Nyɛnambɔnɛna nyɛ́ bɛsana 4:1 - Nomaande

¹ E elime eécí, ɛ ŋa háná ámɛ́ lɛca *eseye yɛ́ asana : Ɛ ŋa mɛ́ lɛcá ehenyi ekuúnénú ɔ Ɔmuaná, míɔ háná lɔ́kɔ́ma okelú ooci awɔ́ ɛ ŋa cáŋa ámɛ lɔ́kɔ́ma, wáá táŋáka na yaŋɔ́ ; wuúci u ŋaá bɛ́átábɔ́tɔ́ná háyɛ ɛsɛ́bɛ́. Ú ŋá mɛ laána ɔ́sɛ : « Báátáka aaha namuaná anyía yémi o tóŋínyi aátɛ́ a yɛ́ á nyɛ́mana ɔbɛ́kɛ́láka. »

Nyɛnambɔnɛna nyɛ́ bɛsana 4:1 Iomraidhean Croise

Matío 3:16

Hú ayɛ́ u ŋo yóótíne Yésus, Yésus ŋá háma e menyífé ; a yaátɛ́ ekúlú eéyé, Ɔmuaná ŋeé bíhúúné. Nyɛlɛca eényí Elilé yɛ́ Bandɔ́mɛsɛ́ á sɔ́ɔ́náka nááyá i ihúényínyí ci hibúbé.

Malɛ́kus 1:10

Hú ayɛ́ Yésus ŋaá hámá e menyífé, u ŋa lɛ́cá Ɔmuaná me bíhúúne, *Efúúménénú yí Elilé á sɔ́ɔ́náka nááyá i ihúényínyí ci hibúbé.

Lúkas 3:21

Yɛ́ ŋaá bá anyía, ekúlú ayɛ́ nyɛkɔca nyɛ́ baacɔ ŋaá bá nyíé bíótókíne, Yésus ŋe ke bíótíne tɔ́na. Ekúlú ayɛ́ ú ŋaá bá waá bɛ́cɔ́kɔ́lɔ́kɛ́na Bandɔ́mɛsɛ́, Ɔmuaná ŋé bíhúúné.

Sáaŋ 16:13

Ekúlú eyí Elilé e yí ŋo tóŋínyi baacɔ taaká káá fáaya, yɛ́ káá banɔ́ tóŋgínyi ciátɛ́ taaká ikime. Yɛ́ tɛ káá táŋa hú a mááyɛ́ makɛ́nda ma bɛ́muátá, mbá yɛ́ káá banɔ́ láakɛna ɔtáŋa okime awɔ́ bá káá cáŋacaŋa o yiíyi laakɛna, yɔ́ banɔ́ láakɛna tɔ́na bɛsana a bɛ́ káá bɛ́kɛ́láka.

Buólí 10:11

Ɔmuaná ŋeé bíhúúné, bɔkɔ háyɛ yaandándá yɛ́ sanja sɔ́ɔ́náka ɔ ɔmɛsɛ́ ne *tubéŋú túnyíse tusúŋékénú.

Buólí 7:56

Mbá Itiene ɔsɛ : « Ɛ́náka, ɛ ŋa mɛ́ lɛcá nyiofine nyɛ́ Ɔmuaná me bíkúune, *Ɔɔ́nɔ́ u ɔɔcɔ ma tálɛ́mɛ́na a aháŋá yɛ́ ɔɔbɔ́ ú manɔ́mɛ ú Bandɔ́mɛsɛ́ ! »

Nyɛnambɔnɛna nyɛ́ bɛsana 1:10

Aáná, buɔ́sɛ́ a búmɔtɛ́ bú Otéŋí a Waáŋá, Elilé yɛ́ Bandɔ́mɛsɛ́ ŋeé mi oofíníne, ɛ tɛ háná bímenyi ; ɛ ŋá lɔ́kɔ́ma okelú ma bɛ́átábɔ́tɔ́na na makɛ́nda eémi e elime i iŋetí acɛ́ ɛsɛ́bɛ́,

Nyɛnambɔnɛna nyɛ́ bɛsana 1:12

Ɛ ŋa mɛ́ bɛ́kúálɛ́ta ɔ ɔlɛca ɔɔcɔ awɔ́ u ŋaá bá waá táŋáka na yaŋɔ́. Ɛ́makɛ́la yámɛ bɛ́kúálɛ́ta, ɛ ŋá lɛcá na bɛtálɛ́ná bɛ́ *lámba bítíndétú nɔ́mɔ bɛtábɔ́nákánɔ́ ne kóolo ne cííbú lámba.

Nyɛnambɔnɛna nyɛ́ bɛsana 1:19

Ɔɔ́ŋɔ́kɔ aná bɛsana abɛ́ ɔ ŋɔɔ́ lɛca aaha ; ɔɔ́ŋɔ́kɔ na a bɛ́ ŋa bɛ́kɛ́la aámbáya na a bɛ́ɔ cɔba ɔ ɔbɛ́kɛ́láka e elime cí eebi.

Nyɛnambɔnɛna nyɛ́ bɛsana 11:12

Ɛkákɛ́la bábɔ́ hátɔ́kɔ́na ɛndánáka, bá ká bɔ́ lɔ́kɔ́ma yaandándá yí okelú ú hulukune ɔ Ɔmuaná, ú beébe laakɛna ɔ́sɛ : « Ánɔ báátáka aaha. » Nyíábɔ́ nyɛbáátáka eényí ɔ Ɔmuaná a bɛlɔndɔ́ noómi, báábɔ́ beliŋine beébe lɛcaka.

Nyɛnambɔnɛna nyɛ́ bɛsana 11:19

*Ciíbe cɛ Bandɔ́mɛsɛ́ ɔ Ɔmuaná nyibíkúune eényí ; *hikóló hɛ́ nyɛlata nyí bumbénú ŋé bítóŋínyi. Aáná ɛmanyɛmanyɛ ŋeé túmé ɔmanyɛma, hiyúkúyúkú hí ikelú lɔ́kɔ́mákána, ɛmalamanda áátáka, nɔbɔ́lá nɔ́ andányɛ́ náaka buéŋí.

Nyɛnambɔnɛna nyɛ́ bɛsana 16:17

Aáná elilé yí bítíndétú nɔ́mɔ ŋe ke súkúne hííyé hindeŋé e mehúne. Okelú ŋá bɛ́átábɔ́tɔ́na buáŋá a nɔkɔná, ú húlúkúne eé Ciíbe cɛ Bandɔ́mɛsɛ́. Ú kɔɔnaka ɔ́sɛ : « Ɔmanɔ́ oócíʼo ! »

Nyɛnambɔnɛna nyɛ́ bɛsana 19:11

Aáná ɛ ŋa mɛ́ lɛcá Ɔmuaná me bíkúune, míɔ lɛca ciátɛ cɛ ambala a cɛmɔtɛ́ ifúlúndúndúé. Ɔɔcɔ awɔ́ u ŋaá bá bááta aá ciátɛ eécí ɔ ɔmuaná ŋaá bá wáá bɛ́lɔ́ŋɔ́kɔ ɔsɛ : « Ɔɔcɔ u mɔŋɔlɛ́, Taaká cɛ ɔmbasɔ́mbásɔ » ; u ŋaá bɔ́sɔna bɛsana, u nuusiki beliŋine aá taaká noómi.

Nyɛnambɔnɛna nyɛ́ bɛsana 22:6

Mbá yɛ́sɛ náámɛ : « Bɛsana bikime eébí abɛ́ ɔ́ mɔɔ́ lɔ́kɔ́máka áŋa bɛ́ ɔhákɛ́na mɔŋɔlɛ́ eé biíbi ; bɛ́áŋa tɔ́na taaká. Otéŋí a Waáŋá Bandɔ́mɛsɛ́ ŋe yiínjie yááyɛ́ Elilé né *behémúnyi bɛsana ɔ ɔnambɔnakɛna baacɔ bɛsana. Wuúci u ŋaá tɔ́ma elilé yɛ́ bɔsɔ́ma o okotóŋínyi bááyɛ́ bɔnyiɔnɔ bɛsana a bɛ́ á nyɛmána ɔbɛ́kɛ́láka hí aámbáya. »