Nyɛnambɔnɛna nyɛ́ bɛsana 3:4 - Nomaande

⁴ Ta híáná, bɔ́mɔtɛ́ belumitinine Kilís nɔ́ɔ́wɔ a Saalɛtɛs tɛ ɔ́mɔ́ bɔ́ háya bihíŋe a bíábɔ́ bɛlaŋa a nyɛkɛla nyɛ́ bɛɛbɛ́ bɛ́ bɛsana. Beébe, bá ká bɔ́ láŋábaka bɛlaŋa e bifúlúndúndúé, tú ké sú kéndikinyi ne beébe anyía bá bɔ́ŋa banyɛmánánɔ́.

Nyɛnambɔnɛna nyɛ́ bɛsana 3:4 Iomraidhean Croise

Matío 10:11

Ekúlú ekime ayɛ́ nu ká ká nɔ́ háma a bálɛ́ka a cɛmɔtɛ́ ta anyía a bunɔŋɔ a bumɔtɛ́, ánɔ aambáka ɔɔcɔ a wáŋa wu ɔ banɔ́ káha ; núénú wuúci bɔ́ŋɔ, énu limékíne nááyá ɔ ɔkɔɔ́háma ahá nu ká nɔ́ hátɔna.

Malɛ́kus 16:5

Bé ŋe bú óófíne noómi, bɔ́ lɛ́ca ɔnɔ́kɔ́ yɛ́ ɔɔcɔ eliménénú a yáábɔ́ aháŋá yɛ́ ɔɔbɔ́ ú manɔ́mɛ, ú ma láŋaba kaba e cifúlúndúndúé. Bulíkílíki ŋé beébe tímbíé.

Lúkas 20:35

mbá na banɔ́mɔcɔ́ ne beénjú abá Bandɔ́mɛsɛ́ káá lɛ́caka anyía bá ŋá bɔ́ nyɛmána bá ɔbá na nuafa na a hɛɛya a hɛ́ ŋa fáakɔna na a nyɛhaanyua nyí biwéewé, bó ko límekine a búáyɛ́ Bunɔŋɔ, bá tɛ ká bɔ́ bátɛ́na, bá tɛ́ tɔnɔ.

Lúkas 21:36

Nɔtɛ hɛ́táka hiiné, ánɔ bɛ́cɔ́kɔ́lɔ́kɛ́na Bandɔ́mɛsɛ́ bikúlú bikime, aáná nu ká nɔ́ bá na makɛ́nda me oweéhínyínyi bɛsana eébí bikime a bɛ́ á nyɛmána bɛ́ ɔbɛ́kɛ́láka, mbá nu bá bɛtálɛ́mánánɔ́ bɛ́ baacɔ eé buúse bɔ́ Ɔɔ́nɔ́ u ɔɔcɔ. »

Buólí 1:15

Buɔ́sɛ́ a búmɔtɛ́ ebú belumitinine ŋa bɔ́ bá babɛ́bándákánɔ́ hoóhi etíne étíndétú, Bíel ŋaá tálɛ́mɛ́ná aabɔ́ ɛ ɛkatɛ́katɛ́, ɔsɛ :

2 Tɛsaloníke 1:5

Bú ŋo tóŋínyi bɔmbányɛ bɔmbányɛ anyía Bandɔ́mɛsɛ́ kéé kélísíki baacɔ. Nyíáyɛ́ nyikélísi nyɛ́ bɛsana káá bá nyɛtálɛ́mánánɔ́. Ayɛ́ nú ŋe nú ééhínyínyi muuyé aáná, Bandɔ́mɛsɛ́ káá kɛ́la anyía núánɔ́ bámɔ́kɔ́nɛ́na banyɛmánánɔ́ o owoofokine a búáyɛ́ Butéŋí. A asana ne Butéŋí eébú nu ŋa nɔ́ lɔ́kɔ́ma muuyé.

Súute 1:23

Ɔ bɔsɔ́ɔ́kɔ́ ɔ bɔ́mɔtɛ́, énu beébe sɔ́mɔ́kɔ o oocó ú nyɛkála noómi ; ánɔ bɛ́cámáka mahana bɔsɔ́ɔ́kɔ́ ɔ bɔ́mɔtɛ́ bé etémbí tɔ́na, mbá nu bíkékényíki ɔlatana na bíábɔ́ bɛsana bikime, te hú bíábɔ́ bɛlaŋa, anyía bɛ́áŋa bɛ́tɔ́bɔ́kɔ́nɔ́ ne bihíŋe bɛ́ bɛsana e bí ŋeé beébe hámɛ́na ɛ ɛtɛ́má.

Nyɛnambɔnɛna nyɛ́ bɛsana 1:11

ɔsɛ : « Ɔɔ́ŋɔ́kɔ e nufule noómi bɔkɔ abɔ́ ɔ ŋɔɔ́ lɛca, mbá a tɔ́mɔ́kɔ́nɛ́na tuɔ́bɔ tú belumitinine Yésus tútíndétú nɔ́mɔ eetu aáná : Ɛfɛ́ɛsɛ, Simíiline, Bɛɛlɛkámɛ, Tɛatíil, Saalɛtɛs, Fɛlátɛ́lɛ́fi, Lawotisé. »

Nyɛnambɔnɛna nyɛ́ bɛsana 11:13

Hí e ekúlú eéyé, ɔmɛsɛ́ ŋeé bínyíétínyi na makɛ́nda ; aáná nuafa númɔtɛ́ nɔ́ tuafa túɔ́hátá nɔ́ yaandándá yɛ́ bálɛ́ka eéyé ŋaá káátíáka, baacɔ tɔ́sɛ́na ítíndétú nɔ́mɔ ŋe bú wéékúne e nyibínyíétínyi nyɛ́ ɔmɛsɛ́ eényí. Bulíkílíki ŋé tímbíéke baacɔ ɔ bɔ́mɔtɛ́ e bé ti omó bú wéékúne, bé ŋe túmé owiínjie Bandɔ́mɛsɛ́ nuúmi.

Nyɛnambɔnɛna nyɛ́ bɛsana 14:4

Baacɔ eébé ti ómo bú bítíse beénjú ; beébe ta ɔbɛ́tɔ́bɔ ne bihíŋe ta buɔ́sɛ́. Bá náŋa bábɔ́ látákɛ́na Ɔɔ́nɔ́ u Ɛtɔ́mbá haála hekime ; Bandɔ́mɛsɛ́ ŋeé beébe háŋɔ́náka ɛ ɛkatɛ́katɛ́ cɛ baacɔ bá ɔmɛsɛ́ anyía bábɔ́ bámɔ́kɔ́na háyɛ bɛtɔ́mɔtɔ́mɔ bɛ́ bɛnyɛ́ma bí esíéné bí owiínjíékíne na ná Bandɔ́mɛsɛ́ na ná Ɔɔ́nɔ́ u Ɛtɔ́mbá.

Nyɛnambɔnɛna nyɛ́ bɛsana 19:14

Aáná ɛlɔŋɔ ci bicénji bɛ́ Ɔmuaná ŋaá bá bíé wuúci látákɛ́na, bɛ́ báátákánɔ́ aá ciátɛ cɛ ambala ɔ ɔmuaná e cifúlúndúndúé ; bɛ́ ma láŋabaka bɛmbányɛ́kɛ́ bɛ́ bɛlaŋa e bifúlúndúndúé.

Nyɛnambɔnɛna nyɛ́ bɛsana 19:8

Bé ŋeé yiínjie oónjú oócí makɛ́nda ma ɔlaŋaba ambányɛ́kɛ́ yɛ́ bɔlaka e bufúlúndúndúé hú falándándá, bú manyɛmaka. » Ambányɛ́kɛ́ yɛ́ bɔlaka eébú ŋoó tóŋínyi bɛmbányɛ́kɛ́ bɛ́ abɛ́kɛ́lɛ́na a catálɛ́mánánɔ́ cá baacɔ bá Bandɔ́mɛsɛ́.

Nyɛnambɔnɛna nyɛ́ bɛsana 3:18

Yaátɛ́ asana i ŋe mí o lébe anyía faáya kɔ ɔɔ́ndɔ́ náámɛ kóolo ecí oocó me fúúmínyi ; aáná ɔ kɔ́ɔ́ bá taaká cɛ ɛnɔ́mɛ cɛ ɔɔcɔ. Kɔ́ ɔɔ́ndɔ́ tɔ́na bɛlaŋa e bifúlúndúndúé, biíbi laŋába aá cɛɛ́tɔ anyía a tɛ háná lɔ́kɔ́ma aatɔ́ ɔlama e úúwu onuti etémbí. Kɔ́ ɔɔ́ndɔ́ tɔ́na bɔkanyɛ́ bú obícébíkínyi e eése anyía ɔ háná ɔ lɛcakana.

Nyɛnambɔnɛna nyɛ́ bɛsana 3:5

Aáná muyáka mukime káá bɛ́háya bɔlaka e bufúlúndúndúé ; i ti ké mi nyímísi ta buɔ́sɛ́ nyíáyɛ́ nyiínyi e nufule nú olíhe. I ké mí muúmu kamɛna ne eé buúse bɔ́ Bandɔ́mɛsɛ́ ne eé buúse bɔ́ bíáyɛ́ *bililé bɛ́ masɔ́ma anyía muáŋa úúmi.

Nyɛnambɔnɛna nyɛ́ bɛsana 4:4

Tɔkɔná tú etémbí nyitíne ne túnyíse ŋaa bá bɔŋɔlɛna nɔkɔná nú buúse eénú ; *baáŋá nyitíne ne bényíse ŋa bɔ́ bá limekine hɔ́á. Bá ma laŋábaka bɛlaŋa e bifúlúndúndúé, beébe baháyánɔ́ bɛtamba bí butéŋí bí kóolo.

Nyɛnambɔnɛna nyɛ́ bɛsana 6:11

Aáná bá ŋa láŋáka baacɔ eébé bekime kaba e cifúlúndúndúé, bé ŋe beébe laana báyɛ : « Énu eéhínyínyi, ánɔ tátɛ́ta butíkítíki anyía ɔmbana ú baacɔ á nyɛmána. Yááŋa anyía bá ŋa nyɛmána bá ɔ cáŋa ɔɔ́nɔ́kɔ na báánɔ́ benyíinyí bé olumitinine na bíámɛ bikendinyi bí buólí háyɛ bá ŋaá banɔ́ ɔ́ɔ́nɔ́kɔ́. »

Nyɛnambɔnɛna nyɛ́ bɛsana 7:9

E elime eécí, ɛ ŋa háná ámɛ́ lɛca yaandándá yɛ́ bɔnɔnja bɔ́ baacɔ, baacɔ beéŋí a nyɛnamá anyɛ́ ta ɔɔcɔ tɛ ɔ́mɔɔ́ bá na makɛ́nda ma ɔfanaka. Bé ŋe bú húlúkúne na ɔ mɔnɔŋɔ mekime, na a tɔnyɛ́nɔ́ tukime, ne e ekúli ekime, na ɛ ɛtáŋa ikime. Bá ŋa bɔ́ tálɛ́mákɛ́na eé buúse na bɔ́ nɔkɔná na bɔ́ Ɔɔ́nɔ́ u Ɛtɔ́mbá. Bekime ŋa bɔ́ bá balaŋábákánɔ́ kaba e cifúlúndúndúé, bekime meé tímbíéke bɛcala a aabá bí o wuúci nyemikinyi.