɛ :

Nyɛnambɔnɛna nyɛ́ bɛsana 4:4

Tɔkɔná tú etémbí nyitíne ne túnyíse ŋaa bá bɔŋɔlɛna nɔkɔná nú buúse eénú ; *baáŋá nyitíne ne bényíse ŋa bɔ́ bá limekine hɔ́á. Bá ma laŋábaka bɛlaŋa e bifúlúndúndúé, beébe baháyánɔ́ bɛtamba bí butéŋí bí kóolo.

Nyɛnambɔnɛna nyɛ́ bɛsana 4:6

Haála a há ŋaá bá eé buúse bú nɔkɔná ŋaá bá há lɛ́cákana háyɛ nuɔmɔ́ nú iílí ne iílí cɛ́ ɔbɛ́lɛ́cákɛ́na, heéhe falándándá i iŋetí cɛ abácɛ yí oólí yɛ́ ɔbɛ́lɛ́cákɛ́na. Bɛnyɛ́ma a bɛ́mɔtɛ́ bínyíse ŋaá bá aáhá, bí é bínyíékinyi. Bɛ́ ŋaá bá tálɛ́mákɛ́na na ɛ ɛsákátána na a bɛháŋá bikime bɛ́ nɔkɔná na ɛ ɛkatɛ́katɛ́ cɛ nɔkɔná, biíbi ne eése cɛɛ́tɔ ikime ne eé buúse ne e elime áyá.

Nyɛnambɔnɛna nyɛ́ bɛsana 4:9

Aáná bɛnyɛ́ma eébí bínyíse ŋaá bá bɛ́á hákɛ́nɛ́na Ooci a wáŋa a nɔkɔná maŋana, wuúci u ŋe líhe ekúlú ekime. Bí ŋeé wuúci iínjie nuúmi, bí wuúci oómísíki, bí wuúci iínjíékíne bitéŋíti.

Nyɛnambɔnɛna nyɛ́ bɛsana 5:6

Ɛ ŋá lɛcá *Ɔɔ́nɔ́ u Ɛtɔ́mbá ma tálɛ́mɛ́na ɛ ɛkatɛ́katɛ́ cɛ na nɔkɔná, na cɛ bɛnyɛ́ma bínyíse e bí ŋe bínyíényi, na cɛ baáŋá nyitíne ne bényíse. Ɔɔ́nɔ́ u Ɛtɔ́mbá oócí ŋaá bá háyɛ bé ne meé wuúci ɔ́ɔ́nɔ. U ŋaá bá na ɛndɔ́ŋɔ ítíndétú nɔ́mɔ ne eése étíndétú nɔ́mɔ a cááŋa bililé bítíndétú nɔ́mɔ abɛ́ Bandɔ́mɛsɛ́ ŋaá tɔ́mɔ́kɔ́ná ɔ ɔmɛsɛ́ okime.

Nyɛnambɔnɛna nyɛ́ bɛsana 6:1

E elime eécí, ɛ ŋa mɛ́ lɛcá Ɔɔ́nɔ́ u Ɛtɔ́mbá u Bandɔ́mɛsɛ́ á bácáka bubílícínyínyí bú buúse bú bibílícínyínyí bítíndétú nɔ́mɔ bí nufule eénú ; ekúlú ayɛ́ u ŋaá kɛ́láka aáná, ɛ ŋá lɔ́kɔ́ma okelú a wúmɔtɛ́ ú bɛnyɛ́ma bínyíse e bí ŋe bínyíényi ma bɛ́átábɔ́tɔ́na háyɛ ɛmalamanda, ɔ́sɛ : « Faáya ! »

Nyɛnambɔnɛna nyɛ́ bɛsana 6:6

Ɛ ŋá lɔ́kɔ́ma okelú, ú hɔ́áka okelú ú ɔɔcɔ, ú húlúkúne ɛ ɛkatɛ́katɛ́ cɛ bɛnyɛ́ma bínyíse e bí ŋe bínyíényi, ú kɔɔnaka ɔ́sɛ : « Hú híkétínyí hɛ́mɔtɛ́ hí iŋeŋé a bɛnamá bɛ́ buɔ́sɛ́ bukimekime bú buólí, ta anyía hú túkétínyi tɔ́tátɔ́ tú ɛmbásɛ́kɛ a bɛnamá bɛ́ buɔ́sɛ́ bukimekime bú buólí. A asana na ɔsɔŋɔ ne meluku, eti biíbi bítíse anyía mecíli áŋa hɔ́á. »

Nyɛnambɔnɛna nyɛ́ bɛsana 7:11

Bililé bɛ́ masɔ́ma bɛ́ Bandɔ́mɛsɛ́ ŋa bɔ́ bɔ́ŋɔ́lɛ́na na nɔkɔná na *baáŋá nyitíne ne bényíse, na bɛnyɛ́ma bínyíse e bí ŋe bínyíenyi. Bé ŋe bú túméke eŋéndu, meése bítíseke ɔmɛsɛ́ o onyemi Bandɔ́mɛsɛ́.

Nyɛnambɔnɛna nyɛ́ bɛsana 7:15

Yaátɛ́ asana, ɛ naŋa bábɔ́ tálɛ́mákɛ́na eé buúse bɔ́ nɔkɔná nɔ́ Bandɔ́mɛsɛ́ ; bé wuúci nyemiki ne nebutúé na nabuɔ́sɛ́ aá cíáyɛ́ Ciíbe. Ooci a wáŋa limine a nɔkɔná kéé beébe lindieke.