Biblia Todo Logo
Bìoball air-loidhne

- Sanasan -




Nyɛnambɔnɛna nyɛ́ bɛsana 11:3 - Nomaande

3 Ɛ ká mɛ́ tɔ́ma báámɛ bambasɔ́mbásɔ béfendí balaŋábákánɔ́ bisíkésíke ; bé ké bú hémúkúnyinyi baacɔ bɛsana i iílí eécí, ɛ́cɛ anyía mɔɔ́sɛ́ tɔ́sɛ́na ɛ́mɔtɛ́ na hɔ́ndɛ́tɛ ífendí ne etíne átátɔ́. »

Faic an caibideil Dèan lethbhreac




Nyɛnambɔnɛna nyɛ́ bɛsana 11:3
43 Iomraidhean Croise  

« Nua nɔ́ŋa mahana, banɔ́ baacɔ bá Kolasine ! Nua nɔ́ŋa mahana, banɔ́ baacɔ bá Bɛtɛsɛ́ta ! Yááŋa anyía, mbɔ́kɔ bikéki bɛ́ bɛsana abɛ́ Bandɔ́mɛsɛ́ ŋaa kɛ́láka náánɔ́ á bɛ́kɛ́láka ne e Tíil ne e Síton, keyé baacɔ bá bálɛ́ka eécí na maá bɔ́ láŋabaka ikute, bó límekine a mɔɔtɔ́ anyía bébú tóŋínyi anyía bá ŋa bɔ́ áamba ɔbɛ́kákálákɛ́na maabɔ́ maabɛ́, mbá bá sɔ́mba ɔkɔlɔ́ eé meéme.


Mbá, mbɔ́kɔ u tɛ ŋáá lɔ́kɔ́ma aáná, ké ké wuúci laána eé buúse bɔ́ ɔɔcɔ u etémbí ta anyía eé buúse bɔ́ baacɔ béfendí. Yááŋa anyía Ciɔɔ́ŋɛ́ ŋa kɔɔna anyía asana ekime ŋá nyɛmána yí obícíkílíékéne eé buúse bɔ́ bambasɔ́mbásɔ béfendí ta anyía bátátɔ́.


Nua nɔ́ŋa mahana, banɔ́ baacɔ bá Kolasine ! Nua nɔ́ŋa mahana, banɔ́ baacɔ bá Bɛtɛsɛ́ta ! Yááŋa anyía, mbɔ́kɔ bikéki bɛ́ bɛsana abɛ́ Bandɔ́mɛsɛ́ ŋaá kɛ́láka náánɔ́ á bɛ́kɛ́láka ne e Tíil ne e Síton, keyé baacɔ bá bálɛ́ka eécí na maá bɔ́ bɛ́láŋáka ikute, bó límekine a mɔɔtɔ́ anyía bébú tóŋínyi anyía bá ŋa bɔ́ áamba ɔbɛ́kákálákɛ́na maabɔ́ maabɛ́, mbá bá sɔ́mba ɔkɔlɔ́ eé meéme.


Nu ká nɔ́ hákɛ́na ɛmbasɔ́ a bɛsana eébí.


Ta banɔ́ tɔ́na nu ká nɔ́ kɔ́ɔnaka yáámɛ asana anyía hí e nyitúméke nuanɔ́ báka na yaŋɔ́. »


Sáaŋ ŋeé beébe bɛ́káma ɔsɛ : « Ɔɔcɔ tɛ á bá wu ɔbɔ́ŋɔ bɔkɔ, ɛ tɛ ŋáa bá anyía Bandɔ́mɛsɛ́ wé wuúci íínjie.


Asana ɔ́mɔtɛ́, Bandɔ́mɛsɛ́ káá banɔ́ iínjie makɛ́nda ekúlú eyí *Efúúménénú yí Elilé ké yóofine náánɔ́, nu ká nɔ́ bámɔ́kɔ́nɛ́na báámɛ bambasɔ́mbásɔ, núo bíkétíkínyi baacɔ bɛsana ebí nú ŋe nú menyi aámɛ a asana, o otúme e Yelúsalɛm, ɔ ɔháma i iisí ne ci *Yuté ikime na cɛ *Samalí, ɔ ɔkɔɔ́háma ɔ mɔnɔŋɔ mekime me nyióndi ma ɔmɛsɛ́ ooci. »


Aáná Yésus ŋe bítóŋgínyí bikúlú biéŋí a baacɔ e bé ŋe bú kéndíkínyi ne wuúci o otúme a *Kalilé ɔ ɔkɔɔ́háma eé Yelúsalɛm ; beébe bá bɔ́ŋa ɔ ɔháya ɛmbasɔ́ aámbáya a yááyɛ́ asana ná baacɔ bé Islayɛ́l.


Buátɛ́ bɔkɔ ɛ ŋa mɛ́ banɔ́ láana anyía waáta Yésus oócí Bandɔ́mɛsɛ́ ŋeé héényi e biwéewé ; basɔ́ eebe tua sɔ́ŋa be-wuúci-lɛcákánɔ́ wɔɔ́sɔ.


Yaátɛ́ asana nú ŋa nɔ́ kɛ́la anyía bá ɔɔ́nɔ́kɔ ɔɔcɔ a wáŋa Muínjíéne olíhe. Ta híáná, Bandɔ́mɛsɛ́ ŋeé wuúci heenyútúne e biwéewé ; basɔ́ bɛ́muátá tua sɔ́ŋa bé wuúci lɛcákánɔ́ wɔɔ́sɔ.


Aáná Bandɔ́mɛsɛ́ ŋeé télímíkínyi baacɔ e hííyé hiɔ́bɔ hí é bilimíníne hí é bilimíníne : Eé buúse, baacɔ bá ɛndɔ́ma ; ɔ ɔláta behémúnyi bíáyɛ́ bɛsana, ɔ ɔkɔɔ́láta beékúnyi baacɔ bíáyɛ́ bɛsana ; ɔcɔba ne buúse, u ŋe yiínjie baacɔ a bɔ́mɔtɛ́ makɛ́nda ma ɔkɛlaka *bikéki bɛ́ bɛsana, a bɔ́mɔtɛ́ makɛ́nda me oweéŋúnyísíki baacɔ ɛkɔnɔ, a bɔ́mɔtɛ́ tɔ́na ŋa bɔ́ bɔ́ŋgɔ́ná makɛ́nda ma ɔwɔɔ́lɔ́kɔ bahanahana ne me okendisiki baacɔ ; e elime, yó wiínjie a bɔ́mɔtɛ́ makɛ́nda ma ɔtáŋáka anamánamá cá ɛtáŋa.


Afaaya átátɔ́ eece ɛ ŋaá mɛ faakɔna náánɔ́, aáná tu ké sú cíkiliekene eetíé ekime e elime cɛ ɛmbasɔ́ cɛ́ baacɔ béfendí ta anyía bátátɔ́, tu látáka háyɛ Ciɔɔ́ŋɛ́ ŋó tóŋínyi.


Wuúci u ŋa kɛ́láka anyía baacɔ a bɔ́mɔtɛ́ á bámɔ́kɔ́na baacɔ bá ɛndɔ́ma, a bɔ́mɔtɛ́ *behémúnyi bɛsana bá Bandɔ́mɛsɛ́, a bɔ́mɔtɛ́ behulinyi bɔsɔ́ɔ́kɔ́ Ambányɛ yɛ́ Ɛsɔ́ma, a bɔ́mɔtɛ́ tɔ́na bootonono ta anyía beékúnyi bɛsana.


Yésus Kilís taaká cɛ ɔmbasɔ́mbásɔ á banɔ́ sáyábákɛ́na tɔ́na, mbá u banɔ́ iínjíékíne mbuumu ɛ ɛtɛ́má ; wuúci wáŋa ɔɔcɔ u buúsebuúse ɔ ɔhaanyua e biwéewé, wáŋa Otéŋí u betéŋí bekime bá ɔmɛsɛ́. U naŋa waá basɔ́ lénéke, u ŋá basɔ́ háŋɔ́náka a bɔɔbɛ́ anyía u ŋe keé wé a yáásɔ́ asana.


A asana na nɔháatɛ́, nyɛana eti nuúnu ketí, ananyía Bandɔ́mɛsɛ́ ŋe yiínjie ɔ mɔnɔŋɔ a ma tɛ á bá *Besuif ; mɔnɔŋɔ eémé ké yeéndéke efúúménénú yɛ́ bálɛ́ka iílí etíne éfendí ne imbuke ífendí.


Bambasɔ́mbásɔ eébé á bɔ́ŋa na makɛ́nda ma ɔhatɛakɛna tɔbɔ́lá, tɔ́ tɛ naa ɔ mɔɔ́sɛ́ mekime emé bé ké bú hémúkúnyínyi baacɔ bɛsana, beébe tɔ́na na makɛ́nda ne me oceŋisiki menyífé manɔ́ŋɔ́, ne me owiínjíékíne baacɔ anamánamá ce muuyé a nyɛnamá enyí bé ké bú lénéke.


Mbá iinyí, u ŋaá cábákɛ́na i iisí cɛ ɔsɛ́bɛ́á ; hɔ́á Bandɔ́mɛsɛ́ ŋeé wuúci tábɔ́nákɛ́na anyía wé wuúci túkéke tuɔŋɔ tɔ́tátɔ́ ne ekélékéti.


Bé ŋé yiínjie múálá na makɛ́nda me ohémúkúnyi bɛahɔ́ eéyé e nyuúté, na makɛ́nda me ofénékíne Bandɔ́mɛsɛ́ ; bé ŋé muúmu iínjie tɔ́na ekúlú yɛ́ ɔkɛlaka aáná : Iílí etíne éfendí ne imbuke ífendí.


E elime eécí, i ŋe mí wuúci túmíné eŋéndu o o wuúci nyemi, mbá yɛ́sɛ : « Eéʼeé, atɛ kɛla aáná ; yaŋɔ́ tɔ́na ya mɛ́ŋa munyiɔnɔ bɔkɔ búmɔtɛ́ háyɛ na kuɔŋɔ́ na bɔnɔ́ɔnyia abá nu ŋa nɔ́ látɛna taaká ecí Yésus ŋa námbɔ́nákɛ́na baacɔ. Bandɔ́mɛsɛ́ bímuócí ɔ́ɔ nyɛmána wu onyemiki. » Taaká ci Yésus eécí cí ŋe yiínjie behémúnyi bɛsana makɛ́nda ma ɔnyiɔkɔ búábɔ́ buólí.


E elime eécí, ɛ ŋá lɛcá tɔkɔná. Baacɔ a bá ŋa bɔ́ bá limekine hɔ́á, bé ŋeé beébe iínjíékíne makɛ́nda me okélísíki baacɔ. Míɔ lɛcá tɔ́na tɔtányɛ́ tɔ́ baacɔ abá bá ŋaá cáláká bɛɛtɔ́ a asana na nyíábɔ́ nyibíínjie, bó lumitekinine Bɛsana bɛ́ Bandɔ́mɛsɛ́, na a asana yɛ́ taaká ecí Yésus ŋaá námbɔ́nákɛ́na baacɔ. Beébe eébé bó ti ómo bú nyemi múálá, ta ɔbɔ́kɔ́bɔ́kɔ yí hííyé hibílícínyínyí ; baacɔ te o beébe bílícínyínyi ta tɔbɔlɔ mbá ta aabá. Bá ŋa bɔ́ háányuaka e biwéewé, Bandɔ́mɛsɛ́ yó beébe iínjíékíne makɛ́nda me otéŋgínyi baacɔ ɔlɔŋɔ ne *Kilís a tuɔŋɔ tɔ́sɛ́na ɛ́mɔtɛ́.


Lean sinn:

Sanasan


Sanasan