Nyɛnambɔnɛna nyɛ́ bɛsana 3:1 - Nomaande

¹ « Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hɛ́ Saalɛtɛs anyía : “Aana Ooci a wáŋa ne bililé bítíndétu nɔ́mɔ a bɛ́áŋa eé buúse bɔ́ Bandɔ́mɛsɛ́, wuúci ú meé tímbie tunjoti tútíndétú nɔ́mɔ ɔ ɔɔbɔ́ ŋa kɔɔna ɔsɛ : I ŋe mí menyi búɔ́wɔ buólí, i menyukune anyía bó ŋo yó woómisi buéŋí anyía ɔ ɔ́ŋa wɔɔ́sɔ, yiíyi anyía ɔ ɔ́ŋa owéénú.

Nyɛnambɔnɛna nyɛ́ bɛsana 3:1 Iomraidhean Croise

Lúkas 15:24

anyía uumí ɔɔ́nɔ́ ooci ŋeé wé, ú ma háányua ; u ŋeé nyímé, ú mɔɔ́ bɔ́ŋɛ́a.” Bé ŋé túme obíléne.

Lúkas 15:32

Mbá tu ŋá sɔ́ nyɛmána tú ɔlɔ́kɔ́máka bɔmbányɛ, tu bílénéke, anyía ɔnɔ́ɔnyia ooci awɔ́ ɔ ŋɔɔ́ lɛca ŋeé wé, ú ma háányua ; u ŋeé nyíme, ú mɔɔ́ bɔ́ŋɛ́a.” »

Sáaŋ 1:16

Wáŋa onyíóyónó na yaála yí nuubo hú mbiɔ́kɛ ; ɛ́ɛhɛ́ aá basɔ́ bekime, u ŋo sólikinyi bɛsaya a bɛsaya.

Sáaŋ 1:33

Aá taaká ɛ ŋaá mɛ bá i ti emí ményi buáyá aányɛ́ wáŋa. Mbá Bandɔ́mɛsɛ́ u ŋaá mɛ tɔ́má aaha anyía yémi ootókíne baacɔ ne menyífé, wuúci ú ŋaá mɛ́ laána ɔsɛ : “Awɔ́ ɔ́ kɔ́ɔ́ lɛca Elilé á sɔ́ɔ́náka, yó límine nááyá, wuúci u kó yóotokine baacɔ ne Efúúménénú yí Elilé.”

Sáaŋ 20:22

Waá mánɔkɔna ɔtáŋa aáná, nyi beébe fuumitine mehúne eényí, mbá ɔsɛ náábɔ́ : « Ánɔ bámɔ́kɔ́na ne *Efúúménénú yí Elilé.

Sáaŋ 3:34

Ɔɔcɔ awɔ́ Bandɔ́mɛsɛ́ ŋaá tɔ́má ŋa kɔ́ɔna mehúnyi ma Bandɔ́mɛsɛ́ anyía Bandɔ́mɛsɛ́ ŋe wuúci sukúníne *Efúúménénú yí Elilé.

Buólí 2:33

Ekúlú eyí Yésus ŋaá bááta ɔ Ɔmuaná o okolímine a aháŋá yɛ́ ɔɔbɔ́ ú manɔ́mɛ ú Bandɔ́mɛsɛ́, Síkíne Bandɔ́mɛsɛ́ ŋée wuúci iínjíé *Efúúménénú yí Elilé ayɛ́ ú ŋaá bɛ́tánɛ́ná baacɔ, yiíyi eéyé ú maá tɔ́má náásɔ́. Yaátɛ́ asana nu ŋa nɔ́ lɛ́ca, nu lɔ́kɔ́máka buólí ebú yí ŋoo nyíosi.

Ɛfɛ́ɛsɛ 2:1

Nu ŋa nɔ́ bá buáyá háyɛ biwéewé eé buúse bɔ́ Bandɔ́mɛsɛ́ a asana na cáánɔ́ anana na maanɔ́ maabɛ́,

Ɛfɛ́ɛsɛ 2:5

basɔ́ abá tu ŋa sɔ́ bá háyɛ biwéewé, tu kɛlaka bɛɛbɛ́ bɛ́ bɛsana. Ta híáná, u ŋaá basɔ́ iínjie yɔɔ́sɔɔ́sɔ yí olíhe ɔlɔŋɔ ne Kilís anyía u ŋaá basɔ́ lénéké. A asana na yaála yí nuubo yɛ́ Bandɔ́mɛsɛ́ nua nɔ́ŋa bɔnɔhɔ́kɔ́nɔ́.

Kolóso 2:13

Buáyá nu ŋa nɔ́ bá háyɛ biwéewé anyía nu ŋa nɔ́ bá nuanɔ́ kɛ́laka bɛsana a bɛɛbɛ́, ɛ́cɛ Kilís tɛ ŋá banɔ́ aáŋíá a buɔ́lɛ́ bɔ́ nyíánɔ́ nyɛbɛ́kɛ́lɛ́na a nyɛɛbɛ́. Mbá aámbáya, Bandɔ́mɛsɛ́ má banɔ́ iínjie yɔɔ́sɔɔ́sɔ yí olíhe né Yésus Kilís, yɔ́ basɔ́ nyɛánɛnɛna maasɔ́ maabɛ́, basɔ́ bekime.

1 Timoté 5:6

Asana ɔ́mɔtɛ́, esíké eyí olíhe ú ɔmɛsɛ́ a yánáŋa o obíléníne áŋa ewéénú, ta yɛ́ cáŋa á bá anyía yɛ́ ŋa húánáná yɔɔ́sɔ.

Sáak 2:26

Aáná yááŋa anyíaʼo, háyɛ cɛɛ́tɔ ikime a cɛ́ tɛ á bá tɔ́na na hɛtányɛ́ áŋa iwéénú, híáná tɔ́na olumitinine okime awɔ́ ú tɛ á bá ne mekilíkínyí áŋa owéénú.

1 Bíel 1:11

Elilé yí Kilís ŋaá cáŋacáŋa o beébe tóŋgínyi anyía Kilís káá lɔ́kɔ́máka muuyé, mbá u bɔ́ŋɔ nuúmi e elime. Buátɛ́ bɔkɔ bá ŋa bɔ́ bɛ́kɛ́ndákɛ́na omenyi ne e ekúlú yɛ́ háányɛ́ bɛsana eébí káá bɛ́kɛ́láka na anyána bɛ́ káá bámɔ́kɔ́na.

Súute 1:12

Ɛ́ɛ, baacɔ eébé á bɔ́ŋa bɛɔ́mɔ́ a maŋanda amá nu ŋa nɔ́ bánda. Aáná bá ŋa bɔ́ nyíá, bá múákɛna buéŋí tɛ́ka na aatɔ́ ɔlama, bá tɛ bɛ́táá bɔsɔ́ɔ́kɔ́. Bá ŋa bɔ́ hɔ́á nɔbɔ́lá e nú ŋe híŋílíene, nɔ tɛ́ naa ; hú ehúne yí ŋe húne. Bá bɔ́ŋa háyɛ bɛtɔ́kɔ́ a bɛ́ tɛ á bá na bɛtámá te ekúlú ayɛ́ bá nyɛmána ɔkátáka bɛtámá. Bá bɔ́ŋa háyɛ bɛtɔ́kɔ́ a bɛlɔbákánɔ́ a bɛkaŋá, biíbi biwéékúnénú buúse bukime.

Nyɛnambɔnɛna nyɛ́ bɛsana 1:11

ɔsɛ : « Ɔɔ́ŋɔ́kɔ e nufule noómi bɔkɔ abɔ́ ɔ ŋɔɔ́ lɛca, mbá a tɔ́mɔ́kɔ́nɛ́na tuɔ́bɔ tú belumitinine Yésus tútíndétú nɔ́mɔ eetu aáná : Ɛfɛ́ɛsɛ, Simíiline, Bɛɛlɛkámɛ, Tɛatíil, Saalɛtɛs, Fɛlátɛ́lɛ́fi, Lawotisé. »

Nyɛnambɔnɛna nyɛ́ bɛsana 1:16

Ɔɔcɔ oócí ŋaá bá tímbie e úúyé ɔɔbɔ́ ú manɔ́mɛ tunjoti tútíndétú nɔ́mɔ ; nɔsala nɔ́ ɔhána a nɔ́ ŋa tɛa bɛháŋá bikime ŋaá bá nua hámɔ́kɔ́na a nyíáyɛ́ nyuúté. Búáyɛ́ buúse nɔmaka háyɛ ɔɔ́cɔ́ naŋa wá nɔmaka na makɛ́nda ɛ ɛkatɛ́katɛ́ cɛ buɔ́sɛ́.

Nyɛnambɔnɛna nyɛ́ bɛsana 1:20

Lɔ́kɔ́ma nyihembule a nyɛnámbánɔ́ ne nyí tunjoti tútíndétú nɔ́mɔ atɔ́ ɔ ŋɔɔ́ lɛca ɔɔ́mɛ ɔ ɔɔbɔ́ ú manɔ́mɛ na bɛtálɛ́ná bɛ́ lámba bítíndétu nɔ́mɔ bí kóolo : Tunjoti tútíndétú nɔ́mɔ áŋa tubílícínyínyí tú *bililé bɛ́ masɔ́ma bɛ́ Bandɔ́mɛsɛ́ bɛ́ tuɔ́bɔ tú belumitinine Yésus tútíndétú nɔ́mɔ ; bɛtálɛ́ná bɛ́ lámba áŋa tubílícínyínyí tú tuɔ́bɔ tú belumitinine eétú. »

Nyɛnambɔnɛna nyɛ́ bɛsana 1:4

Yaŋɔ́ Sáaŋ, ɛ ŋa mɛ́ banɔ́ ɔɔ́ŋɛ́na nufule eenu, banɔ́ tuɔ́bɔ tú belumitinine *Kilís tútíndétú nɔ́mɔ tú iisí cɛ Asi. Bandɔ́mɛsɛ́ a wáŋa wɔɔ́sɔ, u ŋaá bá, u ká ka hálɔ́mɔ́na, wá banɔ́ sáyábákɛ́na, wá banɔ́ iínjíékíne mbuumu ɛ ɛtɛ́má. Bililé bítíndétú nɔ́mɔ a bɛ́ ŋɔ́ nyíɔnɔ Bandɔ́mɛsɛ́ bɛ́ á banɔ́ sayábákɛ́na, bɛ́ á banɔ́ iínjiékíne tɔ́na mbuumu ɛ ɛtɛ́má ; bɛ́áŋa eé buúse bɔ́ núáyɛ́ nɔkɔná.

Nyɛnambɔnɛna nyɛ́ bɛsana 2:13

I ŋe mí menyi haála ehé o ŋoó limine, haála ahá Sátan áŋa otéŋí. Asana ɔ́mɔtɛ́, ɔ ɔ́ŋa obíínjíénú a asana na nyiámɛ nyiínyi, o ti omó mi bínéŋítínyi ta buɔ́sɛ́ o olumitinine, te ekúlú ayɛ́ bɔ́ ŋɔ yɔ́ɔ́nɔ́kɔ Antibas, uumi ɔmbasɔ́mbásɔ u mɔŋɔlɛ́, aanɔ́ ɛ ɛkatɛ́katɛ́ haála ahá Sátan ŋe límine.

Nyɛnambɔnɛna nyɛ́ bɛsana 2:19

I ŋe mí menyi na mɔ́ɔ́wɔ monyiókínyí, na núɔ́wɔ nulénéne, na nyíɔ́wɔ nyibíínjie o olumitinine ; ɛ tɛ nana úúwe oweéhínyínyi ú muuyé, na nyiɔ́wɔ nyiɔ́lɔ nyɛ́ bɔsɔ́ɔ́kɔ́. I ŋe mí menyi anyía mɔ́ɔ́wɔ monyiókínyí ma aámbáya áŋa meéŋí ɔ ɔhɔla ma buáyá.

Nyɛnambɔnɛna nyɛ́ bɛsana 2:2

ɔsɛ : I ŋeé mi menyi na mɔ́ɔ́wɔ monyiókínyí mekime na nyíɔ́wɔ nyibíínjie nyí buólí, na uúwu oweéhínyínyi ú muuyé. I ŋe mí menyi anyía ɔ tɛ́ ɔ́ bá wu olumitine baŋána ɔɔ́wɔ ɛ ɛkatɛ́katɛ́ ; ɔ ŋɔɔ́ bándɔ́náká baacɔ a bá ŋa bɔ́ kɔɔna anyía bá bɔ́ŋa *baacɔ bá ɛndɔ́ma, yiíyi anyía bá tɛ abɔ́ bá aáná ; wɔ́ɔ lɛca anyía bá bɔ́ŋa bafalafala.

Nyɛnambɔnɛna nyɛ́ bɛsana 2:9

I ŋe mí menyi ne muuyé mukime emú bó ŋo yóo wiínjie ne úúwe ɔsɔ́ka, yiíyi anyía ɔ ɔ́ŋa na bɔnɔ́mɛ. I ŋe mí menyi baacɔ a bá ŋa bɔ́ bɛ́lɔ́ŋɔ anyía *Besuif, beébe tɛ́ka aáná, bé ŋe bú o woóto ; mbá bá bɔ́ŋa baacɔ bá ɔlɔŋɔ ú benyemi *Sátan.

Nyɛnambɔnɛna nyɛ́ bɛsana 3:15

I ŋe mí menyi mɔ́ɔ́wɔ monyiókínyí ; i ŋe mí menyi anyía o ti ŋóo sioŋóno, a tɛ bálá. Ɛ ŋa mɛ́ hɔ́la oléne anyía óo sioŋónóko, ta anyía ɔ́ɔ báláka.

Nyɛnambɔnɛna nyɛ́ bɛsana 3:2

Haanyúá, mbá e tétényíki bɛsana bí olumitinine a bíáŋa bɛlɔbɔ́kɔ́nɔ́ nɔ́ɔ́wɔ, anyía bí ti wéékúne bikime buúse bukime. Yááŋa anyía ɛ́ ma mɛ́ lɛcaka mɔ́ɔ́wɔ monyiókínyí tɛ á bá mefúúménénú bɔmbányɛ bɔmbányɛ eé buúse bɔ́ ciamɛ Bandɔ́mɛsɛ́.

Nyɛnambɔnɛna nyɛ́ bɛsana 3:8

I ŋe mí menyi mɔ́ɔ́wɔ monyiókínyí ; i ŋe mí menyi anyía ɔ tɛ ŋɔ́ɔ́ bá na makɛ́nda meéŋí. Ta híáná, o ŋoó tétényíki bíámɛ bɛsana buéŋí, kuɔŋɔ́ te o mi bínéŋítínyi. Ɛ́ná, í me mí o kuunine ehenyi oówo eé buúse ; yiíyi ɔɔcɔ tɛ á bá wu okueye.

Nyɛnambɔnɛna nyɛ́ bɛsana 4:5

Na ɛmanyɛmanyɛ ne hiyúkúyúkú hɛ́ ɔtáŋa, na ɛmalamanda ŋaá bá bíé húlúkúne ɛ ɛkatɛ́katɛ́ cɛ nɔkɔná eénú. Lámba ítíndétú nɔ́mɔ ŋaá bá ɛciákánɔ́ tɔ́na hɔ́á eé buúse, cɛ́ nɔmaka beŋubeŋu ; cíáŋa bililé bítíndétú nɔ́mɔ a bɛ́ náŋa bɛ́á tálɛ́mákɛ́na eé buúse bɔ́ Bandɔ́mɛsɛ́.

Nyɛnambɔnɛna nyɛ́ bɛsana 5:6

Ɛ ŋá lɛcá *Ɔɔ́nɔ́ u Ɛtɔ́mbá ma tálɛ́mɛ́na ɛ ɛkatɛ́katɛ́ cɛ na nɔkɔná, na cɛ bɛnyɛ́ma bínyíse e bí ŋe bínyíényi, na cɛ baáŋá nyitíne ne bényíse. Ɔɔ́nɔ́ u Ɛtɔ́mbá oócí ŋaá bá háyɛ bé ne meé wuúci ɔ́ɔ́nɔ. U ŋaá bá na ɛndɔ́ŋɔ ítíndétú nɔ́mɔ ne eése étíndétú nɔ́mɔ a cááŋa bililé bítíndétú nɔ́mɔ abɛ́ Bandɔ́mɛsɛ́ ŋaá tɔ́mɔ́kɔ́ná ɔ ɔmɛsɛ́ okime.