Nyɛnambɔnɛna nyɛ́ bɛsana 17:3 - Nomaande

³ E elime eécí, Elilé yɛ́ Bandɔ́mɛsɛ́ ŋe mi oofíníne ; aáná elilé yɛ́ bɔsɔ́ma eéyé ŋeé mi súéténé i iisí cɛ ɔsɛ́bɛ́á. Ɛ ŋá lɛcá oónjú a wɔmɔtɛ́, ú me límine e elime cɛ múálá a múmɔtɛ́ ɔ ɔmuaná, mubólótoto. Múálá eémú ŋaá bá na bɛɛtɔ́ bítíndétú nɔ́mɔ na ɛndɔ́ŋɔ cíɔ́hátá a bɛɛtɔ́ eébí ; aáná bá ŋa bɔ́ yɔ́ɔ́ŋɔ́kɔ́ cíáyɛ́ cɛɛ́tɔ ikime ne eénye cé ofénékíne Bandɔ́mɛsɛ́.

Nyɛnambɔnɛna nyɛ́ bɛsana 17:3 Iomraidhean Croise

Matío 27:28

Bí ŋeé wuúci laŋɔ́náka, bí ŋé wuúci laŋá kaba e cibólótoto ;

Buólí 8:39

Ɛ́makɛ́la bábɔ́ háma eé nuúci, Elilé yí Otéŋí a Waáŋá nyɛhɔlana ɔhɔlana Fílib eényí. Weekí ta ɔ́ háná wuúci lɛca. Ta híáná, ɔɔcɔ u Etiobí oócí ŋa cɔ́ba ne buúse na ɔkanda, u húlé bílénéke.

2 Tɛsaloníke 2:4

U kéé núusiki bɛnyɛ́ma bikime abɛ́ baacɔ ŋe bú nyemi ; ta yɛ́ cáŋa á bá Bandɔ́mɛsɛ́ bɛ́muátá, mbá ta bɔkɔ bú etémbí ; u káá kɔɔna anyía u ŋeé biíbi hɔ́la bikime, yó kó wóofine te eé Ciíbe cɛ Bandɔ́mɛsɛ́, yó kó limine hɔ́á, u kɔɔnaka anyía wáŋa Bandɔ́mɛsɛ́.

Nyɛnambɔnɛna nyɛ́ bɛsana 1:10

Aáná, buɔ́sɛ́ a búmɔtɛ́ bú Otéŋí a Waáŋá, Elilé yɛ́ Bandɔ́mɛsɛ́ ŋeé mi oofíníne, ɛ tɛ háná bímenyi ; ɛ ŋá lɔ́kɔ́ma okelú ma bɛ́átábɔ́tɔ́na na makɛ́nda eémi e elime i iŋetí acɛ́ ɛsɛ́bɛ́,

Nyɛnambɔnɛna nyɛ́ bɛsana 12:14

Mbá bé ŋe yiínjie oónjú oócí bibéku bífendí bɛ́ yaandándá yí kóndónyi anyía we fúlúlúé ɔ ɔkɔɔ́háma i iisí cɛ ɔsɛ́bɛ́á, haála ehé bé ŋeé wuúci tábɔ́nákɛ́ná anyía bé wuúci túkéké hɔ́á ɔ ɔmbana ú tuɔŋɔ tɔ́tátɔ́ ne ekélékéti haaca na ciɔ́hɔ eécí.

Nyɛnambɔnɛna nyɛ́ bɛsana 12:3

Aáná hibílícínyínyí hí etémbí ŋeé bítóŋínyi tɔ́na ɛ ɛŋɔ́lɔ́muaná : I ŋeé mi bísíémúkúnyi, míɔ lɛca anyía yaandándá yɛ́ ɛŋgandɔ́ yɛ́ ŋaá bá, yɛ́ɔ́ nyíɔkɔ bɔ́ɔ́ŋ, háyɛ oocó, ciíci na bɛɛtɔ́ bítíndétú nɔ́mɔ, ne biboŋoli bí butéŋí bítíndétú nɔ́mɔ a bɛɛtɔ́ eébí ; ciíci tɔ́na na ɛndɔ́ŋɔ cíɔ́hátá.

Nyɛnambɔnɛna nyɛ́ bɛsana 12:6

Mbá iinyí, u ŋaá cábákɛ́na i iisí cɛ ɔsɛ́bɛ́á ; hɔ́á Bandɔ́mɛsɛ́ ŋeé wuúci tábɔ́nákɛ́na anyía wé wuúci túkéke tuɔŋɔ tɔ́tátɔ́ ne ekélékéti.

Nyɛnambɔnɛna nyɛ́ bɛsana 17:18

Oónjú awɔ́ ɔ lɛcaka ŋo tóŋínyi kólókosoko cɛ bálɛ́ka e cí ŋe téŋínyi betéŋí bekime bá ɔmɛsɛ́. »

Nyɛnambɔnɛna nyɛ́ bɛsana 17:4

Oónjú oócí ŋaá bá ɔlaŋabákánɔ́ na bɛmbányɛ bɛ́ bɛlaŋa bí bólótókónó hú bɔ́ɔ́ŋ ; u ŋaá bá tɔ́na bɛ́hákɛ́na aá cɛɛ́tɔ anamá ekime cá bɛnyɛ́ma bɛ́ nyɛnɔ́kɔ́. Ú me tímbie hindeŋé hí kóolo e úúyé ɔɔbɔ́ ú manɔ́mɛ, hɛ́ ŋaá bá hinyíóyónú na bɛɛbɛ́ bí bihíŋe bí olíhe ú cááyɛ́ ɛnjɔkɔ́nɔ́nɔ.

Nyɛnambɔnɛna nyɛ́ bɛsana 18:12

Bɛnyɛ́ma eébí áŋa anamá ekime : Ne kóolo ne biléŋú bɛ́ mɔɔnyɛ́, na andányɛ́ cá nyɛnɔ́kɔ́, na anamá ekime cá bɛmbányɛ bɛ́ bɛlaŋa, ne e bibólótoto hú bɔ́ɔ́ŋ, ne e bibólótoto ombutú ombutú ; na anamá cá bɛmbányɛ bɛ́ bɛnyɛ́ma abɛ́ bá ŋa tábɔ́na na bɛbaŋa bí iceku, ta na maatɛ́ a mambányɛ ; a bɛ́mɔtɛ́ bɛtábɔ́nákánɔ́ na anamá cé biléŋú, ne cé mefíte, na cá andányɛ́ áyá.

Nyɛnambɔnɛna nyɛ́ bɛsana 18:16

Bá kɔ́ɔnaka báyɛ : « Wɛɛ́ɛ buamɛ, wɛɛ́ɛ buamɛ ! Mahana ma yaátɛ́ eeme ná yaandándá yɛ́ bálɛ́ka eéyé e ? Cɛ ŋaá láŋabaka bɛmbányɛ́kɛ́ bɛ́ bɛlaŋa anamá ekime : Ne e bibólótoto hú bɔ́ɔ́ŋ, ne e bibólótoto ombutú ombutú, na bɛmbányɛ bɛ́ bɛnyɛ́ma bikime bɛ́ nyɛnɔ́kɔ́ a bɛtábɔ́nákánɔ́ ne kóolo, ta anyía na bɛmbányɛ bɛ́ andányɛ́.

Nyɛnambɔnɛna nyɛ́ bɛsana 21:10

*Efúúménénú yí Elilé ŋé mi oofine ; elilé yɛ́ bɔsɔ́ma eéyé ŋé mi súéténe oówó a yaandándá yɛ́ acahacaha yɛ́ nɔkɔndɔ ɔ ɔmuaná. Yí ŋé mi tóŋgínyi bálɛ́ka e cifúúménénú ci Yelúsalɛm. Cɛ ŋaá bá cié húlúkúne ɔ Ɔmuaná a maabána ma Bandɔ́mɛsɛ́.

Nyɛnambɔnɛna nyɛ́ bɛsana 4:2

Hikúlúkúlú, Elilé ŋé mi fúkíte, ɛ tɛ háná bíményi ; ɛ ŋá lɛcá nɔkɔná ɔ Ɔmuaná, ɔɔcɔ a wɔmɔtɛ́ me límine e nuúnu.