Nyɛnambɔnɛna nyɛ́ bɛsana 15:3 - Nomaande

³ Bá hákɛ́na na buŋana bú *Moyís, munyiɔnɔ mɔ Bandɔ́mɛsɛ́, na buŋana bú Ɔɔ́nɔ́ u Ɛtɔ́mbá, bá kɔ́ɔnaka báyɛ : « Otéŋí a Waáŋá Bandɔ́mɛsɛ́, Alámakɛ́nda, mɔ́ɔ́wɔ monyiókínyí áŋa maáŋá ma hɛkáká ɔ ɔhɔla bɔkɔ bukime. Otéŋí u mɔnɔŋɔ mekime, cííwú ihényí áŋa ɛtálɛ́mánánɔ́, ciíci taaká.

Nyɛnambɔnɛna nyɛ́ bɛsana 15:3 Iomraidhean Croise

Sáaŋ 1:17

Bandɔ́mɛsɛ́ ŋaá basɔ́ húlínyi yááyɛ́ okotí né *Moyís, mbá na yaála yí nuubo na taaká ŋaá basɔ́ húlíne né *Yésus *Kilís.

1 Timoté 1:17

Ne nuúmi ne nyinyemi á bámɔ́kɔ́na né Otéŋí a Waáŋá Bandɔ́mɛsɛ́ anyía u ŋe téŋínyi ekúlú ekime, wáŋa Indiwé ; ta ɔɔcɔ tí ŋé wuúci lɛca, wuúci wáŋa bímuócí Bandɔ́mɛsɛ́. *Híáná yááŋa.

Ebélé 3:5

A aháŋá ne Moyís, ú ŋaá bá hú munyiɔnɔ e mubíínjíénú a búáyɛ́ buólí ɛ ɛkatɛ́katɛ́ cɛ baacɔ bá Bandɔ́mɛsɛ́ bekime. Búáyɛ́ buólí ŋaá bá anyía wá laákɛ́na baacɔ bɛsana abɛ́ Bandɔ́mɛsɛ́ ŋa cɔ́ba ɔ ɔkɔɔna.

Nyɛnambɔnɛna nyɛ́ bɛsana 1:8

Otéŋí a Waáŋá Bandɔ́mɛsɛ́ ɔsɛ : « Yaŋɔ́ Alɛfa, yaŋɔ́ Ɔmɛ́ka. » Wuúci wáŋa wɔɔ́sɔ, u ŋaá bá, u ká ka hálɔ́mɔ́na ; wáŋa Alámakɛ́nda.

Nyɛnambɔnɛna nyɛ́ bɛsana 11:17

bá kɔɔnaka báyɛ : « Tu ŋe sú o wiínjie bitéŋíti, kuɔŋɔ́ uusú Otéŋí a Waáŋá, Bandɔ́mɛsɛ́, Alámakɛ́nda, a wáŋa wɔɔ́sɔ, wuúci u ŋaá bá, anyía ɔ ɔ́ŋa otóŋínyínyi biɔwɔ bɛandándá bɛ́ makɛ́nda ɔ nyiɔ́wɔ nyitéŋínyi.

Nyɛnambɔnɛna nyɛ́ bɛsana 14:3

Tɔ́sɛ́na cɛ́ baacɔ eécí ŋaá bá cɛ́á hákɛ́na yɔɔ́sɔɔ́sɔ yɛ́ buŋana eé buúse na bɔ́ nɔkɔná nɔ́ Bandɔ́mɛsɛ́, na bɔ́ bɛnyɛ́ma bínyíse e bí ŋe bínyíényi, na bɔ́ *baáŋá áyá. Ta ɔɔcɔ tɛ ɔ́mɔ bá wu ɔhákɛ́na buŋana eébú, ɛ tɛ ŋáa bá hú baacɔ tɔ́sɛ́na etíne étíndétú nɔ́mɔ ne imbuke ínyíse cɛ́ tɔ́sɛ́na abá Bandɔ́mɛsɛ́ ŋaá háŋɔ́náka ɔ ɔmɛsɛ́.

Nyɛnambɔnɛna nyɛ́ bɛsana 14:8

Aáná elilé yɛ́ bɔsɔ́ma a yɛ́mɔtɛ́ ŋaá fááya e elime ci elilé eéyé. Yɛ́ ŋa kɔɔ́na yɛ́sɛ : « Bálɛ́ka a ciáŋá, *Bábilon, ma lɔ́sálɔ́sa, cɛ́ ma lɔ́sálɔ́saʼo. Ciíci eécí cí ŋeé múúsíkí mɔnɔŋɔ mekime meluku ma bíáyɛ́ bibébékénú bɛ́ ɛnjɔkɔ́nɔ́nɔ ! »

Nyɛnambɔnɛna nyɛ́ bɛsana 17:14

Aáná beébe bekime bé ké bú núusiki Ɔɔ́nɔ́ u Ɛtɔ́mbá, mbá wuúci u kéé beébe yákáka anyía wáŋa Otéŋí u betéŋí bekime, wuúci tɔ́na Otéŋí a Waáŋá u betéŋí a *baáŋá bekime. Ne wuúci na bááyɛ́ baacɔ e bé ŋe bú wuúci látɛ́na na ɔtɛ́má ɔ́mɔtɛ́, beébe u ŋɔɔ́ lɔ́tɔ́kɔ, yɔ́ lɔ́ŋɔ́kɔ tɔ́na, bé ké bú beébe yákáka tɔ́na bekime. »

Nyɛnambɔnɛna nyɛ́ bɛsana 19:16

Aáná bɔ́ ŋɔ yɔ́ɔ́ŋɔ́kɔ nyiínyi na a ciayɛ́ káaŋa ne e úúyé ɔfana ɔ ɔmuaná báyɛ : « Otéŋí u betéŋí bekime, Otéŋí a Waáŋá u betéŋí a *baáŋá bekime. »

Nyɛnambɔnɛna nyɛ́ bɛsana 19:2

Nyíáyɛ́ nyɛbɔsɔna nyɛ́ bɛsana áŋa taaká, nyiínyi nyɛtálɛ́mánánɔ́, anyía wáŋa ɔbɔsɔ́nánɔ́ asana yɛ́ yaandándá yí okendí u oónjú eéyé a yɛ́ ŋaá cáŋgɛ́na baacɔ bekime bá ɔmɛsɛ́ na cááyɛ́ ɛnjɔkɔ́nɔ́nɔ. Bandɔ́mɛsɛ́ mé wuúci bɔ́nɔ́sɛa aná anyía u ŋɔ yɔɔ́nɔ́kɔ bááyɛ́ bɔnyiɔnɔ. »

Nyɛnambɔnɛna nyɛ́ bɛsana 4:8

A bɛnyɛ́ma eébí bikime bínyíse, hú naányɛ́ ŋaá bá ne bibéku bítíndétú. Cííbú cɛɛ́tɔ ŋaá bá hú eése ne eése, ta cɛɛ́tɔ noómi mbá te elime. Aáná bɛ́ ŋaá bá bɛ́á hákɛna maŋana ne nebutúé na nabuɔ́sɛ́, bɛ́ tɛ tɔ́mbɔ, bɛ́ kɔɔnaka bɛ́sɛ : « Otéŋí a Waáŋá Bandɔ́mɛsɛ́, ɔ ɔ́ŋa na makɛ́nda mekime ɔ ɔhɔla. Ɔ ɔ́ŋa ofúúménénú, ɔ ɔ́ŋa ofúúménénú, ɔ ɔ́ŋa ofúúménénú. Ɔ ŋɔɔ́ bá, ɔ ɔ́ŋa wɔɔ́sɔ, ɔ kɔ́ kɔ́ɔ́ hálɔ́mɔ́na. »