Nyɛnambɔnɛna nyɛ́ bɛsana 12:3 - Nomaande

³ Aáná hibílícínyínyí hí etémbí ŋeé bítóŋínyi tɔ́na ɛ ɛŋɔ́lɔ́muaná : I ŋeé mi bísíémúkúnyi, míɔ lɛca anyía yaandándá yɛ́ ɛŋgandɔ́ yɛ́ ŋaá bá, yɛ́ɔ́ nyíɔkɔ bɔ́ɔ́ŋ, háyɛ oocó, ciíci na bɛɛtɔ́ bítíndétú nɔ́mɔ, ne biboŋoli bí butéŋí bítíndétú nɔ́mɔ a bɛɛtɔ́ eébí ; ciíci tɔ́na na ɛndɔ́ŋɔ cíɔ́hátá.

Nyɛnambɔnɛna nyɛ́ bɛsana 12:3 Iomraidhean Croise

Nyɛnambɔnɛna nyɛ́ bɛsana 12:1

E elime eécí, hibílícínyínyí a hiáŋá ŋeé bítóŋínyí ɛ ɛŋɔ́lɔ́muaná : Mío bísíémúkúnyi, míɔ lɛca anyía oónjú u ŋaá bá, ɔɔ́cɔ́ ŋeé wuúci bɛ́bɔ́ŋɔ́lɛna aá cɛɛ́tɔ háyɛ bɔlaka, oólí nɔmaka ɛ ɛmbana cɛ bíáyɛ́ bɛbanábána, u ŋaá bá bɛ́háya a yááyɛ́ aatɔ́ oboŋoli yí tunjoti túɔ́hátá ne túfendí.

Nyɛnambɔnɛna nyɛ́ bɛsana 12:13

Ɛ́makɛ́la ɛŋgandɔ́ á bɛ́lɛ́ca anyía bé me ciíci aahɛna ɔ ɔmɛsɛ́, ci ŋé túme ɔwɔɔ́ŋɛ́na oónjú ewú u ŋeé bíéné ɔɔ́nɔ́ ɔnɔ́mɔcɔ́.

Nyɛnambɔnɛna nyɛ́ bɛsana 12:17

Hilóbi ŋeé tímbie ciɔ́hɔ buéŋí a asana eéyé, cɛ ŋá cɔbá o okonúusi baáná bé etémbí bé oónjú oócí ; beébe bá naŋa bábɔ́ lɔ́kɔ́mákɛ́na *bikotí bɛ́ Bandɔ́mɛsɛ́, bá látákɛ́na taaká ecí Yésus ŋa nambɔ́nɛ́na baacɔ.

Nyɛnambɔnɛna nyɛ́ bɛsana 12:4

Úúyé ɔndáŋá ŋé húlúnéke nuafa númɔtɛ́ nɔ́ tuafa tɔ́tátɔ́ tú tunjoti tukime tɔ́ ɛŋɔ́lɔ́muaná, yí tuútu sukuneke ɔ ɔmɛsɛ́. Ɛŋgandɔ́ eécí ŋa kaá tálɛ́mɛ́nɛ́na oónjú awɔ́ u ŋaá bá we númíki eé buúse, anyía wá lahɔ́náka ɔɔ́nɔ́ hí ekúlú eyí oónjú oócí ŋeé bíéne.

Nyɛnambɔnɛna nyɛ́ bɛsana 12:7

Biité ŋá kua ɔ Ɔmuaná noómi : Na Mikayɛ́l na bíáyɛ́ bililé bɛ́ masɔ́ma nuusiki ɛŋgandɔ́ ; na ɛŋgandɔ́ na bíáyɛ́ bililé bɛ́ masɔ́ma nuaka tɔ́na biité eébí.

Nyɛnambɔnɛna nyɛ́ bɛsana 12:9

Ɛ́ɛhɛ́ bá ŋa bɔ́ nyɛkɛ́tɛ́na yaandándá yɛ́ ɛŋgandɔ́ eéyé, ciíci cɛ́áŋa ciɔ́hɔ cɛ buáyá eécí acɛ́ bɔ́ ŋɔɔ́ lɔ́ŋɔ anyía ɔlɛmbalɛmba, ta anyía na Musɔ́mɛ́na na Sátan ; mu naŋa mué nénisiki ne munéŋéne baacɔ bekime bá ɔmɛsɛ́ okime. Bé ŋe bú ciíci nyɛkɛ́tɛ́na ɔ ɔmɛsɛ́ na bíáyɛ́ bililé bɛ́ masɔ́ma áyá.

Nyɛnambɔnɛna nyɛ́ bɛsana 13:1

Ɛ ŋa mɛ́ lɛca tɔ́na múálá á hámɔ́kɔ́na aá nuɔmɔ́ nɔ́ makɛ́lɛ́ noómi, muúmu na bɛɛtɔ́ bítíndétú nɔ́mɔ, na ɛndɔ́ŋɔ cíɔ́hátá a ciáŋa ne biboŋoli bí butéŋí. Bɔ́ ŋɔ yɔ́ɔ́ŋɔ́kɔ a bɛɛtɔ́ eébí eénye cé ofénékíne Bandɔ́mɛsɛ́.

Nyɛnambɔnɛna nyɛ́ bɛsana 13:2

Múálá eémú ŋaá bá mu a hɔ́áka ɛŋgaŋgɔ́, cááyɛ́ akɔlɔ́ háyɛ cá ɛɛbɔ́ ci eciké, nyíáyɛ́ nyuúté háyɛ nyí iŋgoyó. Ɛŋgandɔ́ cío wuúci cumeke na mááyɛ́ makɛ́nda, na núáyɛ́ nɔkɔná, na makɛ́nda me otéŋgínyi áyá.

Nyɛnambɔnɛna nyɛ́ bɛsana 13:4

Baacɔ bekime nyitúme onyemi ɛŋgandɔ́ eényí, ananyía cí ŋeé cúméke mááyɛ́ makɛ́nda ná múálá eémú ; bé nyémiki tɔ́na múálá, bá kɔɔnaka báyɛ : « Aányɛ́ wáŋa háyɛ kuɔŋɔ́ e ? Aányɛ́ wáŋa wu ɔ kuɔŋɔ́ núúsiki e ? »

Nyɛnambɔnɛna nyɛ́ bɛsana 15:1

E elime eécí, i ŋeé mi bísíémúkúnyí tɔ́na míɔ lɛca yaandándá yí ekeyekeye yɛ́ asana yí etémbí ɔ Ɔmuaná : Bililé bɛ́ masɔ́ma bítíndétú nɔ́mɔ bí me tímbíéke muuyé mutíndétú nɔ́mɔ a aabá. Muuyé mú nyibíóndísínyi eémú mu ŋaá bá, anyía e muuyé eémú hilóbi hɛ́ Bandɔ́mɛsɛ́ ŋeé bíóndísínyi.

Nyɛnambɔnɛna nyɛ́ bɛsana 16:13

Ɛ ŋá lɛcá *bɛɛbɛ́ bí bililé bɛ́tátɔ́, bɛ́ hɔ́áka bɛɔ́kɔ́kɔlɔ. A yɛ́mɔtɛ́ ŋaá háma eé nyuúté nyɛ́ ɛŋgandɔ́, a yɛ́mɔtɛ́ eé nyuúté nyɛ́ múálá, a yɛ́mɔtɛ́ tɔ́na ŋaá háma eé nyuúté nyí *muhémúnyi bɛsana mɔ bɛfala.

Nyɛnambɔnɛna nyɛ́ bɛsana 17:12

A asana na ɛndɔ́ŋɔ cíɔ́hátá acɛ́ ɔ lɛcaka, cí ŋo tóŋínyi betéŋí bɔ́ɔ́hátá e bé tí ŋe bú túme otéŋínyi, mbá Bandɔ́mɛsɛ́ kéé beébe iínjie makɛ́nda me otéŋgínyi ɔlɔŋɔ na múálá eémú e hikéti hí ekúlú.

Nyɛnambɔnɛna nyɛ́ bɛsana 17:16

A asana na ɛndɔ́ŋɔ cíɔ́hátá acɛ́ ɔ́ɔ lɛcaka na múálá bɛ́muátá tɔ́na bí kéé nuusiki okendí u oónjú oócí bɔmbányɛ bɔmbányɛ, bɛ́ɔ bákáláka bɛnyɛ́ma bikime abɛ́ wáŋa ne biíbi a aabá, bí o wuúci nyɛana onuti etémbí, bɛ́ ɔlahɔnaka ciíye imehú, bí o wuúci luliki o oocó noómi.

Nyɛnambɔnɛna nyɛ́ bɛsana 17:7

Aáná elilé yɛ́ bɔsɔ́ma eéyé ŋaá mɛ batá yɛ́sɛ : « Anyíatɛ́ o ŋoó kéke e ? Míɔ cɔba ɔ ɔ kuɔŋɔ́ hémbulekine injibí cɛ asana ne yí oónjú oócí, na yɛ́ múálá a muáŋa mu wuúci bɛ́túáhɛ́nánɔ́ ; muúmu muáŋa na bɛɛtɔ́ bítíndétú nɔ́mɔ na ɛndɔ́ŋɔ cíɔ́hátá.

Nyɛnambɔnɛna nyɛ́ bɛsana 19:12

Cááyɛ́ eése nɔ́maka háyɛ nɔbɛ́mbɛ nú oocó, biboŋoli bí butéŋí biéŋí áŋa a yááyɛ́ aatɔ́. Wáŋa ne nyiínyi a nyɛ́mɔtɛ́ nyɛɔ́ŋɔ́kɔ́nɔ́ aá cɛɛ́tɔ anyɛ́ ɔɔcɔ u etémbí ti ŋe ményi, ɛ tɛ ŋáa bá hú wuúci bímuócí.

Nyɛnambɔnɛna nyɛ́ bɛsana 20:2

Elilé eéyé ŋa ka hátɛ́na ɛŋgandɔ́, ciɔ́hɔ cɛ buáyá, ciíci cɛáŋa ɔlɛmbalɛmba, ta anyía na Musɔ́mɛ́na na Sátan, múó ciíci ɔɔtɔ́kɔkɔ na bɔcanja anyía mué limine aáná tuɔŋɔ tɔ́sɛ́na ɛ́mɔtɛ́.