Nyɛnambɔnɛna nyɛ́ bɛsana 2:3 - Nomaande

³ O no moó bíínjie buéŋí ɔ ɔlɔ́kɔ́ma muuyé aámɛ a asana, a tɛ tɔmbɔ.

Nyɛnambɔnɛna nyɛ́ bɛsana 2:3 Iomraidhean Croise

Malɛ́kus 15:21

Ekúlú ayɛ́ bá ŋaá bá bábɔ́ cɔ́cɔbakana Yésus o okoó wuúci aátɛ́na ɔ ɔmbásá, Símon, ɔɔcɔ a wɔmɔtɛ́ u bálɛ́ka ci Silɛ́ɛn, ŋaá bá waá hɔ́laka aáhá, u ke yéélúéke e esíéné ; u ŋaá bá síkíne cɛ na Alɛkɛsándɛlɛ ne Lúfus. Bicénji ŋe bú wuúci eékínyi ɔbɛ́túáhɛ́na ɔmbásá ú Yésus.

Lúkas 14:27

Ɔɔcɔ okime ewú é kíne ɔháya úúyé owé a ambalá, mbá u mɛ látáka, u tɛ á bá wu ɔbámɔ́kɔ́nɛ́na muamɛ́ muákɔ́nɛ́na.

Lúkas 18:1

Yésus ŋeé beébe túmíne ɛnjaba eeci anyía weé beébe tóŋínyi anyía bá ŋá bɔ nyɛmána bé o búle bɛ́cɔ́kɔ́lɛ́na Bandɔ́mɛsɛ́ bikúlú bikime, bá tɛ́ kasa ta buɔ́sɛ́,

Lúkas 21:19

énu eéhínyínyi mbá nu nohiki cíínú ilíhe. »

Lúkas 5:5

Símon ŋé wuúci bɛ́káma ɔsɛ : « Taatá, tú me su lúmbeke buutú bukime, tú ɔ́ tɔ́mbɔ, tu tɛ ɔ́mɔ sɔ́ ɔ́ɔ́nɔ ta bɔkɔ. Mbá ɔɔ́wɔ a nyɛkɔɔna, míɔ cɔba ɔ ɔkɛla anyía bá háná ááhakɛna mɔhɔ́tɔ́ e menyífé. »

Lúkas 8:15

Eeme tɔ́na a má ŋa kuakɔ́na a ambányɛ yɛ́ ɔmɛsɛ́ áŋa háyɛ baacɔ a bá ŋa bɔ́ lɔ́kɔ́máka Bɛsana bɛ́ Bandɔ́mɛsɛ́ na atálɛ́mánánɔ́ yɛ́ ɔtɛ́má, bé biíbi tétényíki bɔmbányɛ e cííbú ɛtɛ́má, bé ti biíbi bɛ́hɔ́ya, bá hááka ne oweéhínyínyi bɛtámá háyɛ bɛnyɛ́ma a bɛ́ ŋaá háá. »

Sáaŋ 15:21

Bɛsana eebi bikime, bá ká bɔ́ banɔ́ kɛ́laka a yáámɛ asana anyía bé ti ŋé bú ményi Mu-mɛ-tɔ́ma.

Lóom 12:12

Aáná, énu bílénéke ekúlú ekime, nu hákɛ́na mɔŋɔlɛ́ ná Bandɔ́mɛsɛ́. Énu eéhíkínyínyi muuyé na yɔɔ́nɛ́nánɔ́ yɛ́ ɔtɛ́má, nuó bíínjie na makɛ́nda ɔ ɔbɛ́cɔ́kɔ́lɛ́na Bandɔ́mɛsɛ́ ekúlú ekime.

Lóom 16:12

Énu mi téŋítínyi ne Tilífɛn ne Tilífos ; beébe bá ŋa bɔ́ nyíɔnɔ Otéŋí a Waáŋá buólí, bá lɔ́kɔ́máka muuyé mukime. Énu téŋíti tɔ́na uumi onyíinyí e woónjú u ɔtɛ́má Bɛlɛ́sit, wuúci u ŋaá lɔ́kɔ́máká muuyé muéŋí e buólí bú Otéŋí a Waáŋá.

Lóom 2:7

Aáná, a aháŋá na baacɔ e bé ŋe bú bíínjie ɔ ɔkɛla bɛmbányɛ bɛ́ bɛsana, bá aambaka anyía Bandɔ́mɛsɛ́ é beébe iínjie nuúmi, wé beébe bɛ́sɔ́mɔ́kɔ, wé beébe iínjíékíne ɛndɛfɔnɔ́ cɛ cɛɛ́tɔ : Beébe eébé u káá kɛla anyía bébú líhéke yɔɔ́sɔɔ́sɔ yí olíhe yí ekúlú ekime.

Lóom 8:25

Mbá tua suánáŋa na mɔŋɔlɛ́ a bɔkɔ abɔ́ tu tɛ ŋá sɔ́ lɛca ; aáná tú me sú eéhínyínyi o buúbu tátá.

1 Kɔlɛ́ɛntɛ 13:7

Muléne bɔsɔ́ɔ́kɔ́ ŋaá nyɛanɛnɛna baacɔ bɛsana a bɛɛbɛ́ bikime, mu lumitekinine bɛsana a bɛmbányɛ bikime, mu hákɛ́na mɔŋɔlɛ́ a bɔkɔ bukime, mu eéhíkínyínyi bɛsana bikime.

1 Kɔlɛ́ɛntɛ 16:16

Ánɔ lɔ́kɔ́mákɛ́na na nyɛnamá nyɛ́ baacɔ eényí ne eebe bekime a bá ŋa bɔ́ nyiɔ buólí bɔkɔ búmɔtɛ́ ne beébe.

2 Kɔlɛ́ɛntɛ 10:15

Aáná tu ti ŋé sú bíbééti ɔ ɔhɔla e buólí abɔ́ bɔsɔ́ɔ́kɔ́ ŋa bɔ́ nyiɔkɔ. Mbá, maasɔ́ mɔŋɔlɛ́ áŋa anyía úúnú olumitinine ŋa cɔba ɔ ɔwɔɔ́nɛ́na ɔ ɔhɔla a nyɛnamá anyɛ́ tu ká sɔ́ nyiɔkɔ buólí bú etémbí e buéŋí náánɔ́ a makɛ́nda amá bá ŋaá basɔ́ iínjie.

2 Kɔlɛ́ɛntɛ 11:23

Ta bá bɔ́ŋa bɔnyiɔnɔ *Kilís, yaŋɔ́ tɔ́na i ŋe mí wuúci nyiɔnɔ buólí o o beébe hɔ́la, ɛ ŋa mɛ́ táŋa aaha háyɛ ɔɔcɔ awɔ́ u tɛ a bá tɔ́na na aatɔ́. Yááŋa anyía ya mɛ́ŋa ɔnyiɔ́kɔ́nɔ́ ɔ ɔhɔla, bé húlé mɛ hákɛ́na eé meébe ma ɛcaná ɔ ɔhɔla, bá mɛ sábáka o onuti bikúlú biéŋí ɔ ɔhɔla, owé mi numbékine.

2 Kɔlɛ́ɛntɛ 4:1

Yááŋa anyía Bandɔ́mɛsɛ́ ŋaá basɔ́ bɛ́cámá mahana a yááyɛ́ ambányɛ yɛ́ ɔtɛ́má, yɔ́ basɔ́ íinjie buólí eebu ; yaátɛ́ asana tu tɛ asɔ́ bá tú ɔkasaka.

2 Kɔlɛ́ɛntɛ 4:16

Yaátɛ́ asana tu tɛ ŋá sɔ́ bɛ́nyɛ́ána anyía makasa á basɔ́ tímbíéke ; ta ciasɔ́ cɛɛ́tɔ ŋe húlé ɔtɔmbɔ butíkítíki butíkítíki, híísú hɛtányɛ́ ŋe bíkúmbútúne a mɔɔ́sɛ́ mekime.

2 Kɔlɛ́ɛntɛ 5:9

Ɛ́ɛhɛ́ tu ŋa cáŋa asɔ́ aamba o wuúci bíléníne, ta basɔ́ ɔ ɔmɛsɛ́ ooci, ta basɔ́ ɔ Ɔmuaná nááyá.

2 Kɔlɛ́ɛntɛ 6:5

Ta bá basɔ́ súbéke, ta bá ŋaá basɔ́ háya eé ciíbe cɛ ɛcaná, te bó yoósíkínyi baacɔ ɔ ɔ basɔ́ núúsi, te tuésú wéékúne buólí, tu tɛ hɛ́ta, tu tɛ nyíá tɔ́na,

Kalasi 6:2

Ánɔ ɔ́ɔ́lɔ́kɔ́nɔ́ e ekúlú yí muuyé. Mbɔ́kɔ nu ŋa nɔ́ kɛ́la aáná, nu ká nɔ́ látákɛ́na okotí yí Kilís.

Kalasi 6:9

Túá cɔbá ne buúse ɔ ɔkɛla bɛmbányɛ bɛ́ bɛsana, tu tɛ tɔmbɔ, anyía tu ké sú híiteke bɛmbányɛ bɛ́ bɛnyɛ́ma ɛ́cɛ ekúlú ma nyɛ́mana.

Filibí 2:16

nu beébe hulikinyi ɛsɔ́ma e cí ŋe líhísi baacɔ. Mbɔ́kɔ nu ŋa nɔ́ kɛla aáná, buɔ́sɛ́ ebú Yésus *Kilís ká ka hálɔ́mɔ́na ɛ káá mɛ bá háyɛ nyitíne nyí bilúŋe aanɔ́ a aháŋá, bú tóŋgínyi baacɔ anyía buólí abɔ́ ɛ ŋa mɛ́ nyiɔ́kɔ na makɛ́nda meéŋí tɛ ɔ́mɔ́ bá bú nubókó.

Filibí 4:3

Ɔɔ́ kuɔŋɔ́ yáámɛ́ ekendinyi yí buólí, ɛ ŋɔ mɛ́ ɔ bata anyía óo beébe ɔɔ́lɛ́ta a nyɛlɔ́kɔ́mána eényí ; beénjú eébé ŋa bɔ́ núáka ɛcálɛ ɔlɔŋɔ na yaŋɔ́ e nyihulinyi nyɛ́ Ambányɛ yɛ́ Ɛsɔ́ma a baacɔ, ta Kɛ́lɛ́maŋ áyá ɔlɔŋɔ na baacɔ bé etémbí abá tu ŋá sɔ́ nyiɔ́kɔ buólí ɔlɔŋɔ ɔ́mɔtɛ́. Beébe eébé cáábɔ́ eénye áŋa cɔɔ́ŋɔ́kɔ́nɔ́ e nufule nú olíhe.

Kolóso 1:11

Bandɔ́mɛsɛ́, a mááyɛ́ makɛ́nda me nuúmi, káá banɔ́ íinjie yɔɔ́nɛ́nánɔ́ yɛ́ ɔtɛ́má, anyía núánɔ́ nɔ́mátákána muuyé, nu ééhíkínyi bɔsɔ́ɔ́kɔ́ o obíléne noómi.

1 Tɛsaloníke 1:3

Yááŋa anyía tu ŋa sɔ́ bɛ́táá búánɔ́ buólí ekúlú ekime ayɛ́ tu ŋa sɔ́ bɛ́cɔ́kɔ́lɛ́na ciasɔ́ Síkíne Bandɔ́mɛsɛ́, anyía nu ŋe nú lumitinine, nu lɛcaka muuyé o o wuúci léne ; tu ŋa sɔ́ bɛ́táá tɔ́na háyɛ nú me nú óónyísínyi maanɔ́ mɔŋɔlɛ́ né Otéŋí a Waáŋá Yésus *Kilís.

1 Tɛsaloníke 2:9

Baláamɛ, tɛ́ka nua núánáŋa ɔ ɔbɛ́táá na muasɔ́ muuyé ne buólí abɔ́ tu ŋá sɔ́ bá tuasɔ́ nyíɔkɔ ne nebutúé na nabuɔ́sɛ́ anyía tu ti yébi ɔɔcɔ ɔmɔtɛ́ aá banɔ́ a asana na bɛnyɛ́ma bɛ́ ɔnyíá e ? Yaátɛ́ ekúlú eéyé tu ŋa sɔ́ banɔ́ húlíkínyi ne uúsú ɔtɛ́má okime Ambányɛ yɛ́ Ɛsɔ́ma e yí ŋeé húle ná Bandɔ́mɛsɛ́.

1 Tɛsaloníke 5:12

Benyíinyí, tu ŋa sɔ́ banɔ́ láana anyía énu kékéke bɔmbányɛ bɔnyiɔnɔ Bandɔ́mɛsɛ́ buólí bá cianɔ́ ɛkatɛ́katɛ́, beébe eébé Otéŋí a Waáŋá ŋeé télímíkínyi eénú eé buúse anyía bábɔ́ banɔ́ eékúnyíki ɔlátɛ́na uúyé ohónyí.

2 Tɛsaloníke 3:13

Aá banɔ́ báásɔ́ benyíinyí, nɔtɛ tɔmbɔ ɔkɛla bɛmbányɛ bɛ́ bɛsana.

2 Tɛsaloníke 3:5

Otéŋí a Waáŋá é kendíki cíínú ɛtɛ́má ɔ ɔlɔ́kɔ́ma bɔmbányɛ na anyána Bandɔ́mɛsɛ́ ŋaá basɔ́ léne na anyána nua nɔ́ŋa nú oweéhíkínyínyi muuyé háyɛ *Kilís.

2 Tɛsaloníke 3:8

Tu tɛ ɔ́mɔ sɔ́ bata ɔɔcɔ a wɔmɔtɛ́ anyía wá basɔ́ túkéke e etémbí, mbá tu ŋa sɔ́ bá túásɔ́ nyiɔkɔ buólí na makɛ́nda ne nebutúé na nabuɔ́sɛ́ ; túó lumitine oweéhínyínyi ne muuyé na ɔtɔmbɔ anyía tu tɛ asɔ́ banɔ́ oóndó a amɛna a asana na bíásɔ́ bɛnyɛ́ma bɛ́ ɔnyíá.

1 Timoté 4:10

Yááŋa anyía tu ŋe sú bíyébi, tú bɛ́kákátáka ɔ ɔnyiɔ buólí anyía tú ma sɔ́ háya mɔŋɔlɛ́ ná Bandɔ́mɛsɛ́ a wáŋa wɔɔ́sɔ, wuúci Munohi baacɔ bekime, hɔlákáhɔ́láka mu eebe a bá ŋa bɔ́ háya mɔŋɔlɛ́ né Kilís.

1 Timoté 5:17

Bekendisi hiɔ́bɔ hí belumitinine a bá ŋa bɔ́ nyiɔ búábɔ́ buólí bɔmbányɛ, hɔlákáhɔ́láka bɔsɔ́ɔ́kɔ́ e bé mé bú bíínjie muuyé ne o ohulinyi baacɔ Ambányɛ yɛ́ Ɛsɔ́ma ne o beébe eékúnyi bɛsana, bá ŋa nyɛmána bé o beébe kékéke bikúlú bífendí ɔ ɔhɔla bɔsɔ́ɔ́kɔ́ bé etémbí.

Ebélé 10:36

Nu ŋa nɔ́ nyɛmána nú oweéhínyínyi buéŋí, aáná nu ká nɔ́ kɛlaka bɛsana e bí ŋé bíléníne Bandɔ́mɛsɛ́, núó hiíte bɔkɔ abɔ́ u ŋa banɔ́ bɛ́tánɛ́na.

Ebélé 12:1

Yaátɛ́ asana, háyɛ belumitinine beéŋí eébé ma bɔ́ basɔ́ bɔ́ŋgɛ́na na ɛmbasɔ́, túá nyɛánáka buúse bukime aná bɛsana bikime a bɛ́ ŋá basɔ́ léke ɔkɛla bɔmbányɛ, bɛ́ basɔ́ yébíki buéŋí. Mbá tu cábákɛ́na ɔtɛ́tá awɔ́ tuásɔ́ nyɛmána tú ɔcabakɛna, tu tɛ tɔ́mbɔ.

Ebélé 13:13

Túé keé wuúci kuána haaca ne iiki, tú eéhínyínyi ɔlɔ́kɔ́ma aatɔ́ ɔlama háyɛ wuúci.

Ebélé 6:10

Bandɔ́mɛsɛ́ áŋa ɔtálɛ́mánánɔ́ ; buátɛ́ bɔkɔ ú tɛ káá bɛ́hɔ́ya búánɔ́ buólí te nulénéne enú nu ŋe nú wuúci léne. Nuúnu nú ŋa lɛ́cána aá nyiɔ́lɔ anyɛ́ nu ŋa nɔ́ ɔɔ́lɔ́kɔ báánɔ́ benyíinyí bé olumitinine ; nyiɔ́lɔ eényí nua nɔ́ánáŋa ɔ ɔcɔba ne buúse ɔ ɔkɛla.

Ebélé 6:12

Nɔtɛ bɛ́nyɛ́anɛna, mbá ánɔ bɛ́kɛ́ndɛ́na ɔkɛla háyɛ baacɔ e bé ŋe bú lumitinine, bó weéhínyínyi buéŋí, mbá bɔ́ bɔ́ŋɔ bɛnyɛ́ma abɛ́ Bandɔ́mɛsɛ́ ŋeé beébe bɛ́tánákɛ́ná.

Ebélé 6:15

Abɛ́laham ŋe yeéhínyínyi ɔtáta ɛndána cɛ Bandɔ́mɛsɛ́, híáná ú ŋɔɔ́ bɔ́ŋɔ bɔkɔ abɔ́ Bandɔ́mɛsɛ́ ŋeé wuúci bɛ́tánɛna.

2 Bíel 1:6

O omenyi Bandɔ́mɛsɛ́ ɔ ɔmuaná, ánɔ háya nyɛnɔ́mátána nyɛ́ bɛsana ; a nyɛnɔ́mátána nyɛ́ bɛsana ɔ ɔmuaná, énu solínyi nyiéhínyínyi nyí muuyé ; e nyiéhínyínyi nyí muuyé ɔ ɔmuaná, ánɔ latɛ́nɛ́na nyɛlátɛ́na nyɛ́ bɛsana bí olumitinine.

Nyɛnambɔnɛna nyɛ́ bɛsana 1:9

Yaŋɔ́ Sáaŋ, uunú onyíinyí u olumitinine Yésus, na yaŋɔ́ na banɔ́ tua sɔ́ŋa balatánɔ́ e nyimónjóló ne Yésus na a nyɛlɔ́kɔ́ma nyí muuyé ne e nyiéhínyínyi nyí indekese, basɔ́ bekime eeyé e Butéŋí noómi. Aámɛ a aháŋá, bá ŋaá mɛ hátɛ́na, bɔ́ kɔɔ́ mɛ háya a Bátɛmɔs, iisí a cɛ́mɔtɛ́ ɛ ɛkatɛ́katɛ́ cɛ nuɔmɔ́, a asana ayɛ́ ɛ naŋa yémi hulikinyi baacɔ Bɛsana bɛ́ Bandɔ́mɛsɛ́, i tóŋgínyi baacɔ anyía Yésus áŋa ɔmbasɔ́mbásɔ u bɛsana eébí.

Nyɛnambɔnɛna nyɛ́ bɛsana 3:10

A asana eyí o ŋoó weéhíkínyínyí otétényi bíámɛ bɛsana, yaátɛ́ asana yaŋɔ́ tɔ́na i ké mi o tétényíki ekúlú ayɛ́ baacɔ bekime bá ɔmɛsɛ́ okime ká bɔ́ lɔ́kɔ́máka muuyé a mɔ́ á nyɛmána mu o beébe hámɔ́kɔ́nɛ́na.