Nyɛnambɔnɛna nyɛ́ bɛsana 4:2 - Nomaande

² Hikúlúkúlú, Elilé ŋé mi fúkíte, ɛ tɛ háná bíményi ; ɛ ŋá lɛcá nɔkɔná ɔ Ɔmuaná, ɔɔcɔ a wɔmɔtɛ́ me límine e nuúnu.

Nyɛnambɔnɛna nyɛ́ bɛsana 4:2 Iomraidhean Croise

Matío 22:43

Mbá ɔsɛ : « Anyíatɛ́ aná Táfit, ekúlú eyí *Efúúménénú yí Elilé ŋeé wuúci oofíne aá cɛɛ́tɔ, ŋɔɔ́ lɔ́ŋɛ́tá Mesíi ɔsɛ : “Uumi Otéŋí a Waáŋá” e ? Yááŋa anyía Táfit ŋaá kɔ́ɔ́na ɔsɛ :

Ebélé 8:1

Aatɔ́ yɛ́ asana a bɛsana abɛ́ tu ŋa sɔ́ kɔ́ɔna áŋa anyía, tua sɔ́ŋa na nyɛnamá nyí *mutéŋínyi beluli nyiínjie a muáŋá eényí a nyɛ́ á basɔ́ nyɛmána. U ŋe límine ɔ Ɔmuaná a aháŋá yɛ́ ɔɔbɔ́ ú manɔ́mɛ ú Bandɔ́mɛsɛ́ ewú u ŋe téŋínyi bɛnyɛ́ma bikime.

Nyɛnambɔnɛna nyɛ́ bɛsana 1:10

Aáná, buɔ́sɛ́ a búmɔtɛ́ bú Otéŋí a Waáŋá, Elilé yɛ́ Bandɔ́mɛsɛ́ ŋeé mi oofíníne, ɛ tɛ háná bímenyi ; ɛ ŋá lɔ́kɔ́ma okelú ma bɛ́átábɔ́tɔ́na na makɛ́nda eémi e elime i iŋetí acɛ́ ɛsɛ́bɛ́,

Nyɛnambɔnɛna nyɛ́ bɛsana 12:5

Oónjú nyibíéne ɔɔ́nɔ́ ɔnɔ́mɔcɔ́ eényí, wuúci u ŋaá nyɛmána wu otéŋgínyi mɔnɔŋɔ mekime ma ɔmɛsɛ́ ne butéŋí bú biléŋúléŋú. Bé ŋeé hiíte o ohiite ɔɔ́nɔ́ oócí, bé ŋe wuúci súéténé ne eé buúse bɔ́ Bandɔ́mɛsɛ́ na a núáyɛ́ nɔkɔná.

Nyɛnambɔnɛna nyɛ́ bɛsana 17:3

E elime eécí, Elilé yɛ́ Bandɔ́mɛsɛ́ ŋe mi oofíníne ; aáná elilé yɛ́ bɔsɔ́ma eéyé ŋeé mi súéténé i iisí cɛ ɔsɛ́bɛ́á. Ɛ ŋá lɛcá oónjú a wɔmɔtɛ́, ú me límine e elime cɛ múálá a múmɔtɛ́ ɔ ɔmuaná, mubólótoto. Múálá eémú ŋaá bá na bɛɛtɔ́ bítíndétú nɔ́mɔ na ɛndɔ́ŋɔ cíɔ́hátá a bɛɛtɔ́ eébí ; aáná bá ŋa bɔ́ yɔ́ɔ́ŋɔ́kɔ́ cíáyɛ́ cɛɛ́tɔ ikime ne eénye cé ofénékíne Bandɔ́mɛsɛ́.

Nyɛnambɔnɛna nyɛ́ bɛsana 19:4

Aáná *baáŋá nyitíne ne bényíse na bɛnyɛ́ma bínyíse e bí ŋe bínyienyi ŋeé túmékine Bandɔ́mɛsɛ́ eŋéndu o o wuúci nyemi, wuúci ú me limine a nɔkɔná ; bɛ́ kɔɔnaka bɛ́sɛ : « Alɛ́lúya, híáná yááŋa ! »

Nyɛnambɔnɛna nyɛ́ bɛsana 20:11

E elime eécí, ɛ ŋá lɛcá yaandándá yɛ́ nɔkɔná e yifúlúndúndúé ; míɔ lɛca ɔɔcɔ me límine hɔ́á. Aáná na ɔmɛsɛ́ na Ɔmuaná ŋeé séŋúlúéke eeyé eé buúse, bá tɛ háná biíbi lɛca ta buɔ́sɛ́.

Nyɛnambɔnɛna nyɛ́ bɛsana 21:10

*Efúúménénú yí Elilé ŋé mi oofine ; elilé yɛ́ bɔsɔ́ma eéyé ŋé mi súéténe oówó a yaandándá yɛ́ acahacaha yɛ́ nɔkɔndɔ ɔ ɔmuaná. Yí ŋé mi tóŋgínyi bálɛ́ka e cifúúménénú ci Yelúsalɛm. Cɛ ŋaá bá cié húlúkúne ɔ Ɔmuaná a maabána ma Bandɔ́mɛsɛ́.

Nyɛnambɔnɛna nyɛ́ bɛsana 21:5

Aáná Ooci awɔ́ u ŋaá bá límine a nɔkɔná ŋaá táŋɛ́ta, ɔsɛ : « Ɛ́ɛ, aámbáya í me mí hélúmúkúnyi bɛsana bikime bɛɔ́sɔ. » Mbá ɔsɛ náámɛ : « Ɔɔ́ŋɔ́kɔ bɛsana eébí : Yááŋa anyía máámɛ mehúnyi áŋa mehúnyi ma mɔŋɔlɛ́, meéme tɔ́na taaká. »

Nyɛnambɔnɛna nyɛ́ bɛsana 3:21

Ɛ ká mɛ́ kɛla anyía muyáka mukime á faáya wé ke límíne na yaŋɔ́ o otéŋínyi baacɔ, híáná yaŋɔ́ tɔ́na ɛ ŋaá mɛ yáká ; aáná tua sɔ́ŋa limine na ciamɛ Síkíne o otéŋínyi baacɔ.

Nyɛnambɔnɛna nyɛ́ bɛsana 4:10

Bikúlú bikime abɛ́ bɛ́ ŋaá kɛla aáná, baáŋá nyitíne ne bényíse ŋa bɔ́ bá bébú túméke eŋéndu o onyemi Ooci a wáŋa a nɔkɔná, wuúci u ŋeé líhe bikúlú bikime, ɛ́cɛ bá ma bɔ́ bɛ́sɔ́mɔ́kɔ bɛtamba bí butéŋí bɔ́ áahakɛna ɔ ɔmɛsɛ́ eé buúse bɔ́ nɔkɔná, bá kɔ́ɔnaka báyɛ :

Nyɛnambɔnɛna nyɛ́ bɛsana 4:5

Na ɛmanyɛmanyɛ ne hiyúkúyúkú hɛ́ ɔtáŋa, na ɛmalamanda ŋaá bá bíé húlúkúne ɛ ɛkatɛ́katɛ́ cɛ nɔkɔná eénú. Lámba ítíndétú nɔ́mɔ ŋaá bá ɛciákánɔ́ tɔ́na hɔ́á eé buúse, cɛ́ nɔmaka beŋubeŋu ; cíáŋa bililé bítíndétú nɔ́mɔ a bɛ́ náŋa bɛ́á tálɛ́mákɛ́na eé buúse bɔ́ Bandɔ́mɛsɛ́.

Nyɛnambɔnɛna nyɛ́ bɛsana 4:9

Aáná bɛnyɛ́ma eébí bínyíse ŋaá bá bɛ́á hákɛ́nɛ́na Ooci a wáŋa a nɔkɔná maŋana, wuúci u ŋe líhe ekúlú ekime. Bí ŋeé wuúci iínjie nuúmi, bí wuúci oómísíki, bí wuúci iínjíékíne bitéŋíti.

Nyɛnambɔnɛna nyɛ́ bɛsana 5:1

Aáná ɛ ŋa mɛ́ lɛcá nufule anɔ́ bɔ́ ŋɔ bɔ́ŋɔ́kɔ. Ooci awɔ́ u ŋaá bá límine a nɔkɔná, u ŋaá bá nuúnu tímbie e úúyé ɔɔbɔ́ ú manɔ́mɛ. Nú ŋaá bá nuɔ́ŋɔ́kɔ́nɔ́ ne e noómi ne e elime, nuúnu ne bibílícínyínyí bítíndétú nɔ́mɔ.

Nyɛnambɔnɛna nyɛ́ bɛsana 5:13

Aáná ɛ ŋaá mɛ lɔ́kɔ́máká tɔ́na bɛnyɛ́ma bikime abɛ́ Bandɔ́mɛsɛ́ ŋeé kétíki : Na bɛ́ Ɔmuaná, na bɛ́ ɔmɛsɛ́, na bɛ́ ɛmbana cɛ ɔmɛsɛ́, na bɛ́ tuɔmɔ́ tɔ́ makɛ́lɛ́ ; bɛnyɛ́ma bikime bɛ́ ɔhuálɔ́ eébí bɛ́ á hákɛ́na buŋana bɛ́sɛ : « Tu ŋá sɔ́ nyɛ́mána tú onyemiki ooci a wáŋa límine a nɔkɔná, tu nyemiki tɔ́na Ɔɔ́nɔ́ u Ɛtɔ́mbá anyía bá bɔ́ŋa ne nuúmi na makɛ́nda me otéŋgínyi ; bí ŋé beébe nyɛmána bikúlú bikime. »

Nyɛnambɔnɛna nyɛ́ bɛsana 6:16

Bá ŋa bɔ́ bá bábɔ́ láakɛna na tɔkɔndɔ na andányɛ́, báyɛ : « Ánɔ basɔ́ bíhúékíne, núá basɔ́ námbáka anyía Ooci a wáŋa a nɔkɔná tɛ basɔ́ lɛca, Ɔɔ́nɔ́ u Ɛtɔ́mbá tɛ basɔ́ lɔ́kɔ́mɛ́na hilóbi a nyíáyɛ́ nyikélísi.