Nyɛnambɔnɛna nyɛ́ bɛsana 13:3 - Nomaande

³ Yááyɛ́ aatɔ́ a yɛ́mɔtɛ́ ŋaá bá na yaandándá yí imbéŋé ; ta híáná, bé ŋe yeéŋúnyisi imbéŋé eécí. Baacɔ bekime bá ɔmɛsɛ́ ŋa bɔ́ bá bébú kékéke múálá eémú, bé ŋe túmé o wuúci látɛ́na.

Nyɛnambɔnɛna nyɛ́ bɛsana 13:3 Iomraidhean Croise

Lúkas 2:1

Etéeyé ekúlú, *Sɛsáal, otéŋí u butéŋí bú *Lóom, nyíáyɛ́ nyiínyi ɛ́cɛ Okust, ŋe yiínjíé makɛ́nda ná bááyɛ́ baacɔ anyía bá fanáka baacɔ bekime bá búáyɛ́ butéŋí.

Sáaŋ 12:19

Bɔ́mɔtɛ́ *Bafalisiɛ́ŋ laakɛna bɔsɔ́ɔ́kɔ́ báyɛ : « Tɛ́ka nu ŋa nɔ́ lɛ́ca anyía ohónyí tɛ a bá tɔ́na náásɔ́ e ? Baacɔ bekime me bú wuúci látáka ! »

Buólí 8:13

Símon bɛ́muátá ŋe lúmítíníne, yó bíótíne ; u látákɛ́na Fílib. U ŋeé kékéke buéŋí ne bikéki bí tubílícínyínyí ne bikémése bɛ́ bɛsana a bɛ́ ŋa bɛ́kɛ́láka.

Nyɛnambɔnɛna nyɛ́ bɛsana 13:12

Mu ŋaá bá muɔ́ nyíɔkɔ na makɛ́nda me otéŋgínyi i iŋetí cɛ múálá mu buúsebuúse eé buúse bɔ́ múálá eémú. Mu ŋe yeékíkínyi na baacɔ bá ɔmɛsɛ́ na bɛnyɛ́ma bí etémbí bikime anyía bí é nyemíki múálá eémú amɔ́ yaandándá yí imbéŋé ŋa yááŋɔ́núá.

Nyɛnambɔnɛna nyɛ́ bɛsana 13:14

Múálá eémú ŋaá bá mué néŋéke baacɔ bá ɔmɛsɛ́ a asana ne bikeyékeye bɛ́ bɛsana ebí bé ŋeé wuúci iínjie makɛ́nda ma ɔkɛlaka eé buúse bɔ́ sɔ́ɔ́kɔ́ múálá eémú ; múɔ kɛla anyía baacɔ ébú lumitine ɔtua hibílícínyínyí hɛ́ múálá mu buúse amɔ́ bá ŋa cánɛ́ta na nɔsala nɔ́ ɔhána mbá mu líhéke.

Nyɛnambɔnɛna nyɛ́ bɛsana 17:10

Aáná butéŋí bɔ́ bátáánɔ eé beébe na maa mána, butéŋí bú etémbí a yánáŋa. A asana ne butéŋí bú bétíndétú nɔ́mɔ, ekúlú tɛ ŋgaá háma ; ekúlú ayɛ́ bú káá fáaya, bú kéé líhíte hú ekéti yí ekúlú.

Nyɛnambɔnɛna nyɛ́ bɛsana 17:11

A asana na múálá a mú ŋaá bá buáyá muɔ́sɔ, mbá aámbáya mu ti ŋéé líhe, búáyɛ́ butéŋí áŋa bɛ́muátá butéŋí bɔ́ bánámányɛ́. Muúmu mú ŋaá bá ɔmɔtɛ́ u betéŋí bétíndétú nɔ́mɔ eébé. Ekúlú ayɛ́ mú káá hámɔ́tɔ́na, Bandɔ́mɛsɛ́ kéé muúmu menyisi buúse bukime.

Nyɛnambɔnɛna nyɛ́ bɛsana 17:13

Betéŋí bekime bɔ́ɔ́hátá eébé ká bɔ́ bá na nyɛbɛ́táá nyɛ́mɔtɛ́. Nyɛ́áŋa anyía ɔnyiɔnɔ múálá eémú na máábɔ́ makɛ́nda mekime na búábɔ́ bulímbí bukime.

Nyɛnambɔnɛna nyɛ́ bɛsana 17:17

Yááŋa anyía Bandɔ́mɛsɛ́ ŋaá kɛla anyía betéŋí bɔ́ɔ́hátá eébé ábɔ́ bámɔ́kɔ́na na nyɛbɛ́táá nyɛ́mɔtɛ́ ɔ ɔkɛla bɔkɔ e bú ŋeé wuúci bíléníne ; búáŋa anyía bábɔ́ nyiɔkɛna e butéŋí bɔ́ múálá eémú ɔ ɔkɔɔ́háma eyí mehúnyi ma nyɛtákɛ́na nyɛ́ bɛsana nyɛ́ Bandɔ́mɛsɛ́ é bínyíónyísínyi.

Nyɛnambɔnɛna nyɛ́ bɛsana 17:6

Aáná ɛ ŋa mɛ́ lɛcá oónjú oócí ohíólónú na manɔ́ŋɔ́ me belumitinine ; beébe bɔ́ ŋɔ yɔ́ɔ́nɔ́kɔ́ a asana na ɛmbasɔ́ acɛ́ bá ŋa bɔ́ bá bábɔ́ hákɛ́na Yésus. Ɛŋakɛlá yémi wuúci lɛca aáná, i ŋé kéke buéŋí.

Nyɛnambɔnɛna nyɛ́ bɛsana 17:8

Múálá amɔ́ ɔ́ mɔɔ́ lɛcaka ŋaá bá buáyá muɔ́sɔ, mbá aámbáya mu ti ŋéé líhe, mu a yáaŋa ɔ ɔcɔba ɔ ɔhámɔ́tɔ́na a nɔɔfia nú tííme. Ɛkákɛ́la mú a háma, Bandɔ́mɛsɛ́ yó muúmu menyisi buúse bukime. Baacɔ bá ɔmɛsɛ́ beéŋí ké bú kékéke ekúlú ayɛ́ bá ká bɔ́ lɛcaka múálá eémú, beébe eébé cáábɔ́ eénye tɛ ŋáa bá cɔɔ́ŋɔ́kɔ́nɔ́ e nufule nú olíhe noómi o otúme e nyiketi nyɛ́ ɔmɛsɛ́. Yááŋa anyía buáyá múálá eémú ŋaá bá muɔ́sɔ, mbá aámbáya mú ti ŋéé líhe, mú ɔcɔba ɔ ɔhámɔ́tɔ́na. »