Nyɛnambɔnɛna nyɛ́ bɛsana 2:2 - Nomaande

² ɔsɛ : I ŋeé mi menyi na mɔ́ɔ́wɔ monyiókínyí mekime na nyíɔ́wɔ nyibíínjie nyí buólí, na uúwu oweéhínyínyi ú muuyé. I ŋe mí menyi anyía ɔ tɛ́ ɔ́ bá wu olumitine baŋána ɔɔ́wɔ ɛ ɛkatɛ́katɛ́ ; ɔ ŋɔɔ́ bándɔ́náká baacɔ a bá ŋa bɔ́ kɔɔna anyía bá bɔ́ŋa *baacɔ bá ɛndɔ́ma, yiíyi anyía bá tɛ abɔ́ bá aáná ; wɔ́ɔ lɛca anyía bá bɔ́ŋa bafalafala.

Nyɛnambɔnɛna nyɛ́ bɛsana 2:2 Iomraidhean Croise

Matío 7:23

Mbá yaŋɔ́, i ké mí beébe bɛ́kámáka ɛsɛ́ : “Ánɔ mɛ hatɔ́kɔ́nɛ́na eé buúse. Ɛ́ tɛ ŋá mɛ́ banɔ́ ményi buúse bukime, banɔ́ bakɛla maabɛ́ eebe.” »

Sáaŋ 6:6

U ŋaá bátá aáná anyía wá lɔ́kɔ́ma nyibíkéti nyí Fílib, mbá wuúci, u ŋaá bá we ményukune aátɛ́ yɔ́ cɔ́ba ɔ ɔkɛlaka.

Kalasi 1:7

Aá taaká nyɛnamá nyɛ́ ambányɛ yɛ́ ɛsɔ́ma yí etémbí tɛ á bá. Asana ɔ́mɔtɛ́, baacɔ a bɔ́mɔtɛ́ á bɔ́ŋa hɔ́á e bé ŋe bú túŋúlinyi cíínú ɛtɛ́má ; bá ŋa bɔ́ áamba otúmúlíene Ambányɛ yɛ́ Ɛsɔ́ma a yɛ́ ŋa lɛca Kilís.

Ɛfɛ́ɛsɛ 4:14

Yaátɛ́ ekúlú, tu tɛ ká háná asɔ́ bá háyɛ banásɛ́ ; beébe, baacɔ ŋe bú néŋe ne eékúnyi cá bɛfala, bé beébe ndéŋelisiki i iŋetí cɛ ɔkɔkɔ́ ayɛ́ na bɛahɔ́ bí menyífé ne ehúne ŋé ndéŋelisi bɛhaála bikime aá nuɔmɔ́.

1 Tɛsaloníke 1:3

Yááŋa anyía tu ŋa sɔ́ bɛ́táá búánɔ́ buólí ekúlú ekime ayɛ́ tu ŋa sɔ́ bɛ́cɔ́kɔ́lɛ́na ciasɔ́ Síkíne Bandɔ́mɛsɛ́, anyía nu ŋe nú lumitinine, nu lɛcaka muuyé o o wuúci léne ; tu ŋa sɔ́ bɛ́táá tɔ́na háyɛ nú me nú óónyísínyi maanɔ́ mɔŋɔlɛ́ né Otéŋí a Waáŋá Yésus *Kilís.

1 Tɛsaloníke 5:21

Énu bílúmíkínyi yáaŋa bɔmbányɛ bɛsana bikime abɛ́ nu ŋa nɔ́ lɔ́kɔ́ma ; mbá nɔ látákɛ́na a bɛ́áŋa bɛmbányɛ.

2 Timoté 2:19

Mbá ta híáná, bɛsana bɛ́ Bandɔ́mɛsɛ́ áŋa taaká, bɛ́ tɛ ŋá bɛ́nyɔkɔtɔna ; bíáŋa háyɛ tukúse tú ciíbe e tú ti ŋé bínyíényi. Bɔ́ ŋɔ yɔ́ɔ́ŋɔ́kɔ́ e tukúse eétú, báyɛ : « Otéŋí a Waáŋá ŋeé menyi bááyɛ́ baacɔ ». Bɔ́ háná ɔ́ɔ́ŋɔ́kɔ báyɛ : « Ɔɔcɔ okime awɔ́ u ŋa kɔɔna anyía wáŋa ɔɔcɔ u Otéŋí a Waáŋá, wa aáŋíá ɔkɔlɔ́ ɔ ɔkɛla bɔɔbɛ́ ».

Ebélé 6:10

Bandɔ́mɛsɛ́ áŋa ɔtálɛ́mánánɔ́ ; buátɛ́ bɔkɔ ú tɛ káá bɛ́hɔ́ya búánɔ́ buólí te nulénéne enú nu ŋe nú wuúci léne. Nuúnu nú ŋa lɛ́cána aá nyiɔ́lɔ anyɛ́ nu ŋa nɔ́ ɔɔ́lɔ́kɔ báánɔ́ benyíinyí bé olumitinine ; nyiɔ́lɔ eényí nua nɔ́ánáŋa ɔ ɔcɔba ne buúse ɔ ɔkɛla.

1 Sáaŋ 4:1

Baláamɛ bá ɔtɛ́má, nuti tényí lúmitine baacɔ a bá ŋa bɔ́ kɔ́ɔna anyía bá bɔ́ŋa na Ambányɛ yí Elilé ; mbá, ánɔ cáŋa beébe búlúnéke bɔmbányɛ bɔmbányɛ ananyía núénú ményi mbɔ́kɔ bá bɔ́ŋa taaká ne Elilé e yí ŋeé húle ná Bandɔ́mɛsɛ́. Yááŋa anyía *behémúnyi bɛsana bá bɛfala ma bɔ́ hála haála hekime.

Nyɛnambɔnɛna nyɛ́ bɛsana 2:5

Bɛ́tááka bɔmbányɛ haála ehé o ŋoó kúféténe wɔ́ɔ kua ; mbá á bɛ́kákálákɛ́na búɔ́wɔ bɔɔbɛ́, mbá á sɔ́mba ɔkɔlɔ́ eé buúbu ; mbá e tumútúne ɔkɛla bɛsana abɛ́ ɔ ŋɔɔ́ bá ɔ ɔkɛlaka buáyá. Mbɔ́kɔ ɔ tɛ ŋɔ́ kɛla aáná, ɛ ká ká mɛ ááŋía búɔ́wɔ bɔtálɛ́ná bɔ́ *lámba haála ahá búáŋa. Ɛ ká mɛ́ kɛlaka aáná mbɔ́kɔ ɔ tɛ ŋɔ́ɔ́ bɛ́kákálɛ́na búɔ́wɔ bɔɔbɛ́.

Nyɛnambɔnɛna nyɛ́ bɛsana 2:6

Ambányɛ yɛ́ asana nɔ́ɔ́wɔ áŋa anyía o ŋoó liŋine nyiékúnyi nyí Benikóláyíte; ta yaŋɔ́ tɔ́na i ŋeé mí nyiínyi liŋine.

Nyɛnambɔnɛna nyɛ́ bɛsana 2:9

I ŋe mí menyi ne muuyé mukime emú bó ŋo yóo wiínjie ne úúwe ɔsɔ́ka, yiíyi anyía ɔ ɔ́ŋa na bɔnɔ́mɛ. I ŋe mí menyi baacɔ a bá ŋa bɔ́ bɛ́lɔ́ŋɔ anyía *Besuif, beébe tɛ́ka aáná, bé ŋe bú o woóto ; mbá bá bɔ́ŋa baacɔ bá ɔlɔŋɔ ú benyemi *Sátan.

Nyɛnambɔnɛna nyɛ́ bɛsana 3:1

« Ɔɔ́ŋɔ́kɛ́na nufule né *elilé yɛ́ bɔsɔ́ma a hiɔ́bɔ hí belumitinine *Kilís hɛ́ Saalɛtɛs anyía : “Aana Ooci a wáŋa ne bililé bítíndétu nɔ́mɔ a bɛ́áŋa eé buúse bɔ́ Bandɔ́mɛsɛ́, wuúci ú meé tímbie tunjoti tútíndétú nɔ́mɔ ɔ ɔɔbɔ́ ŋa kɔɔna ɔsɛ : I ŋe mí menyi búɔ́wɔ buólí, i menyukune anyía bó ŋo yó woómisi buéŋí anyía ɔ ɔ́ŋa wɔɔ́sɔ, yiíyi anyía ɔ ɔ́ŋa owéénú.

Nyɛnambɔnɛna nyɛ́ bɛsana 3:15

I ŋe mí menyi mɔ́ɔ́wɔ monyiókínyí ; i ŋe mí menyi anyía o ti ŋóo sioŋóno, a tɛ bálá. Ɛ ŋa mɛ́ hɔ́la oléne anyía óo sioŋónóko, ta anyía ɔ́ɔ báláka.

Nyɛnambɔnɛna nyɛ́ bɛsana 3:8

I ŋe mí menyi mɔ́ɔ́wɔ monyiókínyí ; i ŋe mí menyi anyía ɔ tɛ ŋɔ́ɔ́ bá na makɛ́nda meéŋí. Ta híáná, o ŋoó tétényíki bíámɛ bɛsana buéŋí, kuɔŋɔ́ te o mi bínéŋítínyi. Ɛ́ná, í me mí o kuunine ehenyi oówo eé buúse ; yiíyi ɔɔcɔ tɛ á bá wu okueye.