Nyɛnambɔnɛna nyɛ́ bɛsana 3:3 - Nomaande

³ Bɛ́táá aná nyɛlɔ́kɔ́ma anyɛ́ ɔ ŋɔ́ɔ lɔ́kɔ́máka Bɛsana bɛ́ Bandɔ́mɛsɛ́ buáyá, wo biíbi káha bɔmbányɛ. Biíbi tétényíki mbá a bɛ́kákálákɛ́na búɔ́wɔ bɔɔbɛ́, mbá a sɔ́mba ɔkɔlɔ́ eé buúbu. Mbɔ́kɔ o ti ŋóo bíkékényi, ɛ ká mɛ ɔ hámɛ́na hú huasɛ, e ti menyi onjéŋí. Ɛ ká mɛ́ faaya háyɛ weébi.

Nyɛnambɔnɛna nyɛ́ bɛsana 3:3 Iomraidhean Croise

Matío 25:13

Yésus ŋo sólínyi ɔsɛ : « Ɛ́ɛhɛ́ nɔtɛ hɛ́táka hiiné, anyía nu ti ŋé nú ményi te ekúlú, te onjéŋí ú nyiámɛ nyɛkahálɔ́mɔ́na. »

Malɛ́kus 13:33

Énu bíkékényíki, nɔtɛ hɛ́táka hiiné, anyía nu ti ŋé nú menyi ekúlú ayɛ́ bɛsana eébí káá bɛ́kɛ́láka.

Malɛ́kus 13:36

Énu bíkékényíki anyía u tɛ banɔ́ kuána e hiiné, mbɔ́kɔ ú ŋgaá hálɔ́mɔ́na hú huasɛ !

1 Tɛsaloníke 5:2

anyía banɔ́ bɛ́muátá nu ŋe nú ményi bɔmbányɛ bɔmbányɛ anyía buɔ́sɛ́ ebú Otéŋí a Waáŋá ká ka hálɔ́mɔ́na, u ká ka hálɔ́mɔ́na hú huasɛ háyɛ weébi naŋa waá fáaya nebutúé, ɔɔcɔ tɛ bɛ́táta.

1 Timoté 6:20

Timoté, tétényíki bɔmbányɛ bɔkɔ ebú bó ŋo yóo cuméke, mbá á sámbáka ne tukókó tú etémbí ne etémbí e tú ŋe núúsi olumitinine, ne isuŋí e cí ŋo tóŋínyi omenyi a wɔ́mɔtɛ́ awɔ́ ú tɛ á bá taaká.

2 Timoté 1:13

Hulíkínyi taaká taaká cɛ́ bɛsana bɔkɔ búmɔtɛ́ háyɛ i ŋo mí o biíbi hulíkínyi, mbá e bíínjie ne o olumitinine ne o oléne bɔsɔ́ɔ́kɔ́ ; bɛsana eébí ŋeé hule e nyimónjóló anyɛ́ tua sɔ́ŋa ne Yésus Kilís.

Ebélé 2:1

Buátɛ́ bɔkɔ túásɔ́ nyɛ́maná tú o búle bíínjie ɔ ɔlátɛ́na bɛsana abɛ́ tú ŋa sɔ́ lɔ́kɔ́máká, anyía mbɔ́kɔ tu tɛ ŋá sɔ́ kɛ́la aáná, tú ma sɔ́ nána ohónyí.

2 Bíel 1:13

I ŋe mí menyi anyía ya mɛáŋa hoóhi ne owé ; aáná uusú Otéŋí a Waáŋá ŋeé mi tóŋínyi. Buátɛ́ bɔkɔ búáŋa butálɛ́mánánɔ́ anyía yámɛ banɔ́ bítéésíki bɛsana eébí, ekúlú ekime ayɛ́ ya mɛ́ánáŋa o olíhe, anyía nu ti wéékúne cɛɛ́tɔ.

2 Bíel 3:1

Baláamɛ bá ɔtɛ́má, ánɔ lɛcá : Núámɛ nufule nɔ́ ɔláta eenu ɛ ŋa mɛ́ banɔ́ ɔɔ́ŋɛ́na. Eémi e tufule tukime túfendí, ɛ ŋa mɛ́ banɔ́ bítéésíki bɛsana a bɛ́mɔtɛ́ anyía yámɛ banɔ́ héényíki ɛtɛ́má, núánɔ́ bámɔ́kɔ́nɛ́na na mɔsɔŋɛ́ e mefúúménénú a bɛɛtɔ́.

2 Bíel 3:10

Buɔ́sɛ́ bɔ́ nyɛkahálɔ́mɔ́na nyí Otéŋí a Waáŋá káá háma hú huasɛ, háyɛ weébi naŋa waá fáaya, ɔɔcɔ tɛ bɛ́tátá. Buɔ́sɛ́ eébú, ɛŋɔ́lɔ́muaná kéé séŋúlue hú fuab na yaandándá yí ekundí, oocó yó séŋúlísíki bɛnyɛ́ma bikime e bí ŋe iínjie eese ɛ ɛŋɔ́lɔ́muaná ; na ɔmɛsɛ́ na bíáyɛ́ bɛnyɛ́ma bikime bɛ́ɔ mánɔ́kɔ́na hú táákɔ.

Nyɛnambɔnɛna nyɛ́ bɛsana 16:15

Mbá Otéŋí a Waáŋá ɔsɛ : « Ɔ́ɔ lɛcá, yaŋɔ́ oócí kokóokó, háyɛ weébi ! Bɔmbányɛ né ooci ewú u ŋe tétényi bíáyɛ́ bɛlaŋa, yó limine wɔɔ́sɔ ɔ tɛ hɛ́ta hiiné, anyía u tɛ kanda onuti etémbí, u tɛ lɔ́kɔ́ma tɔ́na aatɔ́ ɔlama. »

Nyɛnambɔnɛna nyɛ́ bɛsana 2:25

ɛ́ tɛ ŋáa bá hú anyía nuénú tétényíki bɛsana abɛ́ nu ŋa nɔ́ cáŋa ɔwaákɔ́nɛ́na ɔ ɔkɔɔ́háma buɔ́sɛ́ abɔ́ ɛ ká ka mɛ hálɔ́mɔ́na.

Nyɛnambɔnɛna nyɛ́ bɛsana 2:5

Bɛ́tááka bɔmbányɛ haála ehé o ŋoó kúféténe wɔ́ɔ kua ; mbá á bɛ́kákálákɛ́na búɔ́wɔ bɔɔbɛ́, mbá á sɔ́mba ɔkɔlɔ́ eé buúbu ; mbá e tumútúne ɔkɛla bɛsana abɛ́ ɔ ŋɔɔ́ bá ɔ ɔkɛlaka buáyá. Mbɔ́kɔ ɔ tɛ ŋɔ́ kɛla aáná, ɛ ká ká mɛ ááŋía búɔ́wɔ bɔtálɛ́ná bɔ́ *lámba haála ahá búáŋa. Ɛ ká mɛ́ kɛlaka aáná mbɔ́kɔ ɔ tɛ ŋɔ́ɔ́ bɛ́kákálɛ́na búɔ́wɔ bɔɔbɛ́.

Nyɛnambɔnɛna nyɛ́ bɛsana 22:7

Yésus ɔsɛ : « Yaŋɔ́ ooci kokóokó ; bɔmbányɛ na baacɔ a bá ŋa bɔ́ látɛ́na bɛsana a bɛnambɔ́nákánɔ́ bí nufule eenu ! »

Nyɛnambɔnɛna nyɛ́ bɛsana 3:11

Kokóokó, yaŋɔ́ ooci hí aámbáya. Tétényíki bɔmbányɛ bɔmbányɛ bɛsana abɛ́ ɔ́ ŋɔ́ɔ waákɔ́nákɛ́na anyía ɔɔcɔ tɛ ɔ hɔɔ́nɔ yɔ́ɔ́wɔ atamba yí nuúmi.

Nyɛnambɔnɛna nyɛ́ bɛsana 3:19

Ɛ naŋa yámɛ kákálákɛ́na, i bɔ́nɔ́sɛ́áka eebe bekime ebé i ŋeé mi léne. Yaátɛ́ asana bíínjíé na makɛ́nda mekime o olumitinine, mbá a bɛ́kákálákɛ́na búɔ́wɔ bɔɔbɛ́, mbá a sɔ́mba ɔkɔlɔ́ eé buúbu.

Nyɛnambɔnɛna nyɛ́ bɛsana 3:2

Haanyúá, mbá e tétényíki bɛsana bí olumitinine a bíáŋa bɛlɔbɔ́kɔ́nɔ́ nɔ́ɔ́wɔ, anyía bí ti wéékúne bikime buúse bukime. Yááŋa anyía ɛ́ ma mɛ́ lɛcaka mɔ́ɔ́wɔ monyiókínyí tɛ á bá mefúúménénú bɔmbányɛ bɔmbányɛ eé buúse bɔ́ ciamɛ Bandɔ́mɛsɛ́.