Nyɛnambɔnɛna nyɛ́ bɛsana 21:3 - Nomaande

³ Aáná ɛ ŋaá lɔ́kɔ́má yaandándá yí okelú ma bɛ́átábɔ́tɔ́na, ú húlúkúne haála ahá nɔkɔná áŋa ; ú kɔ́ɔnaka buáŋá ɔ́sɛ : « Ánɔ lɛcáka, ooki ú Bandɔ́mɛsɛ́ ooci, wáŋa ɛ ɛkatɛ́katɛ́ cɛ baacɔ ; u kéé límekine ɔlɔŋɔ ne beébe. Aáná u káá bá ciábɔ́ Bandɔ́mɛsɛ́, beébe bááyɛ́ baacɔ.

Nyɛnambɔnɛna nyɛ́ bɛsana 21:3 Iomraidhean Croise

Sáaŋ 1:14

Buhúnyi ŋa bɛ́cáŋa ɔɔcɔ, ɔɔcɔ oócí ŋé limékíne aasɔ́ ɛ ɛkatɛ́katɛ́ na yááyɛ́ yaála yí nuubo ekime ; u basɔ́ tóŋgínyi taaká ikime, tu lɛcaka búáyɛ́ buáŋá, buáŋá e bú ŋé húle né Síkíne.

Sáaŋ 14:23

Yésus ɔsɛ : « Mu-mi-léne káá látákɛ́na úúmi ɔtáŋa. Ciamɛ Síkíne kéé muúmu lénéke. Na yaŋɔ́ na ciamɛ Síkíne, tu ká sɔ́ fáaya nááyá ; túó ko límékíne nááyá.

2 Kɔlɛ́ɛntɛ 6:16

Bɛbɔ́kɔ́bɔ́kɔ tɛ á bá ne nyilimíné eé *Ciíbe cɛ Bandɔ́mɛsɛ́ ; basɔ́ tua sɔ́ŋa Ciíbe cɛ Bandɔ́mɛsɛ́ a wáŋa wɔɔ́sɔ. Yááŋa háyɛ u ŋaá kɔɔna ɔsɛ : « I ké ké mí limekíne náábɔ́, ɛ kandaka a ciabɔ́ ɛkatɛ́katɛ́, míɔ bá ciabɔ́ Bandɔ́mɛsɛ́, beébe báámɛ baacɔ. »

2 Kɔlɛ́ɛntɛ 6:18

Ɛ́ɛhɛ́ ɛ ká mɛ bá cianɔ́ Síkíne, núɔ́ bámɔ́kɔ́na báámɛ baáná, ne e beénjú, na a banɔ́mɔcɔ́. Buhúnyi bú Síkíne Bandɔ́mɛsɛ́, Alámakɛ́nda, eébú búáŋa. »

1 Tɛsaloníke 3:11

Ɛ́ɛhɛ́ tu ŋa sɔ́ bɛ́cɔ́kɔ́lɛ́na Síkíne Bandɔ́mɛsɛ́ wuúci bɛ́muátá, tu bɛ́cɔ́kɔ́lɛ́na Otéŋí a Waáŋá Yésus anyía bá basɔ́ tóŋínyi ohónyí wú ɔfaaya náánɔ́.

Ebélé 11:16

Aá taaká bá ŋa bɔ́ bá bábɔ́ áambaka bunɔŋɔ a bɔ́ ŋa hɔ́la, buúbu búáŋa ɔ Ɔmuaná. Buátɛ́ bɔkɔ Bandɔ́mɛsɛ́ tɛ ŋáá lɔ́kɔ́ma aatɔ́ ɔlama ekúlú ayɛ́ ú ŋá bɛ́lɔ́ŋɔ anyía cíábɔ́ Bandɔ́mɛsɛ́. Yaátɛ́ asana ú ne meé beébe tábɔ́nákɛ́na bunɔŋɔ.

Ebélé 8:10

Mbá nyɛlatana nyí bumbénú anyɛ́ ɛ ká mɛ́ látana na baacɔ bé *Islayɛ́l ɔ mɔɔ́sɛ́ etéemé áŋa anyía ɛ ká mɛ́ kɛla anyía bébú menyi bíámɛ bikotí bɔmbányɛ, mío biíbi oofikinyi e cííbú ɛtɛ́má noómi. Aáná ɛ ká mɛ́ bámɛ́na ciabɔ́ Bandɔ́mɛsɛ́, bɔ́ bámɛ́na báámɛ baacɔ.

Ebélé 8:2

U ŋɔɔ́ nyiɔ búáyɛ́ buólí bú *mululi nyiínjie a muáŋá aá haála ahá Bandɔ́mɛsɛ́ áŋa. Ekúlú yɛ́ buáyá, beluli nyiínjie ŋa bɔ́ bá bábɔ́ nyíɔkɔ búábɔ́ buólí eé Ciíbe a cɛfalɛfákánɔ́ na bɔlaka ; baacɔ bé ŋe bú ciíci túméke na aabá, mbá haála ehé Yésus ŋɔɔ́ nyiɔ búáyɛ́ buólí áŋa taaká taaká cɛ haála ahá Bandɔ́mɛsɛ́ ŋaá tábɔ́náka, tɛ́ cáŋa baacɔ.

Nyɛnambɔnɛna nyɛ́ bɛsana 10:4

Ɛ́makɛ́la cɛ́ á yáátáka aáná, ɛsɛ́ yámɛ ɔ́ɔ́ŋɔ́kɔ bɛsana abɛ́ cɛ́ ŋa kɔɔnaka, mbá ɛ ŋá lɔ́kɔ́ma okelú a wúmɔtɛ́ wé húlúkúne ɔ Ɔmuaná ɔ́sɛ : « Buaka, atɛ ɔ́ɔ́ŋɔ, tétényíki yáaŋa indiitie bɛsana bɛ́ ɛmalamanda eébí. »

Nyɛnambɔnɛna nyɛ́ bɛsana 10:8

Aáná okelú awɔ́ ɛ ŋa cáŋa ámɛ lɔ́kɔ́ma wé húlúkúne ɔ Ɔmuaná ŋa háná táŋáka na yaŋɔ́, ɔ́sɛ : « Ké ké híite nufule e nuhúúnénú, nuúnu núáŋa ɔ ɔɔbɔ́ ú elilé yɛ́ bɔsɔ́ma a yááŋa atákánɔ́ ɔkɔlɔ́ ɔ́mɔtɛ́ aá nuɔmɔ́, ooci a wɔ́mɔtɛ́ ɔ ɔmɛsɛ́. »

Nyɛnambɔnɛna nyɛ́ bɛsana 12:10

E elime eécí, ɛ ŋa mɛ́ lɔ́kɔ́ma yaandándá yí okelú yí húlúkúne ɔ Ɔmuaná, yɛ́ kɔɔnaka yɛ́sɛ : « Aámbáya ekúlú yɛ́ nyɛkɔmba má kaáháma ! Bandɔ́mɛsɛ́ me tóŋínyi na mááyɛ́ makɛ́nda na búáyɛ́ butéŋí ; makɛ́nda me butéŋí a yáaŋa a aabá cá ciayɛ́ *Mesíi, anyía bá ma nyɛ́kɛtɛna ɔ ɔmɛsɛ́ musɔ́mɛ́na báásɔ́ benyíinyí. Muúmu mu ŋaá bá mué beébe sɔ́mɔ́kɛ́na ne nebutúé na nabuɔ́sɛ́ ná cíásɔ́ Bandɔ́mɛsɛ́.

Nyɛnambɔnɛna nyɛ́ bɛsana 21:7

A muyáka mukime i ké mí iínjíékíne bɛnyɛ́ma eébí ; ɛ ká mɛ́ bá ciayɛ́ Bandɔ́mɛsɛ́, wuúci uumi ɔɔ́nɔ́.

Nyɛnambɔnɛna nyɛ́ bɛsana 22:3

Nyɛlɔmɔ nyikime tɛ káá bá buúse bukime a bálɛ́ka eécí noómi. Nɔkɔná nɔ́ na Bandɔ́mɛsɛ́ na Ɔɔ́nɔ́ u Ɛtɔ́mbá káá bá hɔ́á aáná, bɔnyiɔnɔ bá Bandɔ́mɛsɛ́ ké bú wuúci nyemiki ;

Nyɛnambɔnɛna nyɛ́ bɛsana 7:15

Yaátɛ́ asana, ɛ naŋa bábɔ́ tálɛ́mákɛ́na eé buúse bɔ́ nɔkɔná nɔ́ Bandɔ́mɛsɛ́ ; bé wuúci nyemiki ne nebutúé na nabuɔ́sɛ́ aá cíáyɛ́ Ciíbe. Ooci a wáŋa limine a nɔkɔná kéé beébe lindieke.