Nyɛnambɔnɛna nyɛ́ bɛsana 2:5 - Nomaande

⁵ Bɛ́tááka bɔmbányɛ haála ehé o ŋoó kúféténe wɔ́ɔ kua ; mbá á bɛ́kákálákɛ́na búɔ́wɔ bɔɔbɛ́, mbá á sɔ́mba ɔkɔlɔ́ eé buúbu ; mbá e tumútúne ɔkɛla bɛsana abɛ́ ɔ ŋɔɔ́ bá ɔ ɔkɛlaka buáyá. Mbɔ́kɔ ɔ tɛ ŋɔ́ kɛla aáná, ɛ ká ká mɛ ááŋía búɔ́wɔ bɔtálɛ́ná bɔ́ *lámba haála ahá búáŋa. Ɛ ká mɛ́ kɛlaka aáná mbɔ́kɔ ɔ tɛ ŋɔ́ɔ́ bɛ́kákálɛ́na búɔ́wɔ bɔɔbɛ́.

Nyɛnambɔnɛna nyɛ́ bɛsana 2:5 Iomraidhean Croise

Matío 5:14

Banɔ́, nua nɔ́ŋa eese yɛ́ ɔmɛsɛ́. Bálɛ́ka a cɛáŋa ɛfalɛ́fákánɔ́ a nɔkɔndɔ ɔ ɔmuaná tɛ a bá cɛ ɔbɛ́námba.

Matío 5:15

Bá náŋa bá tɛ á cia *lámba anyía bé ciíci húé a alɔŋgá noómi. Mbá bá ŋaá cia lámba anyía bé ciíci háya a búáyɛ́ bɔtálɛ́ná, anyía baacɔ bekime a bá bɔ́ŋa eé ciíbe ábɔ́ bɛ́lɛ́cákɛna.

Malɛ́kus 12:9

Mbá Yésus ɔsɛ : « A nyíánɔ́ nyɛlɛca, aátɛ́ muútí esíéné káá kɛ́laka e ? Tɛ́ka u kɔ́ kɔ yɔɔ́nɔ́kɔ betétényi esíéné eébé, yó wiínjie né betétényi bé etémbí e ?

Lúkas 1:17

U káá cáŋa a faaya né Otéŋí a Waáŋá. U káá bá onyíóyónó ne Elilé yɛ́ Bandɔ́mɛsɛ́ na makɛ́nda bɔkɔ búmɔtɛ́ háyɛ *muhémúnyi bɛsana Éli, anyía wɔ́ kɔ́ŋɔ́náka ɛtɛ́má cí síkíne o oléne báábɔ́ baáná, yó lébéke ba-tɛ-lɔ́kɔ́mɛ́na Bandɔ́mɛsɛ́ anyía bá bámɔ́kɔ́na ne injiŋé, bɔ́ bɛ́cáŋáka bɛtálɛ́mánánɔ́ bɛ́ baacɔ. U káá bándáka bunɔŋɔ bɔ́ baacɔ a bɔ́ káá bá bɔbɛ́tábɔ́nákánɔ́ o onyemi Otéŋí a Waáŋá. »

Lúkas 20:16

Tɛ́ka mu kɔ́ kɔ yɔɔ́nɔ́kɔ betétényi esíéné eébé, muó wiínjie esíéné né betétényi bé etémbí. » Ɛ́makɛ́la baacɔ eébé ábɔ́ lɔ́kɔ́má aáná, mbá báyɛ : « Etémbí eécí, bɔkɔ tɛ á bá bú ɔbɛ́kɛ́láka aáná ! »

Kalasi 5:4

Banɔ́ eebe abá nu ŋa nɔ́ bɛ́táá anyía nua nɔ́ŋa nú ɔbá bɛtálɛ́mánánɔ́ bɛ́ baacɔ eé buúse bɔ́ Bandɔ́mɛsɛ́ anyía nyɛlátɛ́na nyí bikotí bí *Besuif, énu menyi anyía nú ma nɔ́ aálɔ́nána ne Kilís ; yááyɛ́ yaála yí nuubo tɛ á bá yɛ́ ɔ háná bá náánɔ́.

Filibí 2:15

ananyía mbá núánɔ́ bámɔ́kɔ́na bíáyɛ́ bifúúménénú bɛ́ baáná, tɛ́ka na hɛkɔma, ta na hɛkɛ́bɛ́lɛ ɛ ɛkatɛ́katɛ́ cɛ bɛɛbɛ́ bɛ́ baacɔ bá hɛɛya hɛ́ ɔmɛsɛ́ ooci. Énu numísíki eese aabɔ́ ɛ ɛkatɛ́katɛ́ i iŋetí ci tunjoti a tɔ́ ŋa nɔ́ma ɛ ɛŋɔ́lɔ́muaná,

Ebélé 10:32

Ánɔ bɛ́tááka ekúlú yí buúsebuúse eyí nú ŋe nú lúmítíníne Ambányɛ yɛ́ Ɛsɔ́ma, ta yɛ́ cáŋa á bá anyía baacɔ ŋa bɔ́ banɔ́ tékeséke buéŋí, etéeyé ekúlú nu ŋe nú eéhíkínyínyí.

2 Bíel 3:17

Baláamɛ bá ɔtɛ́má, a yáánɔ́ aháŋá nua núáŋa o omenyi bɛsana eébí, bá maá banɔ́ kúuneke biité. Yaátɛ́ asana, énu bíkékényíki aná, nɔtɛ bɛ́nyɛ́ána anyía baŋána eébé ábɔ́ banɔ́ nénísíki ohónyí na yáábɔ́ aabɛ́ yɛ́ nyɛbɛ́kɛ́lɛ́na, bɔ́ banɔ́ aáŋíáka mɔŋɔlɛ́ a mɔɔ́nɛ́nánɔ́ a maáŋa e cíínú ɛtɛ́má noómi.

Súute 1:24

Túé nyemíki Ooci a wáŋa na makɛ́nda ma ɔ banɔ́ tétényíki anyía nu ti kúféténe buúse bukime, wuúci wáŋa wu ɔkɔɔ́ banɔ́ hámánána ne obíléne a núáyɛ́ nuúmi noómi tɛ́ka na hɛkɔma.

Nyɛnambɔnɛna nyɛ́ bɛsana 1:20

Lɔ́kɔ́ma nyihembule a nyɛnámbánɔ́ ne nyí tunjoti tútíndétú nɔ́mɔ atɔ́ ɔ ŋɔɔ́ lɛca ɔɔ́mɛ ɔ ɔɔbɔ́ ú manɔ́mɛ na bɛtálɛ́ná bɛ́ lámba bítíndétu nɔ́mɔ bí kóolo : Tunjoti tútíndétú nɔ́mɔ áŋa tubílícínyínyí tú *bililé bɛ́ masɔ́ma bɛ́ Bandɔ́mɛsɛ́ bɛ́ tuɔ́bɔ tú belumitinine Yésus tútíndétú nɔ́mɔ ; bɛtálɛ́ná bɛ́ lámba áŋa tubílícínyínyí tú tuɔ́bɔ tú belumitinine eétú. »

Nyɛnambɔnɛna nyɛ́ bɛsana 16:9

Aáná yaandándá yɛ́ ɔbála eéyé ŋaá hákáká baacɔ ; ta híáná, baacɔ eébé ŋe bú túmé ɔwɔɔ́mbɔ́na nyiínyi nyɛ́ Bandɔ́mɛsɛ́, anyía wuúci u ŋé téŋínyi muuyé eémú. Bé ŋe bú kínéké ɔbɛ́kákálɛ́na máábɔ́ maabɛ́, anyía bébú iínjíékíne Bandɔ́mɛsɛ́ nuúmi.

Nyɛnambɔnɛna nyɛ́ bɛsana 2:16

Bɛ́kákálákɛ́na búɔ́wɔ bɔɔbɛ́ aná, mbá a sɔ́mba ɔkɔlɔ́ eé buúbu ; mbɔ́kɔ ɔ tɛ ŋɔ́ bɛ́kákálɛ́na búɔ́wɔ bɔɔbɛ́, ɛ ŋa mɛ́ faakɔna fiaŋɔ nɔ́ɔ́wɔ, míɔ támba biité na baacɔ eébé na nɔsala nɔ́ ɔhána a nɔ́ ŋaá háma eémi e nyuúté.

Nyɛnambɔnɛna nyɛ́ bɛsana 2:19

I ŋe mí menyi na mɔ́ɔ́wɔ monyiókínyí, na núɔ́wɔ nulénéne, na nyíɔ́wɔ nyibíínjie o olumitinine ; ɛ tɛ nana úúwe oweéhínyínyi ú muuyé, na nyiɔ́wɔ nyiɔ́lɔ nyɛ́ bɔsɔ́ɔ́kɔ́. I ŋe mí menyi anyía mɔ́ɔ́wɔ monyiókínyí ma aámbáya áŋa meéŋí ɔ ɔhɔla ma buáyá.

Nyɛnambɔnɛna nyɛ́ bɛsana 2:2

ɔsɛ : I ŋeé mi menyi na mɔ́ɔ́wɔ monyiókínyí mekime na nyíɔ́wɔ nyibíínjie nyí buólí, na uúwu oweéhínyínyi ú muuyé. I ŋe mí menyi anyía ɔ tɛ́ ɔ́ bá wu olumitine baŋána ɔɔ́wɔ ɛ ɛkatɛ́katɛ́ ; ɔ ŋɔɔ́ bándɔ́náká baacɔ a bá ŋa bɔ́ kɔɔna anyía bá bɔ́ŋa *baacɔ bá ɛndɔ́ma, yiíyi anyía bá tɛ abɔ́ bá aáná ; wɔ́ɔ lɛca anyía bá bɔ́ŋa bafalafala.

Nyɛnambɔnɛna nyɛ́ bɛsana 3:19

Ɛ naŋa yámɛ kákálákɛ́na, i bɔ́nɔ́sɛ́áka eebe bekime ebé i ŋeé mi léne. Yaátɛ́ asana bíínjíé na makɛ́nda mekime o olumitinine, mbá a bɛ́kákálákɛ́na búɔ́wɔ bɔɔbɛ́, mbá a sɔ́mba ɔkɔlɔ́ eé buúbu.