Nyɛnambɔnɛna nyɛ́ bɛsana 4:5 - Nomaande

⁵ Na ɛmanyɛmanyɛ ne hiyúkúyúkú hɛ́ ɔtáŋa, na ɛmalamanda ŋaá bá bíé húlúkúne ɛ ɛkatɛ́katɛ́ cɛ nɔkɔná eénú. Lámba ítíndétú nɔ́mɔ ŋaá bá ɛciákánɔ́ tɔ́na hɔ́á eé buúse, cɛ́ nɔmaka beŋubeŋu ; cíáŋa bililé bítíndétú nɔ́mɔ a bɛ́ náŋa bɛ́á tálɛ́mákɛ́na eé buúse bɔ́ Bandɔ́mɛsɛ́.

Nyɛnambɔnɛna nyɛ́ bɛsana 4:5 Iomraidhean Croise

Nyɛnambɔnɛna nyɛ́ bɛsana 11:19

*Ciíbe cɛ Bandɔ́mɛsɛ́ ɔ Ɔmuaná nyibíkúune eényí ; *hikóló hɛ́ nyɛlata nyí bumbénú ŋé bítóŋínyi. Aáná ɛmanyɛmanyɛ ŋeé túmé ɔmanyɛma, hiyúkúyúkú hí ikelú lɔ́kɔ́mákána, ɛmalamanda áátáka, nɔbɔ́lá nɔ́ andányɛ́ náaka buéŋí.

Nyɛnambɔnɛna nyɛ́ bɛsana 8:5

Aáná elilé yɛ́ bɔsɔ́ma ŋeé hiíte bululínyí bɔ́ ɔsɔŋɔ, yí ŋó nyíóyísi ne oocó ú nyindúmé nyí nyiluli bitúké, yɛ́ ŋá aahɛ́na ɔ ɔmɛsɛ́. Aáná ɛmalamanda ŋaá bɛ́átábɔ́tɔ́ná, hiyúkúyúkú hí ikelú ŋaá lɔ́kɔ́mána, ɛmanyɛmanyɛ manyɛmaka, ɔmɛsɛ́ yó bínyíékinyi na makɛ́nda.

Nyɛnambɔnɛna nyɛ́ bɛsana 1:4

Yaŋɔ́ Sáaŋ, ɛ ŋa mɛ́ banɔ́ ɔɔ́ŋɛ́na nufule eenu, banɔ́ tuɔ́bɔ tú belumitinine *Kilís tútíndétú nɔ́mɔ tú iisí cɛ Asi. Bandɔ́mɛsɛ́ a wáŋa wɔɔ́sɔ, u ŋaá bá, u ká ka hálɔ́mɔ́na, wá banɔ́ sáyábákɛ́na, wá banɔ́ iínjíékíne mbuumu ɛ ɛtɛ́má. Bililé bítíndétú nɔ́mɔ a bɛ́ ŋɔ́ nyíɔnɔ Bandɔ́mɛsɛ́ bɛ́ á banɔ́ sayábákɛ́na, bɛ́ á banɔ́ iínjiékíne tɔ́na mbuumu ɛ ɛtɛ́má ; bɛ́áŋa eé buúse bɔ́ núáyɛ́ nɔkɔná.

Nyɛnambɔnɛna nyɛ́ bɛsana 5:6

Ɛ ŋá lɛcá *Ɔɔ́nɔ́ u Ɛtɔ́mbá ma tálɛ́mɛ́na ɛ ɛkatɛ́katɛ́ cɛ na nɔkɔná, na cɛ bɛnyɛ́ma bínyíse e bí ŋe bínyíényi, na cɛ baáŋá nyitíne ne bényíse. Ɔɔ́nɔ́ u Ɛtɔ́mbá oócí ŋaá bá háyɛ bé ne meé wuúci ɔ́ɔ́nɔ. U ŋaá bá na ɛndɔ́ŋɔ ítíndétú nɔ́mɔ ne eése étíndétú nɔ́mɔ a cááŋa bililé bítíndétú nɔ́mɔ abɛ́ Bandɔ́mɛsɛ́ ŋaá tɔ́mɔ́kɔ́ná ɔ ɔmɛsɛ́ okime.

Nyɛnambɔnɛna nyɛ́ bɛsana 3:1

« Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hɛ́ Saalɛtɛs anyía : “Aana Ooci a wáŋa ne bililé bítíndétu nɔ́mɔ a bɛ́áŋa eé buúse bɔ́ Bandɔ́mɛsɛ́, wuúci ú meé tímbie tunjoti tútíndétú nɔ́mɔ ɔ ɔɔbɔ́ ŋa kɔɔna ɔsɛ : I ŋe mí menyi búɔ́wɔ buólí, i menyukune anyía bó ŋo yó woómisi buéŋí anyía ɔ ɔ́ŋa wɔɔ́sɔ, yiíyi anyía ɔ ɔ́ŋa owéénú.

Buólí 2:3

Bá ŋa bɔ́ lɛca bɛnyɛ́ma háyɛ tɔbɛ́mbɛ tú oocó awɔ́ ú ŋa lɔ́la ; bɛ́ ŋaá bá bɛ́álɔ́nákánɔ́ náányíá náányia, bí beébe tabaka a bɛɛtɔ́.

Matío 3:11

Yaŋɔ́, ɛ ŋa mɛ́ banɔ́ óótine ne menyífé, bú tóŋgínyi anyía nú ma nɔ́ bɛ́kákálákɛ́na maanɔ́ maabɛ́ ; mbá ɔɔcɔ awɔ́ á mɛ hɔla a makɛ́nda kokóokó eémi e elime. Wuúci, u káá banɔ́ ootokine ne *Efúúménénú yí Elilé ne oocó ; ɛ tɛ ŋa mɛ́ nyɛmána ooci a wáŋa wu o wuúci sɔmɔkɔ bɛkandɛ́na a akɔlɔ́.

Matío 25:1

« Yááŋa anyía *Butéŋí bɔ́ Ɔmuaná káá hɔ́ákánana asana eeye yɛ́ babɔ́la bɔ́ɔ́hátá : Bé ŋe bú hiítéke ciíbú *lámba anyía bá ka bɔ́ tátáka mubátɛ́na oónjú buɔ́sɛ́ bɔ́ nyíáyɛ́ nyɛtɔ́nɔ́.

Nyɛnambɔnɛna nyɛ́ bɛsana 10:3

Yí ŋeé bókíte buáŋá, uuye okelú ŋa bɛ́átábɔ́tɔ́na háyɛ iŋgoyó. Ɛŋakɛlá wó bókíte aáná, ɛmalamanda ítíndétú nɔ́mɔ nyɛátáka eényí.