Nyɛnambɔnɛna nyɛ́ bɛsana 13:2 - Nomaande

² Múálá eémú ŋaá bá mu a hɔ́áka ɛŋgaŋgɔ́, cááyɛ́ akɔlɔ́ háyɛ cá ɛɛbɔ́ ci eciké, nyíáyɛ́ nyuúté háyɛ nyí iŋgoyó. Ɛŋgandɔ́ cío wuúci cumeke na mááyɛ́ makɛ́nda, na núáyɛ́ nɔkɔná, na makɛ́nda me otéŋgínyi áyá.

Nyɛnambɔnɛna nyɛ́ bɛsana 13:2 Iomraidhean Croise

2 Timoté 4:17

Mbá ta híáná, Otéŋí a Waáŋá ŋaá bá hoóhi na yaŋɔ́, yó mi kíndísíki buéŋí anyía yémi hulíkínyi baacɔ bɔmbányɛ bíáyɛ́ bɛsana, bɛ́ ɔ lɔ́kɔ́mákána e eetú cá baacɔ bekime a bá tɛ ábɔ́ bá *Besuif. U ŋeé mi kétúnyíki e nyuúté nyí iŋgoyó.

1 Bíel 5:8

Cíínú injiŋé tɛ banɔ́ nyímúkúne a bɛɛtɔ́ ; nɔtɛ hɛ́táka hiiné anyía muanɔ́ munuusi, ɛ́cɛ Musɔ́mɛ́na baacɔ, ŋe húlé á naŋála, u banɔ́ tékítéki háyɛ iŋgoyó e cí ŋé húme cɛ aambaka bɔkɔ bɔ́ ɔlahɔnaka.

Nyɛnambɔnɛna nyɛ́ bɛsana 12:13

Ɛ́makɛ́la ɛŋgandɔ́ á bɛ́lɛ́ca anyía bé me ciíci aahɛna ɔ ɔmɛsɛ́, ci ŋé túme ɔwɔɔ́ŋɛ́na oónjú ewú u ŋeé bíéné ɔɔ́nɔ́ ɔnɔ́mɔcɔ́.

Nyɛnambɔnɛna nyɛ́ bɛsana 12:15

Ciɔ́hɔ ŋaá lɛcá aáná, cɛ ŋá aanyákákɛ́na oónjú oócí bɛahɔ́ bí menyífé e elime háyɛ nuɔmɔ́, anyía bɛahɔ́ bí menyífé eébí é wuúci hɔlána.

Nyɛnambɔnɛna nyɛ́ bɛsana 12:9

Ɛ́ɛhɛ́ bá ŋa bɔ́ nyɛkɛ́tɛ́na yaandándá yɛ́ ɛŋgandɔ́ eéyé, ciíci cɛ́áŋa ciɔ́hɔ cɛ buáyá eécí acɛ́ bɔ́ ŋɔɔ́ lɔ́ŋɔ anyía ɔlɛmbalɛmba, ta anyía na Musɔ́mɛ́na na Sátan ; mu naŋa mué nénisiki ne munéŋéne baacɔ bekime bá ɔmɛsɛ́ okime. Bé ŋe bú ciíci nyɛkɛ́tɛ́na ɔ ɔmɛsɛ́ na bíáyɛ́ bililé bɛ́ masɔ́ma áyá.

Nyɛnambɔnɛna nyɛ́ bɛsana 13:12

Mu ŋaá bá muɔ́ nyíɔkɔ na makɛ́nda me otéŋgínyi i iŋetí cɛ múálá mu buúsebuúse eé buúse bɔ́ múálá eémú. Mu ŋe yeékíkínyi na baacɔ bá ɔmɛsɛ́ na bɛnyɛ́ma bí etémbí bikime anyía bí é nyemíki múálá eémú amɔ́ yaandándá yí imbéŋé ŋa yááŋɔ́núá.

Nyɛnambɔnɛna nyɛ́ bɛsana 13:4

Baacɔ bekime nyitúme onyemi ɛŋgandɔ́ eényí, ananyía cí ŋeé cúméke mááyɛ́ makɛ́nda ná múálá eémú ; bé nyémiki tɔ́na múálá, bá kɔɔnaka báyɛ : « Aányɛ́ wáŋa háyɛ kuɔŋɔ́ e ? Aányɛ́ wáŋa wu ɔ kuɔŋɔ́ núúsiki e ? »

Nyɛnambɔnɛna nyɛ́ bɛsana 16:10

Elilé yɛ́ bɛ́táánɔ ŋe ke súkúne hííyé hindeŋé a nɔkɔná nɔ́ múálá ɔ ɔmuaná ; aáná ibíne ŋeé bíhúéné butéŋí bɔ́ múálá eémú, baacɔ bíkótóko bɛkɛkɛ ananyía bá ŋa bɔ́ bá bábɔ́ lɔ́kɔ́máka ɔkála weéŋí.

Nyɛnambɔnɛna nyɛ́ bɛsana 17:12

A asana na ɛndɔ́ŋɔ cíɔ́hátá acɛ́ ɔ lɛcaka, cí ŋo tóŋínyi betéŋí bɔ́ɔ́hátá e bé tí ŋe bú túme otéŋínyi, mbá Bandɔ́mɛsɛ́ kéé beébe iínjie makɛ́nda me otéŋgínyi ɔlɔŋɔ na múálá eémú e hikéti hí ekúlú.

Nyɛnambɔnɛna nyɛ́ bɛsana 19:20

Bá ŋaá hatɛ́na na múálá ne *muhémúnyi bɛsana mɔ bɛfala. Muúmu mu ŋaa kɛ́láka bikeyékeye bɛ́ bɛsana eé buúse bɔ́ múálá o onenisi baacɔ e bé ŋe bú lumitekine anyía bé beébe bílícíkínyínyi ne hibílícínyínyí hɛ́ múálá, bó lúmítékíne onyemi yááyɛ́ ɔbɔ́kɔ́bɔ́kɔ. Nyíábɔ́ nyi beébe aahakɛna eényí bekime béfendí bɔɔ́sɔ a nɔɔfia nú oocó ú indusí noómi.

Nyɛnambɔnɛna nyɛ́ bɛsana 2:13

I ŋe mí menyi haála ehé o ŋoó limine, haála ahá Sátan áŋa otéŋí. Asana ɔ́mɔtɛ́, ɔ ɔ́ŋa obíínjíénú a asana na nyiámɛ nyiínyi, o ti omó mi bínéŋítínyi ta buɔ́sɛ́ o olumitinine, te ekúlú ayɛ́ bɔ́ ŋɔ yɔ́ɔ́nɔ́kɔ Antibas, uumi ɔmbasɔ́mbásɔ u mɔŋɔlɛ́, aanɔ́ ɛ ɛkatɛ́katɛ́ haála ahá Sátan ŋe límine.

Nyɛnambɔnɛna nyɛ́ bɛsana 20:2

Elilé eéyé ŋa ka hátɛ́na ɛŋgandɔ́, ciɔ́hɔ cɛ buáyá, ciíci cɛáŋa ɔlɛmbalɛmba, ta anyía na Musɔ́mɛ́na na Sátan, múó ciíci ɔɔtɔ́kɔkɔ na bɔcanja anyía mué limine aáná tuɔŋɔ tɔ́sɛ́na ɛ́mɔtɛ́.